याकूब 2:13 - भटियाली नोआ नियम

¹³ क्योंकि जड़ा कोई दुज्जयां पर दया नी करगा, तां परमेश्वरे भी उस पर दया नी करणी। पर जड़ा कोई दुज्जयां पर दया करगा, तां परमेश्वरे भी उस पर दया करणी, जालू उनी न्याय करणा।

याकूब 2:13 ပူးပေါင်းရင်းမြစ်များ

मत्ती 5:7

धन्य न सै लोक जड़े दयालु न, क्योंकि परमेश्वरे उना पर दया करणी।

मत्ती 6:15

कने अगर तुसां माणुआं दे गुनाहां जो माफ नी करगे, तां तुहाड़े पिता परमेश्वरे तुहाड़े गुनाहां भी माफ नी करणे।

लूका 16:25

पर अब्राहमे बोलया, हे पुत्र याद कर, की तू अपणिया जिंदगियां च खरियाँ चिजा लेई बैठया है, कने तियां ही लाजर जो सारियां बुरियां चिजां पर इसयो हुण ऐथू शांति मिल्ला दी है, कने तू तड़फा दा है।

लूका 6:37

“कुसी पर दोष मत लगा; तां तुहांजो पर भी परमेश्वरे दोष नी लगाणा: कुसी जो सजा नी देणी, तुसां भी दुजयां जो माफ करगे तां तुहांजो भी परमेश्वरे माफ करणा।”

याकूब 3:17

पर जड़ा ज्ञान स्वर्गे ला मिलदा है, सै पेहले तां पबित्र होंदा है, फिरी मिलनसार, कोमल, कने प्यारभाव, दया ला भरुया, खरे कम्मा ला लदुया कने बिना कुसी भेदभाव कने बिना कुसी कपट दे होंदा है।

याकूब 5:4

दिखा, जिना मजदुरां तुहाड़े खेतर बड्डे, उना दी मजदूरी जड़ी तुसां उना जो नी दिती, उना दी नी दीतियो मजदूरी परमेश्वरे दे सामणे तुहाड़े खिलाफ चिलाई-चिलाई करी गबाई दे दी है, कने मजदूरां दी दुहाई स्वर्गीय सेना दे प्रभुऐ सुणी लेई है।