प्रकाशितवाक्य 17:6 - भटियाली नोआ नियम6 कने मैं दिखया की जनानी परमेश्वरे दे लोकां दे खूने दे नशे च थी, जिना जो लोकां मारी दितया था क्योंकि सै यीशुऐ पर भरोसा करदे थे। कने उसयो दिखीकरी मिंजो बड़ी हेरानी होई। အခန်းကိုကြည့်ပါ။ |
कने साड़े भरोसा करणे बालयां शैताने जो राई दिता। उना उसया छेलुये दे खूने दिया शक्तिया ला हराया है, जड़ा उना जो पापां ला छुड़ाणे तांई मरी गिया था। क्योंकि उना भरोसा करणा नी छडया की छेलू उना दा प्रभु है। हालांकि उना जो दुख तकलीफ होई, ऐथू दीकर की उना जो मारी भी दिता पर सै अपणे उस भरोसे ला पिच्छे नी हटे।
मैं जाणदा है, की तेरा शेहर शैताने दे काबू च है, पर इदे बावजूद भी मिंजो पर भरोसा करणा नी छडया कने मेरियां शिक्षां जो मनणा नी छडया। तू उस बकत भी भरोसा करणा नी छडया जालू उना अन्तिपास जो ओथु मारी दिता। सै मेरे बचना दा प्रचार करणे च भरोसे दे काबील था, इस तांई उसयो तेरे शेहरे च मारी दिता जड़ा शैताने दे काबू च है।