प्रकाशितवाक्य 22:20 - भटियाली नोआ नियम

²⁰ ऐ यीशु मसीह दे शब्द न जड़ा उना सारियां गल्लां दी गबाई दिन्दा है जड़ियां इसा कताबा च लिखियां न, सै बोलदा है “हां, मैं तोल्ली ओंणे बाला है।” मैं युहन्ना जबाब दिता, “आमीन, हे प्रभु यीशु मसीह आ।”

प्रकाशितवाक्य 22:20 ပူးပေါင်းရင်းမြစ်များ

यूहन्ना 21:25

यीशुऐ होर भी मते कम्म किते, अगर उना सारे कम्मा जो लिखया जांदा, तां मिंजो लगदा की सारे संसार च इतणी भी जगा नी होणी थी की उना सारियां कताबां जो रखी सके।

1 कुरिन्थियों 16:22

हे साड़े प्रभु, आई जा!

2 तीमुथियुस 4:8

प्रभु यीशु मसीहे मिंजो धार्मिकता दा ताज देणा, जड़ा सच्चा न्याय करदा है, कने ऐ इनाम मिंजो उस रोज मिलणा जालू उनी दुबारा मुड़ी ओणा है, कने ऐ इनाम सिर्फ मिंजो ही नी पर उना सारे लोकां जो मिलणा है जड़े चांदे न की यीशु मसीह दुबारा मुड़ी ओऐ।

इब्रानिया 10:37

क्योंकि जियां पबित्र शास्त्र च मसीह दे बारे च लिखया है की, “हुण बड़ा ही घट बकत रेई गिया है, जालू की ओंणे बाले ओंणा है, कने देर नी करणी थोड़े।”

इब्रानिया 9:28

तियां ही मसीह भी सारे लोकां दे पापां जो माफ करणे तांई इक ही बरी बलिदान होया। पर उनी जालू दुबारा इसा धरती पर ओणा, तां उनी साड़े पापां तांई बलिदान होणे तांई नी ओंणा, पर उना लोकां जो बचाणे तांई ओणा जड़े लोक उसयो नियाला दे न।

प्रकाशितवाक्य 1:18

चाहे मैं मरी गिया था। पर हुण मैं जिन्दा है कने हमेशा जिन्दा रेणा; मैं युगां-युगां दीकर जिन्दा है; कने मेरे बाल मौत कने अधोलोक पर अधिकार है जड़ा मरयो लोकां दी जगा है।

प्रकाशितवाक्य 1:2

इस तांई, मैं सै सब कुछ लिख्या जड़ा मैं दिखया। मैं इसा कताबा च परमेश्वरे दा बचन कने सै सच्चियां शिक्षां लिखियां न जिना दे बारे च यीशु मसीहे मिंजो दसया।

प्रकाशितवाक्य 2:16

इस तांई पाप करणा छडी दिया, अगर तू ऐसे कम्म करणा बंद नी करगा तां मैं जल्दी ही ओंणा, कने उना लोकां दे खिलाफ उसा तलबारा ला लड़ना, जड़ी मेरे मुंऐ ला निकलदी है जड़ा मेरा बचन है।

प्रकाशितवाक्य 22:10

फिरी उनी मिंजो बोलया, इसा कताबां दिया भविष्यवाणियां दिया गल्लां जो लोकां ला मत लुका; क्योंकि इना चीजां दा पूरा होंणे दा बकत नेड़े आई गिया है।

प्रकाशितवाक्य 22:12

तालू प्रभु योशुये बोलया, मैं तौली ही औणे बाला है; कने लोकां जड़े-जड़े कम्म कितया न, मैं उना जो उना दे कम्मा जो दिखीकरी इनाम कने सजा देंणी।

प्रकाशितवाक्य 22:18

मैं यूहन्ना है कने मैं तुसां सारयां जो ऐ चेताबनी दे दा है, जड़े इसा कताबा दिया भविष्यवाणियां जो सुणदे न, जड़ियां हुण होआ दियां न कने अग्गे होणे बालियां न, जड़ियां मैं इसा कताबा च लिखियां न; अगर कोई माणु इना गल्लां च कुछ भी बदांदा है, तां परमेश्वरे उदिया सजा जो भी बधाई देणा। उनी तुहांजो उना मुसीबतां ला मारणा, जड़ियां मैं इसा कताबा च लिखियाँ न।

प्रकाशितवाक्य 22:7

“कने दिख, मैं तौली ओणे बाला है; सै धन्य न जड़े इसा कताबा च लिखियां भविष्यवाणियां जो मंदे न।”