रोमियो 11:22 - भटियाली नोआ नियम

²² इस तांई तू परमेश्वरे दिया कृपा कने सकताई पर बिचार कर! पर जड़े डेई पियो न उना पर सकताई कने तिजो पर दया, अगर तू उदिया दया च बणी रे, नी तां तू भी कटी करी लग करी देणा।

रोमियो 11:22 ပူးပေါင်းရင်းမြစ်များ

लूका 8:15

कने खरियाँ जमिना बाले बी सै न, जड़े बचन सुणीकरी भले कने खरे मने ने सम्भाली करी रखदे न, सै सबर ने फल दिन्दे न।

यूहन्ना 15:2

हर इक डाली जड़ी मिंजो ने लगियो है, कने नी फल्दी है, उस जो सै बडी दिन्दा है, कने जड़ी डाली फल्दी है उसा जो सै छांडदा है ताकि सै होर जादा फले।

यूहन्ना 8:31

तालू यीशुऐ उना यहूदी लोकां ने जिना उस पर भरोसा कितया था, बोलया, “अगर तुसां मेरी गल्लां च बणी रेंगे, तां सच्ची मेरे चेले न।

प्रेरितां दे कम्म 11:23

सै ओथु पुज्जी करी, कने परमेश्वरे दे अनुग्रह जो दिखीकरी खुश होया, सारयां जो उपदेश दिता की तन मन लाईकरी प्रभु सोगी लिपटी रिया।

प्रेरितां दे कम्म 14:22

कने हर शेहरे च चेलयां दे मना जो मजबूत करदे रे कने ऐ शिक्षा दिन्दे थे, की भरोसे च बणी रिया, कने ऐ बोलदे थे, “सांझो मते दुख झेली करी परमेश्वरे दे राज्य च दाखल होंणा पोंणा।”

रोमियो 11:21

क्योंकि जालू परमेश्वरे असली डालियाँ पर दया नी किती, तां तिजो पर भी दया नी करणी।

रोमियो 2:7

जड़े खरे कम्मा जो मेहनत करदे होऐ महिमा, कने आदर, कने अमरता दीया तोपा च न, उना जो परमेश्वरे हमेशा दी जिन्दगी देणी है;

1 कुरिन्थियों 15:2

अगर तुसां उस शुभसमाचार पर जिदा मैं प्रचार किता, तुहाड़ा भरोसा उस पर बणी रेंगा तां परमेश्वरे तुहाड़ा उद्धार करणा; अगर तुहाड़ा भरोसा कमजोर होई जांगा तां उदी कोई कीमत नी कने सै बेकार है।

गलातियों 6:9

असां खरे कम्म करणे च हिम्मत ना छडन, क्योंकि अगर असां कदी हार नी मनगे, तां परमेश्वरे अपणे बकते पर सांझो इनाम देणा।

1 थिस्सलुनीकियों 3:5

इसा बजा ला जालू मिंजो ला तुहांजो मिलयो बिना नी रिया गिया, तां मैं तुसां लोकां दे भरोसे दा हाल जाणने तांई तीमुथियुस जो भेजया, क्योंकि असां डरदे थे, कुथी इयां ना हो की परिक्षा करणे बाले शैताने तुहाड़ी परिक्षा लेई हो, कने साड़ी मेहनत बेकार होई गेई हो।

1 थिस्सलुनीकियों 3:8

क्योंकि हुण तुसां प्रभु च टिकी रेंगे, तां इसला सांझो नोई जिंदगी मिलदी है।

इब्रानिया 10:23

कने असां बिना कुसी शक दे अपणी उस आस पर टिकी रेन, जिसा जो असां अपनाया है क्योंकि असां परमेश्वर पर उदे बायदयां जो पूरा करणे तांई भरोसा करी सकदे न।

इब्रानिया 3:14

जड़ा भरोसा साड़ा मसीहे जो अपनाणे दे बकत था, अगर असां अपणे उस भरोसे च आखरी दिने दीकर हिम्मता सोगी टिकी रेंगे, तां असां मसीह सोगी हिस्सेदार बणी जाणा।

इब्रानिया 3:6

पर मसीह इक पुत्रे सांई परमेश्वरे दे परिबारे दे लोकां च भरोसे दे लायक है, अगर असां अपणी हिम्मत कने उस आसा पर मजबुतिया ला आखरी दीकर टिकी रेंदे न, तां असां परमेश्वरे दे लोक न।

1 यूहन्ना 2:19

सारे जड़े मसीह दा बिरोध करदे न सै निकलयो तां सांझो ला ही न, पर सांझो चे नी थे; क्योंकि अगर सांझो चे होंदे, तां साड़े सोगी रेंदे, पर उना सांझो छडी दिता क्योंकि उना चे कोई भी साड़ा नी था।

प्रकाशितवाक्य 2:5

इस तांई याद कर की तू शुरुआत च मिंजो ला कदिया प्यार करदा था कने हुण तू मिंजो ला सियुदा प्यार नी करदा। इसा गल्ला जो मन्नी ले कने मिंजो ला सियुदा ही प्यार करणा शुरू करी दे जदिया तू शुरुआत च किता था। अगर तू मन बदलगा नी, तां मैं तेरे बाल ओंणा कने जिथू तेरा दिय्या रख्या है उसयो ओथु ला हटाई करी तिजो सजा देंणी।