लूका 11:35 - भटियाली नोआ नियम

³⁵ तांई तां ध्यान रखा, की जड़ी लौ तिजो च है सै नेहेरा ना होई जाये।

लूका 11:35 ပူးပေါင်းရင်းမြစ်များ

2 पतरस 1:9

पर जिदे च ऐ गुण नी है, सै उस माणुऐ सांई जिदी नजर इतणी कमजोर है की सै दिखी नी सकदा कने भूली गिया है की परमेश्वरे उसयो उदे पुराणे पापां ला पबित्र करी दितया है।

प्रकाशितवाक्य 3:17

तू सोचदा है की तू अमीर है, कने तेरे बाल सै सब है जिदी तिजो जरूरत है, पर तू नी जाणदा की इदा सच्च ऐ है की, तिजो पर तरस ओंणा चाईदा। क्योंकि सच्च ऐ है की तू गरीब है, तेरे बाल कपड़े नी न, कने तू अन्ना है।

रोमियो 1:22

सै अपणे आपे जो बुद्धिमान जताई करी मुर्ख बणी गे,

2 पतरस 2:18

जालू सै लोकां जो शिक्षा दिन्दे न, तां सै बेकार कने घमंडी गल्लां दा इस्तेमाल करदे न। सै लोकां जो दसदे न की सै उना शर्मनाक कम्मा जो करी सकदे जड़ा उना दा शरीर करणा चांदा है, कने सै उना लोकां जो दुबारा पाप करणे तांई भटकाई दिन्दे न, जिना थोड़े बकत पेहले ही यीशु मसीह पर भरोसा किता था।

मत्ती 6:22

हखी शरीरे तांई इक दिय्ये सांई न, इस तांई अगर तेरियां हखी साफ न, तां तेरे सारे शरीरे च भी लौ होंणी।

लूका 11:34

तेरियां हखी तेरे शरीरे तांई इक दिय्ये सांई न, इस तांई अगर तेरी हख साफ है, तां तेरा सारा शरीर भी लौ लुआन है; पर अगर सै बुरी है, तां तेरा शरीर भी नेहरे च है।

लूका 11:36

इस तांई अगर तेरा सारा शरीर लौ लुआन हो, कने उदा कोई हिसा नेहरे च नी रे, तां सारे दा सारा शरीर ऐसा लौ लुआन होणा, जियां उस बेले होंदा है, जालू दिय्या अपणिया लौइ ने तिजो लौ दिन्दा है।