1 Peddyr 1:1 - Yn Vible Casherick 1775 1819

¹ Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

Yn Conaant Noa 1810

¹ Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

1 Peddyr 1:1 ပူးပေါင်းရင်းမြစ်များ

Esther 3:8

As dooyrt Haman rish ree Ahasuerus, Ta ashoon dy leih t’er skeayley dy lhean mastey dty phobble, ayns dy chooilley ard jeh dty reeriaght, as ta leighyn oc er-lheh noi leighyn dy chooilley phobble, chamoo t’ad freayll leighyn y ree, er-y-fa shen cha vel eh son vondeish y ree dy chur raad daue.

Psalmyn 44:11

T’ou coyrt orrin chyndaa nyn gooyl er nyn naboonyn: myr shen dy vel adsyn ta dwoaie oc orrin spooilley nyn gooid.

Ezekiel 6:8

Ny-yeih nee’m fooilliagh y aagail, dy vod sluight ’ve eu shaghnys yn cliwe mastey ny ashoonyn, tra vees shiu er nyn skeayley trooid ny cheeraghyn.

Leviticus 26:33

As nee’m nyn skeayley fud ny ashoonyn-quaagh, as y cliwe y hayrn nyn yeï: as bee’n cheer eu treigit, as nyn ard-valjyn follym-faase.

Noo Mian 10:2

As shoh va enmyn yn daa ostyl yeig; Yn chied er, Simon, ta enmyssit Peddyr, as Andreays e vraar, Jamys mac Zebedee, as Ean y braar echeysyn,

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Noo Mian 4:18

As myr va Yeesey shooyl liorish keayn Ghalilee, honnick eh daa vraar, Simon va enmyssit Peddyr, as Andreays e vraar, cur magh lieen ’sy cheayn: (son v’ad nyn eeasteyryn)

Noo Luke 18:7

As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Noo Ean 11:52

As cha nee ynrycan son yn ashoon shen, agh myrgeddin dy jinnagh eh cloan Yee va skeaylt dy lhean, y hayrn gys unnaneys ry-cheilley.

Noo Ean 7:35

Eisht dooyrt ny Hewnyn nyn mast’ oc hene, C’raad hed eh, nagh vow mayd eh? jed eh gys ny Hewnyn t’er nyn skeayley mastey ny Ashoonee, as adsyn y ynsaghey?

Jannoo 18:2

Raad hooar eh Hew dy row enmyssit Aquila, ruggyr ayns Pontus, va er ny laghyn shen er jeet veih Italy, as e ven Priscilla mârish (er-yn-oyr dy row Claudius er harey ooilley ny Hewnyn dy gholl ass y Raue) as ghow eh aaght mâroo.

Jannoo 18:23

As erreish da v’er vaarail tammylt dy hraa ayns shen, jimmee eh roish, as hie eh harrish cheer Ghalatia as Phrygia ayns order, niartaghey ooilley ny Creesteenyn ayns nyn gredjue.

Jannoo 19:10

As shoh chum eh jannoo choud as daa vleïn; myr shen dy ren ooilley cummaltee Asia clashtyn goo yn Chiarn Yeesey; chammah ny Hewnyn as ny Ashoonee.

Jannoo 6:9

Eisht dirree shiartanse jeh yn synagogue ta enmyssit ny Libertinee, as jeh ny Cyrenianee, as Alexandrianee, as jeusyn jeh Cilicia as Asia, pleadeil rish Steaon.

Jannoo 8:4

Shen-y-fa hie yn vooinjer v’er nyn skeayley magh, trooid ymmodee ardjyn, preacheil y goo.

1 Corinthianee 16:19

Ta kialteenyn Asia dyn mannaghey shiu. Ta Aquila as Priscilla dyn mannaghey shiu dy jeean ayns y Chiarn, marish y cheshaght Chreestee ayns y lught-thie oc.

2 Corinthianee 1:8

Son cha baill-lhien, vraaraghyn, dy beagh eh gyn-yss diu cre’n seaghyn haink orrin ayns Asia, dy row shin laadit ass towse erskyn nyn niart, ayns wheesh as nagh row veg y jerkal ain dy heet jeh lesh nyn mioys:

Galatianee 1:2

As ooilley ny braaraghyn ta mârym, gys kialteenyn Ghalatia:

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught-thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Ephesianee 2:19

Cha vel shin nish er-y-fa shen ny sodjey nyn yoarreeyn as jeh cheer whuaagh, agh sheshey-cummaltee marish ny nooghyn, as jeh lught-thie Yee;

Deuteronomy 28:64

As nee’n Chiarn oo y skeayley mastey dy chooilley ashoon, veih’n derrey chione jeh’n theihll gys y chione elley; as ayns shen nee oo jeeghyn elley ’hirveish, nagh vel enney er ve ayd’s, ny ec dty ayraghyn orroo, eer fuygh as clagh.

Deuteronomy 32:26

Dooyrt mee, Dy jinnin ad y skeayley dys corneilyn, dy jinnin yn imraa jeu dy ve caillit mastey deiney:

Deuteronomy 4:27

As nee’n Chiarn shiu y skeayley dy lhean mastey ny ashoonyn, as cha nhimmey jiu vees faagit, mastey ny ashoonyn, raad nee’n Chiarn geiyrt shiu.

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

Hebrewnee 11:13

Hooar ad shoh ooilley baase ayns credjue, fegooish geddyn ny gialdynyn, agh cronnaghey ad foddey jeh, as treishteil dy shickyr ayndoo, as ghow ad rish dy nee joarreeyn as troailtee v’ad er y thalloo.

Jamys 1:1

Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.