याकूब 1:12 - भटियाली नोआ नियम

¹² धन्य है सै माणु, जड़ा परख च टिकी रेंदा है, क्योंकि जालू सै परख च खरा निकली जांदा है, तां उसयो अनन्त जिंदगी दा सै मुकुट मिलणा जिसदा बायदा परमेश्वरे अपणे प्यार करणे बालयां तांई कितया है।

याकूब 1:12 ပူးပေါင်းရင်းမြစ်များ

मत्ती 10:22

क्योंकि तुसां मेरे चेले न उदिया बजा ने सारे लोकां तुसां ने बैर करणा है, पर जड़ा आखरी दीकर सबर रखगा उदा ही उद्धार होणा।

मत्ती 25:34

“तालू मैं राजे अपणे सजे पासे बोणे बालयां ने बोलणा कि, हे मेरे पिता दे धन्य लोको, ओआ, कने उस राज्य दे अधिकारी बणी जा, जड़ा संसारे दे शुरू होंणे ला तुहाड़े तांई तैयार कितया है।”

लूका 6:22

“धन्य न तुसां, जालू माणुऐ दे पुत्रे दिया बजा ने लोकां तुहांजो ने दुशमणी रखणी है, कने तुसां जो कडी देणा, कने तुहाड़ी निंदा करणी, कने तुहाड़ा ना बुरा समझीकरी तुहांजो बडी देणा है।”

रोमियो 5:4

परमेश्वरे सांझो अपनाई लिया क्योंकि असां दुखां च सेहणा सीखी लिया है, कने परमेश्वर सांझो अपनांदा है इस तांई सांझो आस है;

रोमियो 8:28

कने असां जाणदे न, की जड़े लोक परमेश्वरे ला प्यार रखदे न, उना लोकां तांई सारियां गल्लां मिलिकरी भलाई जो ही पैदा करदियां न, मतलब की उना तांई जड़े उदिया इच्छा अनुसार चुणयो न।

1 कुरिन्थियों 2:9

पर जिईयां पबित्र शास्त्र च लिखया है, “ना कदी कुनी दिखया है, ना कदी कुनी सुणया, कने ना कदी कुनी उना भली चीजां दे बारे च सोचया, जड़ियां परमेश्वरे उना लोकां तांई तैयार कितियां न जड़े उदे ने प्यार करदे न।”

1 कुरिन्थियों 8:3

पर अगर कोई परमेश्वरे ला प्यार रखदा है, तां उसयो परमेश्वर जाणदा है।

1 कुरिन्थियों 9:25

कने जड़े लोक दौड़ा च हिस्सा लेणा चांदे न, सै पेहले इदी तैयारी करदे न, अपणी इच्छां पर काबू रखदे न, सै ऐसा इस तांई करदे न ताकि जिती सकन कने इज्जत मिल्ले। उना दी इज्जत करणे तांई पत्तयां दी बणियो माला दिन्दे न, जड़ी जल्दी सुकी जांदी है। पर असां जड़े यीशु मसीह पर भरोसा करदे न, साड़ी इज्जत होणी है जड़ी, कने सांझो ऐसी आशीष मिलणी है, जड़ी युगां-युगां तांई बणी रेणी है। इस तांई सांझो होर भी जादा सबर रखणा चाईदा।

2 तीमुथियुस 2:15

तुहांजो जितना जादा होई सके मेहनत करणी चाईदी की परमेश्वर तुहांजो ऐसा कम्म करणे बाला साबित करी दे, जड़ा कदी भी शर्मिंदा ना होन, कने जड़ा परमेश्वरे दे बचना जो ठीक तरीके ने सिखांदा हो।

2 तीमुथियुस 4:8

प्रभु यीशु मसीहे मिंजो धार्मिकता दा ताज देणा, जड़ा सच्चा न्याय करदा है, कने ऐ इनाम मिंजो उस रोज मिलणा जालू उनी दुबारा मुड़ी ओणा है, कने ऐ इनाम सिर्फ मिंजो ही नी पर उना सारे लोकां जो मिलणा है जड़े चांदे न की यीशु मसीह दुबारा मुड़ी ओऐ।

इब्रानिया 10:32

पर उना दिनां दे बारे च याद करा, जालू तुसां पैली बरी मसीह पर भरोसा किता था। तुसां बड़े भरी दुख तकलिफां जो झेलया, पर तुसां भरोसे च पक्के बणी रे।

इब्रानिया 11:17

भरोसे दिया बजा ला ही अब्राहम अपणे पुत्रे दी बलि चढ़ाणे तांई तैयार होई गिया था, जालू परमेश्वरे उदी परिक्षा लेई। परमेश्वरे अब्राहमे ला इस पुत्रे दे बारे च बायदा कितया था की, “इसहाक ला ही तेरा बंश बदणा है।” फिरी भी सै अपणे इकलोते पुत्रे जो बलि चढ़ाणे तांई तैयार था। क्योंकि उसयो पूरा भरोसा था की अगर इसहाक मरी भी जांगा तां परमेश्वर उसयो जिन्दा करी सकदा है। इस तरीके ला अब्राहमे जो उदा अपणा पुत्र इसहाक जिन्दा मिली गिया था।

