मरकुस 7:7 - भटियाली नोआ नियम

⁷ इना दी कितियो भक्ति मेरे तांई बेकार है, क्योंकि ऐ लोकां जो माणुऐ दियां दसियां गल्लां जो परमेश्वर दियां गल्लां दस्सी करी मनणे तांई बोलदे न।

मरकुस 7:7 ပူးပေါင်းရင်းမြစ်များ

मत्ती 15:9

कने ऐ बेकार ही मेरी भक्ति करदे न, क्योंकि माणुऐ दे तरीकेयां जो धर्म उपदेश बणाई करी सिखांदे न।”

मत्ती 6:7

पर प्राथना करदे बेले होर जातियां सांई बेकार च बड़बड़ा मत करा, क्योंकि सै समझदे न कि उना दे बड़बड़ाणे ने परमेश्वरे उना दी सुणी लेणी है।

1 कुरिन्थियों 15:14

कने अगर मसीह मरयां चे जिन्दा नी होया, तां जिस संदेश दा असां प्रचार करदे न कने मसीह पर तुहाड़ा भरोसा करणा दोनों बेकार न।

1 कुरिन्थियों 15:58

इस तांई हे मेरे मसीह भाईयो, अपणे भरोसे च मजबूत रिया कने कोई तुसां जो न भड़काए, कने प्रभु दे कम्मा च हमेशा बददे जा, क्योंकि तुसां ऐ जाणदे न की तुसां प्रभु तांई मेहनत करदे न कने सै बेकार नी है।

कुलुस्सियों 2:22

क्योंकि ऐ सारे नियम कुसी कम्मे दे नी, क्योंकि ऐ माणुआं दे हुकमा कने शिक्षा दे अनुसार न।

तीतुस 3:9

पर मुर्ख गल्लां दी बेहसा ला दूर रिया, पूर्वजां दी लम्बियां सूचियां पर अपणा बकत बर्बाद मत करा, कने बैर बिरोध, कने उना झगड़यां ला बची के रिया जड़े मूसा दे नियमा दे बारे च न, क्योंकि इना गल्लां दा कोई फायदा नी है।

याकूब 1:26

अगर कोई अपणे आपे जो भक्त समझे, कने बुरियां गल्लां बोलणे च काबू नी रखे, तां सै अपणे आपे जो धोखा दिन्दा है कने उदी भक्ति बेकार है।

याकूब 2:20

पर मुर्ख माणु क्या तू ऐ भी नी जाणदा, की भले कम्म बिना भरोसा बेकार है?

प्रकाशितवाक्य 22:18

मैं यूहन्ना है कने मैं तुसां सारयां जो ऐ चेताबनी दे दा है, जड़े इसा कताबा दिया भविष्यवाणियां जो सुणदे न, जड़ियां हुण होआ दियां न कने अग्गे होणे बालियां न, जड़ियां मैं इसा कताबा च लिखियां न; अगर कोई माणु इना गल्लां च कुछ भी बदांदा है, तां परमेश्वरे उदिया सजा जो भी बधाई देणा। उनी तुहांजो उना मुसीबतां ला मारणा, जड़ियां मैं इसा कताबा च लिखियाँ न।