मत्ती 9:26 - भटियाली नोआ नियम

²⁶ कने इसा गल्ला दी चर्चा सारे देशे च फेली गेई।

मत्ती 9:26 ပူးပေါင်းရင်းမြစ်များ

मत्ती 4:24

कने सारे सीरिया प्रदेश च यीशुये दे कम्मा दी खबर फैली गेई कने लोक सारे बिमारां जो, जिना जो केई किस्मा दियां बिमारियां कने दुखां जकड़या था, कने जिना च बुरियां आत्मा थियां, कने मिर्गिया दे दौरे बाले, कने लकवे दे रोगियां जो उस बाल लेईकरी आऐ कने यीशुऐ उना सारयां जो ठीक करी दिता।

मत्ती 9:31

पर उना निकली करी सारे देशे च उदी खबर फैलाई दिता।

मरकुस 1:28

कने उदे बाद यीशुऐ जड़ा भी किता, उदे बारे च लोक इकी दुज्जे जो दसदे रे कने झट सारे गलील प्रदेशे दे लोकां ने यीशुऐ दे बारे च सुणी लिया।

मरकुस 1:45

पर सै बाहर जाई करी इसा गल्ला दा बड़ा भरी प्रचार करणा लग्गा कने उनी ऐ ऐथू दीकर फेलाई दिती, कि यीशुऐ उसयो खरा करी दिता कने यीशु शरेआम बाहर शेहरे च नी जाई सकदा था, फिरी सै बाहर सुनसान जगा च रिया; कने चारो पासे दे लोक उदे बाल ओंदे रे।

मरकुस 6:14

कने हुण राजा हेरोदेसे यीशु दे कम्मा दी चर्चा सुणी जड़े यीशु करा दा था, क्योंकि मते सारे लोक यीशुऐ जो जाणदे थे कने उदे बारे च चर्चा करा दे थे। कने बोला दे थे की ऐ सेई यूहन्ना बपतिस्मा देंणे वाला है, सै मरयां चे जिन्दा होई गिया है, ऐई बजा है कि उदे बाल ऐ चमत्कार करणे तांई परमेश्वरे दी शक्ति है।

लूका 4:14

फिरी यीशु आत्मा दिया शक्तिया ने परिपूर्ण होईकरी गलील प्रदेश जो बापिस गिया, कने उदी चर्चा अखे-बखे दे देशां च फेली गेई।

लूका 4:37

इदे बाद यीशुऐ दी चर्चा सारे पासे होणा लग्गी पेई।

लूका 5:15

पर यीशु दे बारे च खबर होर भी जादा फेलदी गेई, कने भिड़ा दी भिड़ उसयो सुणने तांई कने अपणियां बिमारियाँ ला ठीक होणे तांई गिठी होई।

लूका 7:17

कने उदे बारे च ऐ गल्ल सारे यहूदिया प्रदेशे दे इलाके कने अखे-बखे दे देशे च फेली गेई।

प्रेरितां दे कम्म 26:26

राजा भी ऐ गल्लां जाणदा है जिदे सामणे मैं बिना डरयो बोला दा है, कने मिंजो भरोसा है इना गल्लां चे कोई भी गल्ल उसला छुपियो नी है, क्योंकि जड़ा यीशुऐ सोगी होया सै गुप्त च नी होया है।