प्रेरितां दे कम्म 15:36 - भटियाली नोआ नियम

³⁶ थोड़े बकत बाद पौलुसे बरनबासे जो बोलया, “जिना-जिना शेहेरां च असां प्रभु दे बचन सुणायो थे, ओआ, ओथु बापस जाई करी अपणे विश्वासी भाईयां जो दिखदे न कि सै कदे न।”

प्रेरितां दे कम्म 15:36 ပူးပေါင်းရင်းမြစ်များ

मत्ती 25:36

जालू मैं नगां था, तुसां मिंजो कपड़े दिते, मैं बिमार था, तुसां मेरा हाल चाल पुछया, मैं जेला च था, तां तुसां मिंजो ने मिलणा आये।

मत्ती 25:43

मैं परदेसी था, कने तुसां मिंजो अपणे घरे नी रियाया; मैं नंगा था, कने तुसां मिंजो कपड़े नी दिते; कने मैं बिमार कने जेलां च था, तां तुसां मेरा हाल चाल नी पुछया।

प्रेरितां दे कम्म 13:12

तालू राज्यपाले जड़ा कुछ होया था, दिखीकरी कने प्रभु दियां शिक्षा ला हेरान होईकरी उनी यीशु मसीह पर भरोसा किता।

प्रेरितां दे कम्म 13:4

शाऊल कने बरनबास पबित्र आत्मा दे जरिये भेजे गे, सै अन्ताकिया शेहर ला सिलुकिया शेहरे दिया बन्दरगाह जो गे, कने ओथु ला जहाजे पर चढ़ी करी साइप्रस टापू दी सलमीस बंदरगाह जो चली गे।

प्रेरितां दे कम्म 13:51

तालू पौलुस कने बरनबासे उना सामणे अपणे पैरां दी धुड़ झाड़ी, उना जो ऐ दसणे तांई की परमेश्वरे उना जो ठुकराई दितया है कने उना जो सजा देंणी। फिरी सै इकुनियुम शेहरे जो चली गे।

प्रेरितां दे कम्म 14:1

इकुनियुम शेहर च ऐसा होया की पौलुस कने बरनबास यहूदी जंज घर च सोगी-सोगी गे, कने ऐसियां प्रभावशाली गल्लां कितियां की, यहूदियाँ कने होर जातियां दोंना चे मतयां यीशु पर भरोसा किता।

प्रेरितां दे कम्म 14:21

पौलुस कने बरनबास दिरबे शेहरे दे लोकां जो शुभसमाचार सुणाई करी कने मते चेले बणाई करी। तालू सै लुस्त्रा शेहरे जो बापस चली गे। कने फिरी ओथु ला इकुनियुम शेहरे जो गे, कने फिरी सै पिसिदिया प्रदेश दे अन्ताकिया शेहरे जो गे।

प्रेरितां दे कम्म 14:6

जालू पौलस कने बरनबास जो इसा गल्ला दे बारे च पता लग्गी गिया, कने सै लुकाउनिया प्रदेशे दे लुस्त्रा कने दिरबे शेहरां च, कने अखे बखे दे इलाके च नठी गे।

प्रेरितां दे कम्म 7:23

जालू मूसा चालियां सालां दा होया, तां उदे मने च आया की अपणे इस्राएली रिशतेदारां ने मिल्ले।

रोमियो 1:11

क्योंकि मैं तुसां ने मिलने दी बड़ी इच्छा है, ताकि मैं तुसां जो कोई आत्मिक बरदान दें जिसने तुसां भरोसे च होर भी मजबूत होई जान,

2 कुरिन्थियों 11:28

कने इना सारियां गल्लां दे इलाबा मिंजो हर रोज सारियां कलीसियां दी भलाई दी चिंता दा भोझ बणी रेंदा है।

फिलिप्पियों 1:27

ध्यान रखा की तुहाड़ा सभाब मसीह दे शुभसमाचार दे अनुसार हो। चाऐ मैं आई करी तुहांजो ने मिल्ले या नी, मैं तुहाड़े बारे च ऐई सुणे की तुसां इक ही भाव च, कने इक मन होईकरी शुभसमाचार दे भरोसे तांई सोगी मेहनत करदे न।

1 थिस्सलुनीकियों 3:6

पर हुण तीमुथियुसे तुहाड़े बखे ला आई करी तुहाड़े भरोसे कने प्यार दा शुभसमाचार सुणाया। कने ऐ भी सुणाया, की तुसां हमेशा प्यारे ला मिंजो याद करदे न, कने सांझो दिखणे दी इच्छा रखदे न, जियां असां तुहांजो दिखणे दी इच्छा रखदे थे।

2 तीमुथियुस 1:4

मिंजो याद है की तू कितणा रोया था, जालू मिंजो तिजो छडी करी जाणा पिया था, कने तेरे आंसुआं जो याद करिरी दिन रात तिजो ने मिलणे दी इच्छा रखदा है, की मैं खुशिया ला भरुई जां।