प्रेरितां दे कम्म 26:10 - भटियाली नोआ नियम

¹⁰ कने मैं यरूशलेम शेहरे च इयां ही कितया; कने बड्डे याजकां ला हक पाई करी बड़े पबित्र लोकां जो जेला च पाया, कने जालू उना जो मारी दिन्दे थे, तां मैं भी उना दे खिलाफ अपणी सेहमती दिन्दा था।

प्रेरितां दे कम्म 26:10 ပူးပေါင်းရင်းမြစ်များ

प्रेरितां दे कम्म 7:58

कने उसयो यरूशलेम शेहरे दे बाहर कडी करी पथर मारणा लग्गे, कने स्तिफनुसे पर इल्जाम लगाणे बाले लोकां अपणे बाहरे बाले कपड़े खोली करी शाऊले नाऐ दे जवान आदमिये बाल रखी दिते।

प्रेरितां दे कम्म 8:1

शाऊल स्तिफनुसे दिया हत्या च पूरा सहमत था। उसी रोजे ला यरूशलेम शेहरे दिया कलीसिया पर बड़ा जुल्म होणा लग्गा कने प्रेरितां जो छडी करी सारे दे सारे यहूदिया प्रदेशे च कने सामरिया प्रदेशां च तितर बितर होई गे।

प्रेरितां दे कम्म 8:3

शाऊल कलीसिया जो सता दा था, कने घरे-घरे जाई करी विश्वासी मर्दां कने जनानिया जो घसीटी-घसीटी करी जेलां च पाई दिन्दा था।

प्रेरितां दे कम्म 9:21

कने सारे सुणनेबाले हेरान होईकरी बोलणा लग्गे, “क्या ऐ सेई माणु नी है, जड़ा यरूशलेम शेहरे च उना जो सतांदा था, जड़े लोक यीशु नाऐ दे बंदे पर भरोसा करदे थे, कने ऐथू भी तांई ही आया था, की उना लोकां जो बन्नी करी बड्डे याजकां बाल लेई जाऐ?”

प्रेरितां दे कम्म 9:26

शाऊल यरूशलेम शेहरे जो गिया कने ओथु पुज्जी करी उनी चेलयां सोगी मिलणे दी कोशिश किती, पर सारे उसला डरदे थे, क्योंकि उना जो भरोसा नी होंदा था, की सै भी चेला है।

प्रेरितां दे कम्म 9:32

फिरी इयां होया की पतरस हर प्रदेशे च फिरदा होया, इक रोज लुद्दा शेहरे च रेणेबाले पबित्र लोकां ला मिलणे तांई उना बाल पुज्जा।

प्रेरितां दे कम्म 9:41

उनी हथ देईकरी उसा जो उठाया कने पबित्र लोकां कने बिधवां जो सदीकरी उसा जो जिन्दा करी दसया।

1 कुरिन्थियों 15:9

क्योंकि मैं प्रेरितां च सारयां ला घट खास है, बल्कि प्रेरित बणने जोगा भी नी है, क्योंकि मैं परमेश्वरे दिया कलीसिया दे लोकां जो सताया था।

गलातियों 1:13

तुसां जाणदे न की मैं यहूदी धार्मिक नियमा दे अनुसार जिन्दगी जिन्दा था, तां मेरे मते साथी जड़े मेरिया उमरा दे थे, सै भी यहूदी नियमा दा पालन करदे थे, पर मैं उना सारयां ला जादा बदीकरी कने पुरे दिले ला अपणे पूर्वजां दे रीती रिबाजां जो मंदा था। कने उस बकत मैं यीशु मसीह पर भरोसा करणे बालयां जो सतांदा था कने उना जो मारणे दी कोशिश करदा रेंदा था।

इफिसियों 1:1

मैं पौलुस, परमेश्वरे दिया इच्छा ने यीशु मसीह दा प्रेरित है, ऐ चिठ्ठी इफिसुस शेहर च रेणेबाले परमेश्वरे दे पबित्र लोकां जो लिखा दा है।

प्रकाशितवाक्य 17:6

कने मैं दिखया की जनानी परमेश्वरे दे लोकां दे खूने दे नशे च थी, जिना जो लोकां मारी दितया था क्योंकि सै यीशुऐ पर भरोसा करदे थे। कने उसयो दिखीकरी मिंजो बड़ी हेरानी होई।