यूहन्ना 14:15 - भटियाली नोआ नियम

¹⁵ अगर तुसां मिंजो ने प्यार करदे न, तां मेरे हुकमा जो मनगे।

यूहन्ना 14:15 ပူးပေါင်းရင်းမြစ်များ

मत्ती 10:37

जड़ा अपणे माता पिता जो मिंजो ला जादा प्यार करदा है, सै मेरा चेला बणने दे लायक नी है, कने जड़ा कुड़िया या जागते जो मिंजो ला जादा प्यारा करदा है, सै भी मेरा चेला बणने लायक नी।

यूहन्ना 8:42

यीशुऐ उना ने बोलया, “अगर परमेश्वर तुहाड़ा पिता होंदा, तां तुसां मिंजो ने प्यार रखदे; क्योंकि मैं परमेश्वरे दिया तरफा ला आया है; मैं अपणिया इच्छा ने नी आया है, उनी ही मिंजो भेजया है।

1 कुरिन्थियों 16:22

हे साड़े प्रभु, आई जा!

गलातियों 5:6

अगर तुसां यीशु मसीह दे चेले न, तां इसा गल्ला ला कोई फर्क नी पोंदा की तुहाड़ा खतना होया है या नी, जड़ी गल्ल मायने रखदी सै ऐ है की असां मसीह पर भरोसा कने परमेश्वरे कने दुज्जे लोकां तांई प्यार रखदे न।

इफिसियों 6:24

परमेश्वर तुसां सारयां पर अनुग्रह करे जड़े उस प्यार ने प्रभु यीशु मसीह जो प्यार करदे न जड़ा प्यार कदी खत्म नी होंदा।

1 पतरस 1:8

तुसां यीशु मसीह जो कदी नी दिखया है, फिरी भी तुसां उसयो प्यार करदे न। तुसां हुण उसयो नी दिखा दे न, पर फिर भी तुसां उस पर भरोसा करदे न। इस तांई तुसां खुशी कने महिमा ला जादा खुश होआ जिसयो अखरां च ब्यान नी करी सकदे न,

2 यूहन्ना 1:6

सच्चा प्यार सै है जड़ा असां तालू करदे न जालू असां परमेश्वर दे हुकमा जो मंदे न, जालू ला असां मसीह दे पिच्छे चलणा शुरू कितया है, तालू ला असां सुणया है की परमेश्वरे तुहांजो हुकम दितया है की तुहांजो हमेशा इक दुज्जे ने प्यार करदे रेणा चाईदा।