1 Peddyr 2:1 - Yn Vible Casherick 1775 1819

¹ Shen-y-fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

Yn Conaant Noa 1810

¹ Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Peddyr 2:1 ပူးပေါင်းရင်းမြစ်များ

Lioar Yob 36:13

Agh ta ny crauee-oalsey ayns cree cur seose jymmoose nyn gour hene; cha vel ad geamagh huggey tra t’eh cur seaghyn orroo:

Psalmyn 32:2

Bannit yn dooinney nagh vel y Chiarn cur peccah erbee ny lieh: as ayns e chree nagh vel kialg erbee.

Psalmyn 34:13

Smaght dty hengey veih olk: as dty veillyn nagh loayr ad foalsaght erbee.

Psalmyn 37:1

Ny bee oo fargagh er coontey ny mee-chrauee: chamoo jean uss troo mysh ny drogh-yantee.

Psalmyn 73:3

As cre’n-oyr? va mee seaghnit er coontey ny mee-chrauee: ta mee myrgeddin fakin drogh ’leih ayns lheid y raah.

Raaghyn Creeney 14:30

Ta cree follan slaynt y challin: agh ta troo, loauid ny craueyn.

Raaghyn Creeney 24:1

Ny jean troo mysh drogh gheiney, as ny shir dy ve mâroo.

Raaghyn Creeney 24:19

Ny bee uss fargagh kyndagh rish drogh-sleih; as ny jean troo mysh ny mee-chrauee.

Raaghyn Creeney 3:31

Ny jean troo mysh y tranlaasagh, as ny jean reih veg jeh e raaidyn.

Isaiah 2:20

Nee dooinney ayns y laa shen ceau gys ny lughee as ny craitnagyn, e yallooyn argid as e yallooyn airhey, ren ad, dagh dooinney da hene, dy ooashlaghey:

Isaiah 30:22

Nee shiu myrgeddin coontey myr neu-ghlen coodagh dty yallooyn grainnit dy argid, as coamrey dty yallooyn lheït dy airh: nee oo ad y cheau ersooyl myr aanrit neu-ghlen; jir oo rish, Fow ass my enish.

Noo Mian 15:7

Chrauee-oalsey, s’mie ren Esaias phadeyrys jiuish, gra,

Noo Mian 23:28

Shen myr ta shiuish neesht er cheu-mooie cairagh ayns shilley deiney, agh cheu-sthie ta shiu lane dy chraueeaght-oalsey as dy vee-chairys.

Noo Mian 24:51

As giaree eh eh veih-my-cheilley, as pointee eh e chronney marish ny crauee-oalsey: ayns shen vees keayney as snaggeraght feeacklyn.

Noo Mian 7:5

Er-crauee-oalsey, tilg hoshiaght yn darrag ass dty hooill hene; as eisht nee oo dy baghtal fakin dy ghoaill yn brinneen ass sooill dty vraarey.

Noo Mark 12:15

Jean mayd coyrt, ny dyn coyrt? Agh va fys echeysyn er y chialgeyrys oc, as dooyrt eh roo, Cre’n-fa ta shiu shirrey dy my ghoaill ayns ribbey? cur-jee lhieu ping hym, dy vaik-ym eh.

Noo Luke 11:44

Smerg diuish scrudeyryn as Phariseeyn, chrauee-oalsey: son ta shiu myr oaiaghyn nagh vel ry-akin, as ny deiney ta shooyl harrystoo, cha vel fys oc dy vel ad ayn.

Noo Luke 12:1

Nish mysh y traa shen va ymmodee erskyn-earroo dy leih er nyn jaglym cooidjagh, ayns wheesh as dy row ad stampey yn derrey yeh er yn jeh elley, ghow eh toshiaght dy ghra rish e ostyllyn, Erskyn ooilley bee-jee twoaiagh jeh soorid ny Phariseeyn, ta shen dy ghra, craueeaght-oalsey.

