याकूब 4:12 - भटियाली नोआ नियम

¹² परमेश्वर ही है जड़ा व्यवस्था देणेबाला कने न्याय करणे बाला है सै नाश करणे बाला कने बचाणे बाला है; तुसां कुण होंदे न, जड़े अपणे पड़ोसिऐ पर दोष लांदे न?

याकूब 4:12 ပူးပေါင်းရင်းမြစ်များ

रोमियो 14:4

इस तांई तिजो कुसी दे भी सेवके दा न्याय नी करणा चाईदा, उदा सफल होणा या नी होणा दोनों उदे मालिके ने ही सम्बन्ध रखदा है, उनी पक्का ही सफल होई जाणा क्योंकि प्रभु उसयो सफल करी सकदा है।

रोमियो 2:1

इस तांई तू सोचदा है की, तू ऐसे लोकां दी निंदा करी सकदा है, जड़े दुज्जयां पर दोष लांदे न; क्योंकि जिसा गल्ला पर तू दुज्जे पर दोष लांदा है, उसा ही गल्ला च तू अपणे आपे जो दोषी बणांदा है, क्योंकि तू जड़ा दोष लांदा है सेई कम्म तू अपु करदा है।

मत्ती 10:28

सै जड़े शरीरे जो मारी सकदे न, पर सै आत्मा जो नी मारी सकदे न, उना ला डरदे मत, पर परमेश्वर ला डरा, जड़ा आत्मा कने शरीर दोनो जो नरके च मारी सकदा है।

याकूब 5:9

हे मसीह भाईयो, इक दुज्जे पर दोष मत ला, ताकि तुहाड़े पर भी दोष ना लग्गे, दिखा, न्याय करणे बाला ओणे तांई तैयार है।

इब्रानिया 7:25

इसी तांई जड़े यीशु जरिये परमेश्वरे बाल ओंदे न, सै उना दा पूरा-पूरा उद्धार करी सकदा है, क्योंकि सै उना तांई हमेशा विनती करणे तांई जिन्दा है।

रोमियो 14:13

तां असां अग्गे ला इकी दुज्जे पर दोष नी लान, पर तुसां ऐई ठांणी लिया की कोई भी अपणे भाई या बेहणा दे पाप करणे दी बजा ना बणे।

रोमियो 9:20

हे भाई, तू कुण है, जड़ा परमेश्वरे ने बेहस करदा है? क्या बणाई होई चीज बणाणे बाले पुच्छी सकदी है, “की तू मिंजो ऐसा कजो बणाया?”

लूका 12:5

मैं तुहांजो चेतावनी दिन्दा है की तुहांजो कुसने डरना चाईदा, तुहांजो उस परमेश्वरे ला डरणा चाईदा जिसयो तुहांजो मारणे ला बाद नरके च भेजणे दा हक है।