प्रेरितां दे कम्म 14:27 - भटियाली नोआ नियम

²⁷ अन्ताकिया शेहरे च पुज्जी करी उना कलीसिया गठेरी कने दसया, की परमेश्वरे साड़े सोगी होईकरी कदे बड्डे-बड्डे कम्म किते कने कियां परमेश्वरे होर जातियां जो यीशु मसीह पर भरोसा करणे दे काबिल बणाया।

प्रेरितां दे कम्म 14:27 ပူးပေါင်းရင်းမြစ်များ

यूहन्ना 9:10

तां सै उसला पूछणा लग्गे, “तेरियां हखी दी लौ कियां बापस आई?”

प्रेरितां दे कम्म 11:18

ऐ सुणीकरी, यहूदी विश्वासी चुप रे, कने परमेश्वरे दी बड़ाई करी बोलणा लग्गे, “तां परमेश्वरे होर जातियां जो भी हमेशा दी जिन्दगी अपणे बुरे कम्मा जो छडी करी यीशु मसीह पर भरोसा करणे ने दान दिता है।”

प्रेरितां दे कम्म 15:12

तालू सारी सभा चुपचाप होईकरी बरनबास कने पौलुस दी सुणना लग्गी, जियां ही उना अदभुत चिन्न चमत्कारां दे बारे दसया जड़े परमेश्वरे उना दे जरिये होर जातियां च किते।

रोमियो 15:18

क्योंकि जड़ा मसीहे मेरे तांई कितया है, इसा ही बजा ने मैं ऐ हिमता ने बोली सकदा है की मैं होर जाति दे लोकां जो परमेश्वरे दे हुकमा दा पालन करबाणे दे काबिल है। जालू सै मेरियां गल्लां जो सुणदे न कने मेरे कम्मा जो दिखदे न तां सै यीशु मसीह पर भरोसा करदे न।

1 कुरिन्थियों 11:18

क्योंकि सारयां ला पैली गल्ल तां ऐ है, मैं ऐ सुणया है, की जालू तुसां कलीसिया च अराधना तांई गिठे होंदे न, तां तुसां बिच अपु चे बणदी नी, कने मिंजो भरोसा है की उना दियां गल्लां च कुछ सच्चाई है।

1 कुरिन्थियों 14:23

इस तांई अगर कलीसिया दे लोक इक जगा गिठे होन, कने सारे होर भाषा च परमेश्वरे ला गल्लां करन, कने कोई जड़े ऐ भाषा नी समझदे होन या कोई भरोसा नी करणे बाले अंदर आई जान तां उना पक्का सोचणा की तुसां पागल होई गियो न।

1 कुरिन्थियों 15:10

पर अगर अज मैं प्रेरित है तां सै परमेश्वरे दा अनुग्रह है: कने उनी जड़ा अनुग्रह मिंजो पर कितया है, सै बेकार नी होया। पर मैं उना दुज्जे प्रेरितां ला जादा बदीकरी मेहनत किती; तमी ऐ मेरिया तरफा ला नी होया, पर परमेश्वरे दे अनुग्रह मेरी बड़ी सहायता किती की मैं उदा कम्म करी सकें।

1 कुरिन्थियों 16:9

क्योंकि हल्ले भी ऐथू मते लोक न जड़े परमेश्वरे दा बचन सुणना चांदे न, मेरा ऐथू रेंणा बड़ा जरूरी है। हालांकि ऐथू मते लोक ऐसे न जड़े मेरा बिरोध करदे न।

1 कुरिन्थियों 5:4

कने तुहांजो ऐसा करणा चाईदा की तुसां सारे भरोसा करणे बाले होणे दे नाते गिठे होन, ऐ जाणदे होऐ की तुहाड़े बाल असल च साड़े प्रभु यीशु मसीह दा हक है।

2 कुरिन्थियों 2:12

कने जालू मैं मसीह दा शुभसमाचार सुणाणे तांई त्रोआस शेहर च आया, तां परमेश्वरे मिंजो शुभसमाचार दा प्रचार करणे दे बड़े मौके दिते।

कुलुस्सियों 4:3

कने इदे सोगी-सोगी साड़े तांई भी प्राथना करदे रिया, की परमेश्वर साड़े तांई बचन दा प्रचार सुणाने दा मोका दे, की असां मसीह दे उस भेद जो पुरे तरीके ला सुणाई सकन, इसा ही बजा ला मैं जेला च है।