प्रेरितां दे कम्म 19:26 - भटियाली नोआ नियम

²⁶ कने तुसां दिखदे कने सुणदे न कि सिर्फ इफिसुस शेहरे च ही नी, बल्कि सारे आसिया प्रदेश दे सारे ग्रां च, इनी पौलुसे ऐ बोली करी मते लोकां जो समझाया कने भटकाया भी है, कि जड़ी हथां दी कारीगिरी है, सै ईश्वर नी है।

प्रेरितां दे कम्म 19:26 ပူးပေါင်းရင်းမြစ်များ

प्रेरितां दे कम्म 14:15

“हे लोको, तुसां क्या करदे न? असां भी तुहाड़े सांई दुखे सुख भोगणे बाले माणु न, कने तुहांजो शुभसमाचार सुणादे न, ताकि तुसां इना बेकार दियां चीजां ला लग होईकरी जिंदे परमेश्वरे पासे आई जा, जिनी स्वर्ग कने धरती कने समुंद्रे कने जड़ा कुछ उना च है बणाया है।

प्रेरितां दे कम्म 17:29

इस तांई परमेश्वरे दी ओलाद होईकरी सांझो ऐ समझणा ठीक नी कि परमेश्वर, सोने या चांदी या पथरे सांई है, जड़े माणुऐ दिया सोचा कने कारिगिरिया ला बणायो न।

प्रेरितां दे कम्म 18:19

कने सै इफिसुस शेहरे च आये कने पौलुसे प्रिसकिल्ला कने अक्विला जो ओथु ही छडी दिता। कने अपु इफिसुस शेहरे दे यहूदी जंज घर च जाई करी यहूदियां ने बाद-बिबाद करणा लग्गा।

प्रेरितां दे कम्म 19:1

कने जालू अपुल्लोस कुरिन्थुस शेहरे च था, तां पौलुस सड़का दे जरिये अंदरूनी इलाके ला होईकरी इफिसुस शेहरे जो आया कने उदी मुलाकात कुछ चेलयां ला होई।

प्रेरितां दे कम्म 19:10

दो सालां दीकर ऐई होंदा रिया, कने आसिया प्रदेश दे रेहणे बाले सारयां यहूदियां कने सारे यूनानियां प्रभु दा बचन सुणी लिया।

प्रेरितां दे कम्म 19:25

दिमेत्रियुसे अपणे कारीगरां जो सदया कने इयोदियां चीजां दे कारीगरां जो गिठे करिरी बोलया, “हे भाईयो, तुसां जाणदे न कि इसी कम्मे ला सांझो कितणा पैसा मिलदा है।

1 कुरिन्थियों 12:2

तुसां जाणदे न, की परमेश्वरे पर भरोसा करणे ला पेहले कियां जिन्दगी जिन्दे थे। तुसां भटकाई दितयो थे की तुसां बेजान मूर्तियां दी पूजा करन।

1 कुरिन्थियों 8:4

हुण खांणे दे बारे च तुहांजो जबाब देणा चांदा है। मुर्तियां दे सामणे बलि दीतिया चिजां दे बारे च असां जाणदे न, की इस संसारे च कुथी भी मूर्तियां च परमेश्वर नी है, कने सिर्फ इक ही सच्चा परमेश्वर है।

गलातियों 4:8

जालू तुसां परमेश्वरे जो नी जाणदे थे, उस बकत तुसां उना दे गुलाम थे जड़े असल च परमेश्वर है ही नी।

1 थिस्सलुनीकियों 1:9

क्योंकि सै लोक अपु ही दुज्जयां जो दसदे न की तुसां साड़ा स्वागत किता जालू असां तुहाड़े बाल आऐ; कने तुसां कजो मूर्तियां ला दूर होईकरी परमेश्वरे बाल आये ताकि तुसां जिन्दे कने सच्चे परमेश्वरे दी सेबा करन।

प्रकाशितवाक्य 9:20

पर बाकी लोक जड़े उना मुसीबतां ला पेहले नी मरयो थे, उना हल्ले भी अपणे बुरे कम्म करणा नी छडे। उना हत्या करणा, टूणा-टोटका, नाजायज रिश्ते, चोरी करणा नी छडया। उना बुरियां आत्मा कने अपणे हथां ला बणियां चीजां दियां पूजा करणा भी नी छडया, जियां की सोने या चांदी या पितल या पत्थर या लकड़िया ला बणियां मूर्तियां, जड़ियां ना तां दिखी सकदियां, कने ना सुणदियां, कने ना ही चलदियां न।