प्रकाशितवाक्य 22:2 - भटियाली नोआ नियम

² नदी शेहरे दिया सड़का दे बिचो बिच ला गुजरदी थी। नदिया दे हर इक किनारे पर जिन्दगी देणेबाले रुख लगयो थे जड़े हर साल बारा बरी फल दिन्दे थे मतलब की हर मिने च इक बरी। संसारे दे लोक उना दे पत्तयां दा उपयोग अपणियां बिमारियां जो ठीक करणे तांई करदे न।

प्रकाशितवाक्य 22:2 ပူးပေါင်းရင်းမြစ်များ

लूका 4:18

“प्रभु दी आत्मा मिंजो सोगी है, इस तांई उनी कंगालां जो शुभसमाचार सुनाणे तांई मेरा अभिषेक कितया है, कने मिंजो इस तांई भेजया है, की केदियां जो छुटकारे दा कने अन्नयां जो नजर मिलणे दा शुभसमाचार दा प्रचार करे कने कुचले होया जो छुडां।

1 पतरस 2:24

जालू मसीह मरया, तां साड़े पापां दिया बजा ला सूली पर उदे शरीरे जो सजा दिती। उनी ऐसा इस तांई किता ताकि असां पाप करणा बंद करी देन। कने उना जखमा दिया बजा ला जड़े उनी सेहन किते, असां ठीक होई गे।

प्रकाशितवाक्य 2:7

हर कुसी जो जड़ा मेरे संदेश जो समझणा चांदा है, उसयो उसा गल्ला जो ध्याने ला सुणना चाईदा जड़ा पबित्र आत्मा कलीसिया ला बोलदा है। सै लोक जड़े बुरियां शक्तियां जो हरांदे न, उना जो मैं जिन्दगी देणेबाले रुखे ला फल खांणे दी इजाजत देंणी जड़ा परमेश्वरे दे स्वर्गे दे बगीचे च है।

प्रकाशितवाक्य 21:21

बारा दरबाजे भी इक-इक कीमती मोतियां ला बणयो थे, कने शेहरे दियां सड़कां खरे सोने दियां बणियां थियां जड़ियां शीशे सांई चमकदियां थियां।

प्रकाशितवाक्य 21:24

उस शेहरे च चमक संसारे च रेणे बालयां सारे लोकां जो रौशनी दिन्दी है कने संसारे दे सारे राजयां अपणिया-अपणिया दौलता जो उस शेहरे च लेई ओंणा है।

प्रकाशितवाक्य 22:1

तालू स्वर्गदूते मिंजो इक नदी दस्सी जिदे च जिन्दगी दा पांणी था। पांणी शीशे सांई चमका दा था। ऐ नदी परमेश्वर कने छेलुये दे सिहांसने दे थले ला बेह दी थी।

प्रकाशितवाक्य 22:14

धन्य न सै, जड़े अपणे कपड़यां जो छेलुये दे खूने ला धोई लेंदे न मतलब की अपणे पापां जो खत्म करी दिन्दे न, इस तांई उना जो शेहरे दे दरबाजयां अंदर कने जिन्दगी दे रुखे दे फल खाणे दा हक है।

प्रकाशितवाक्य 22:19

अगर कोई ऐसा माणु है जड़ा इसा कताबा च भविष्यवाणिया दियां गल्लां चे कुछ हटाई दिन्दा है, तां परमेश्वरे तुहांजो ला उना आशीषां जो लेई लेणा जड़ियां मैं इसा कताबा च लिखियां न कने परमेश्वरे उस जिन्दगी दे रुख ला फल खांणे कने पबित्र शेहरे च रेणे दा हक भी बापस लेई लेंणा।