Noo Luke 6:42

Ny kys oddys oo gra rish dty vraar, Vraar, lhig dou yn brenneein y ghoaill ass dty hooill’s, tra nagh vel oo goaill tastey dy vel darrag ayns dty hooill hene? Er-crauee-oalsey, tilg hoshiaght yn darrag ass dty hooill hene, eisht bee soilshey ayd dy ghoaill yn brenneein ass sooill dty vraarey.

Noo Ean 1:47

Honnick Yeesey Nathanael cheet ny whail, as dooyrt eh jehsyn, Cur-my-ner Israelite firrinagh, ayn nagh vel molteyrys erbee.

Romanee 1:29

Laadit lesh dy chooilley neu-ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh-yannoo; scammyltee cooyl-chlea,

1 Corinthianee 14:20

Vraaraghyn, ny bee-jee nyn gloan ayns tushtey: ny-yeih ayns olkys bee-jee myr cloan, agh ayns toiggal bee-jee deiney.

1 Corinthianee 5:8

Lhig dooin er-y-fa shen freayll yn feailley; cha nee lesh y chenn soorid, chamoo lesh y soorid dy ghoanlys as olkys; agh lesh yn arran-millish dy ynrickys as firrinys.

2 Corinthianee 12:20

Agh ta mee goaill aggle tra hig-ym’s, nagh voym shiuish lheid as baillym, as beem’s er my gheddyn lieriuish lheid as nagh bailliu: er-aggle dy bee ny-vud eu anvea, troo, jymmoose, streeu, cooyl-chassid, tutleraght, mooaralys, irree-magh:

Ephesianee 4:31

Lhig da dy chooilley roonid, as jymmoose, as farg, as beealeraght, as oltooan ve eebrit veue, marish dy chooilley ghoanlys.

1 Thessalonianee 2:3

Son cha row yn choyrle ain veih molteyrys, ny veih neu-ghlennid, ny ayns foalsaght:

1 Timothy 3:11

Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

Titus 2:3

Ny shenn vraane myrgeddin, dy bee ad dy ymmyrkey-bea crauee, cha nee scammyltee, ny cur rouyr saynt da feeyn, soilshaghey sampleyr mie;

Hebrewnee 12:1

Shen-y-fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

Jamys 1:21

Shen-y-fa cur-jee dy lhiattee dy chooilley neu-ghlennid, as rouyr dy olkys, as gow-jee lesh meenid yn goo ta fraueit ayndiu, ta fondagh dy hauail nyn anmeenyn.

Jamys 3:14

Agh my ta eu myskid sharroo as streeu ayns nyn greeaghyn, ny jean-jee boggyssagh, as ny jean-jee breg noi’n irriney.

Jamys 4:11

Ny loayr-jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Jamys 4:5

Vel shiu smooinaghtyn dy vel y scriptyr gra ayns fardail, Ta’n spyrryd ta cummal aynin greinnaghey gys troo?

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.

1 Peddyr 2:16

Myr adsyn ta seyr, fegooish jannoo ymmyd jeh’n seyrsnys eu son coodaghey dy olkys; agh myr sharvaantyn Yee.

1 Peddyr 2:22

Eh nagh ren peccah, chamoo va molteyraght er ny gheddyn ayns e veeal:

1 Peddyr 3:10

Son eshyn saillish ve graihagh er bea, as laghyn mie y akin, lhig da e hengey y smaghtaghey veih olk, as e veillyn nagh loayr ad veg y volteyraght.

1 Peddyr 4:2

Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

1 Peddyr 4:4

Mychione oc t’ad goaill yindys nagh vel shiu roie mâroo gys y towse cheddin dy rouanys, loayrt dy olk jiuish:

Ashlish 14:5

As ayns nyn meeal cha row ry-gheddyn foalsaght erbee: son t’ad gyn loght kiongoyrt rish stoyl-reeoil Yee.