इफिसियों 6:17 - भटियाली नोआ नियम

¹⁷ जियां इक सिपाई अपणे सिरे जो लड़ाई च बचाणे तांई टोप लगाई रखदा है, तियां ही परमेश्वरे तुहांजो शैताने ला बचाणा। जियां इक सिपाई अपणे बचाब तांई इक तलबार पकड़दा है, तियां ही अपणे बचाब तांई परमेश्वरे दे बचने दा इस्तेमाल करा।

इफिसियों 6:17 ပူးပေါင်းရင်းမြစ်များ

मत्ती 4:4

यीशुऐ जबाब दिता, “कि पबित्र शास्त्र च लिखया है, कि माणु सिर्फ रोटियां ला ही नी, पर परमेश्वरे दे बोलयो बचना जो मन्नी करी जिन्दा रेंदा है।”

मत्ती 4:7

यीशुऐ उसयो बोलया, “कि पबित्र शास्त्र च ऐ भी लिखया है, कि लोकां जो अपणे प्रभु परमेश्वरे जो नी परखणा चाईदा।”

इफिसियों 5:26

ताकि उदा बचन कलीसिया दे लोकां पर प्रगट होईकरी उना जो पाप ला शुद्व करे, जियां कोई माणु कुसी जिचा जो धोई करी शुद्व करदा है;

1 थिस्सलुनीकियों 5:8

पर असां तां दिने दी ओलाद न, इस तांई सांझो अपणे पर काबू रखणा चाईदा। साड़ी भरोसा कने प्यार साड़ी रक्षा करे जियां कबच इकी सिपाइये दी रक्षा करदा है, कने साड़े बाल उद्धारे दी आस है, कि असां हमेशा दिया सजा ला बची गियो न, जियां टोप सिपाइये जो बचादां है।

इब्रानिया 4:12

क्योंकि परमेश्वरे दा बचन जिन्दा कने असरदार है, सै कुसी भी दोधारी तलवारा ला भी पेना है। जड़ा साड़ी आत्मा, प्राण, जोंड़ा जो कने गुरदयां जो बिनी दिन्दा है, कने सै मना दे बिचारां कने मने दी भावना जो जाणी लेंदा है।

इब्रानिया 6:5

उना अनुभव कितया था की परमेश्वरे दा बचन खरा है, कने ओंणे बालिया शक्तिया जो अनुभव किता जालू परमेश्वरे राज करणा।

प्रकाशितवाक्य 1:16

उनी अपणे सजे हथे च सत्त तारे लियो थे, कने उदे मुंऐ ला तेज़ दोधारी तलवार निकलदी थी; उदा मुं उतणा ही चमका दा था जियां सूरज दोपेरा बड़िया धूपा च चमकदा है।

प्रकाशितवाक्य 12:11

कने साड़े भरोसा करणे बालयां शैताने जो राई दिता। उना उसया छेलुये दे खूने दिया शक्तिया ला हराया है, जड़ा उना जो पापां ला छुड़ाणे तांई मरी गिया था। क्योंकि उना भरोसा करणा नी छडया की छेलू उना दा प्रभु है। हालांकि उना जो दुख तकलीफ होई, ऐथू दीकर की उना जो मारी भी दिता पर सै अपणे उस भरोसे ला पिच्छे नी हटे।

प्रकाशितवाक्य 19:15

उदे मुंऐ ला इक पैनी तलवार निकली जिसला उनी देशां जो हराई देणा। जड़ा उदे अधिकारां जो नी अपनांदा उनी उना जो पुरे तरीके ला सजा देंणी। उनी सारयां ला शक्तिशाली परमेश्वरे दे भयंकर गुस्से जो इयां ही छडी देणा जियां इक रस्सकुंड ला अंगूरा दा रस्स निकलदा है।

प्रकाशितवाक्य 2:16

इस तांई पाप करणा छडी दिया, अगर तू ऐसे कम्म करणा बंद नी करगा तां मैं जल्दी ही ओंणा, कने उना लोकां दे खिलाफ उसा तलबारा ला लड़ना, जड़ी मेरे मुंऐ ला निकलदी है जड़ा मेरा बचन है।