प्रेरितां दे कम्म 8:21 - भटियाली नोआ नियम

²¹ इसा सेबा च ना तेरी हिस्सेदारी है, ना हिस्सा है; क्योंकि तेरा मन परमेश्वरे दे सामणे सच्चा नी है।

प्रेरितां दे कम्म 8:21 ပူးပေါင်းရင်းမြစ်များ

लूका 1:6

सै दोयो ही परमेश्वरे दे सामणे धर्मी थे, कने सै प्रभु दे सारे हुकम कने नियम पर सच्चे चलणे बाले थे।

यूहन्ना 21:17

यीशुऐ तीजी बरी उसयो पुछया, “यूहन्ना दे पुत्र शमौन, क्या तू मिंजो ने प्यार करदा है?” पतरस उदास होई गिया, की उनी उसयो तीजी बरी ऐसा बोलया, “क्या तू मिंजो ने प्यार करदा है।” कने उनी बोलया, “प्रभु जी, तू तां सब कुछ जाणदा है की मैं तिजो ने प्यार करदा है।” यीशुऐ उसला बोलया, “मेरियां भेडां जो चुगा।”

प्रेरितां दे कम्म 8:37

फिलिप्पुसे बोलया, “अगर तू सारे मने ने भरोसा करदा है तां लेई सकदा है।” उनी जबाब दिता “मैं भरोसा करदा है की यीशु मसीह ही परमेश्वरे दा पुत्र है।”

इफिसियों 5:5

क्योंकि तुसां ऐ अच्छी तरा ने जाणदे न की कुसी व्यभिचारी दी, बुरे या लालची माणुऐ दी, जड़ा मूर्ति पूजणे बाले सांई है, जड़ा इस संसारे दी चीजां दी अराधना करदा है। इना मसीह कने परमेश्वरे दे राज्य दा हिस्सा नी बणना।

इब्रानिया 4:13

परमेश्वरे दिया नजरा ला इस संसारे दा कोई भी माणु लुकया नी है, सांझो सारे कम्मा दा लेखा उसयो देणा पोंणा है। उदे सामणे सारियां चीजां खुलियां कने प्रगट न।

प्रकाशितवाक्य 2:23

मैं उना लोकां जो मारी देणा है जड़े उदिया शिक्षां जो मंदे न; तालू सारियां कलीसियाँ जो पता चली जाणा की मैं हर इक जणे दे बिचारां कने मकसदां जो परखदा। मैं तुहांजो सबना जो तुहाड़े अपणे कम्मा दे अनुसार इनाम देणा है।

प्रकाशितवाक्य 22:19

अगर कोई ऐसा माणु है जड़ा इसा कताबा च भविष्यवाणिया दियां गल्लां चे कुछ हटाई दिन्दा है, तां परमेश्वरे तुहांजो ला उना आशीषां जो लेई लेणा जड़ियां मैं इसा कताबा च लिखियां न कने परमेश्वरे उस जिन्दगी दे रुख ला फल खांणे कने पबित्र शेहरे च रेणे दा हक भी बापस लेई लेंणा।