इब्रानिया 12:5

कने तुसां उस हिम्मता दियां गल्लां जो भूली गियो न जड़ियां परमेश्वरे तुहांजो अपणे पुत्र समझीकरी बोलियां थियां: “हे मेरे पुत्र, जालू प्रभु तिजो ऐहसास कराऐ की तू गलत कितया है तां उस पर पूरा ध्यान दिया, कने जालू प्रभु तिजो झिड़कां दे तां दिखयां हिम्मत छडदा।”

इब्रानिया 6:15

अब्राहमे बड़े लम्बे बकते दीकर सबर रखया। तां जाई करी उसयो सै मिल्ला जिदा परमेश्वरे उसयो बायदा कितया था।

याकूब 2:5

हे मेरे प्यारे मसीह भाईयो सुंणा; इसा गल्ला पर ध्यान दिया, क्या परमेश्वरे इस संसारे दिया नजरा च गरीब लोकां जो भरोसे च अमीर होणे तांई नी चुणयां? परमेश्वरे उना जो स्वर्ग राज्य च वारिस बणने दा भी वायदा कितया है जड़े उसयो प्यार करदे न।

याकूब 5:11

दिखा, असां धीरज रखणे बालयां जो धन्य बोलदे न। तुसां प्रभु दे सेवक अय्यूब दे सबर दे बारे च सुणया ही है, कने तुसां ऐ भी जाणदे न की प्रभुऐ आखरी च उदी कियां सहायता किती, उसला प्रभु दी बड़ी करुणा कने दया प्रगट होंदी है।

1 पतरस 3:14

पर अगर जड़ा सही है सै करणे दिया बजा ला असां दुख झेलदे न, तां असल च असां धन्य होणा। इस तांई अगर कोई लोक सांझो डरान, तां डरदे मत कने ना ही घबरानयो,

1 पतरस 4:13

बस ऐ सोची करी खुश रिया, क्योंकि तुहांजो उना दुखां चे इक हिस्सा मिलया है, जड़े मसीह जो मिलयो थे। इसा बजा ला जालू मसीहे सारयां लोकां जो अपणी महिमा दसणे तांई दुबारा मुड़ी करी ओंणा है तां तुहांजो होर जादा खुशी होंणी है।

1 पतरस 4:14

फिरी अगर मसीहे दे नाऐ दिया बजा ला तुहाड़ी बुराई होंदी है, तां तुसां धन्य न, क्योंकि परमेश्वरे दी महिमा बाली आत्मा तुहांजो च बास करदी है।

1 पतरस 5:10

परमेश्वरे जड़ा अनुग्रह ला पूरा भरुया है, उनी साड़े मसीह सोगी रिश्ते दिया बजा ला स्वर्गे च उदी हमेशा दी महिमा च हिस्सेदार होंणे तांई चुणया है। तुहांजो थोड़े बकते दीकर दुख झेलणे बाद परमेश्वरे तुहांजो अच्छा बणाई देणा ताकि तुहांजो च फिरी कोई दोष ना रे ताकि तुहाड़ा भरोसा मजबूत हो कने डगमगाणे बाला ना हो।

1 पतरस 5:4

जालू यीशु मसीहे, जड़ा साड़ा प्रधान पुहाल है, उनी मुड़ी करी ओंणा है, तालू तुहांजो इक सुंदर मुकुट मिलणा है जिदी चमक कदी नी घटणी।

1 यूहन्ना 4:19

परमेश्वरे सांझो ला पेहले प्यार किता इस तांई असां परमेश्वर कने दुज्जयां सोगी प्यार करदे न।

प्रकाशितवाक्य 2:10

उना दुखां ला मत डरा जड़े तिजो मिलणे न। शैताने लोकां ला तुसां चे कुछ लोकां जो गिरफ्तार कराणा कने तुहांजो जेल कराई देणी ताकि सै तुहाड़ी परिक्षा करी सके। तुसां दस दिना दीकर बड़ियां मुसीबतां जो झेलणा। पर मिंजो पर भरोसा करणा कदी मत छडदे चाहे तुहांजो मरणा पोऐ, क्योंकि मैं तुहाड़िया जिता तांई इनाम च हमेशा दी जिन्दगी देंणी।

प्रकाशितवाक्य 3:19

मैं जिना-जिना ला भी प्यार करदा है, उना जो मैं सिखांदा है कने सजा दिन्दा है ताकि सै खरे बणन। इस तांई अच्छाई करणे च लग्गी रिया, कने पापी कम्म करणा बंद करी दिया।

प्रकाशितवाक्य 3:21

सै जड़े जीत हासिल करदे न, उसयो मैं अपणे सोगी उदे सिंहासने पर बोंणे दा हक देणा। ऐ बिलकुल मेरे सांई ही होंणा, जियां मैं जित हासिल कितियो हो कने अपणे पिता दे बखे आसन मिलया हो।