2 कुरिन्थियों 8:6 - भटियाली नोआ नियम

⁶ इस तांई असां तीतुस ला बिनती किती की, जियां उनी पेहले दान गिठा करणे दा कम्म शुरू कितया था, तियां ही तुहाड़े बिच इस दान दे कम्मा जो पूरा करी ले।

2 कुरिन्थियों 8:6 ပူးပေါင်းရင်းမြစ်များ

प्रेरितां दे कम्म 24:17

मतयां सालां बाद मैं अपणे गरीब लोकां जो दान कने परमेश्वरे जो बलिदान चड़ाणे तांई यरूशलेम शेहरे च आया था।

रोमियो 15:25

पर हुण तां मैं परमेश्वरे दे पबित्र लोकां ने मिलणे तांई यरूशलेम शेहर जो चलया है।

2 कुरिन्थियों 12:18

मैं तीतुस जो कने उदे सोगी अपणे मसीह भाईऐ जो भेजया था, तां क्या तितुसे धोखा देईकरी तुहांजो ला कुछ लिया? नी! क्योंकि साड़ा इक ही मकसद है कने साड़ा इक ही कम्म है।

2 कुरिन्थियों 2:13

तां मेरा अपणा मसीह भाई तीतुस तुहाड़ी खबर लेईकरी मेरे बाल नी आया, जिदे ला मेरे मने जो चेन नी मिला। इस तांई मैं तीतुस जो तोपणे तांई त्रोआस शेहरे दे मसीह लोकां ला बिदा लेईकरी मकिदुनिया प्रदेश जो चली गिया।

2 कुरिन्थियों 8:10

पिछले साल तुसां दान देणे कने ऐसी इच्छा रखणे च भी सारयां ला अग्गे थे। इस बारे च तुहाड़े तांई क्या खरा है, उदे बारे च मेरी ऐ सलाह है की; हुण जड़ा तुसां शुरू कितया है, उसयो पूरा करा। शायद तुसां भी इस कम्मे जो खत्म करणे तांई उतणे ही उत्साही न जितणे तुसां इसयो शुरू करणे च थे।

2 कुरिन्थियों 8:19

कने सिर्फ इतणा ही नी, पर उसयो कलीसिया दे लोकां ही चुणया है, ताकि इस दान देणेबाले कम्मे तांई साड़े सोगी चले। असां ऐ दान दी सेबा इस तांई करदे न, ताकि प्रभु दी महिमा हो, कने ऐ दसणे तांई की असां यरूशलेम शेहरे दे भरोसा करणे बालयां दी सहायता करणा चांदे न।

2 कुरिन्थियों 8:23

अगर कोई तीतुस दे बारे च पुच्छे, तां सै मेरा साथी, कने तुहाड़े तांई मेरा सहकर्मी है, कने अगर साड़े मसीह भाईयां दे बारे च कोई पुच्छे, तां सै कलीसिया दे भेजयो होऐ न कने उना दी जिन्दगी मसीह दी महिमा तांई है।

2 कुरिन्थियों 8:4

उना लोकां साड़े ला बड़ी बिनती करिरी इजाजत मंगी की यरूशलेम शेहरे दे परमेश्वरे दे पबित्र लोकां दी सहायता करणे दा सांझो मौका दिया।

2 कुरिन्थियों 9:5

इस तांई मैं मसीह भाईयां ने बिनती करणा जरूरी समझया की सै पेहले ही तुहाड़े बाल चली जान, कने जड़ा दान देंणे दा बायदा तुसां कितया था, उसयो तैयार रखन, जड़ा तुसां प्यारभाव ला देणा है ना की कुसी मजबूरिया च।

फिलिप्पियों 4:18

मेरे बाल सब कुछ है, कने बड़ा जादा भी है; जड़ियां चीजां तुसां इपफ्रुदितुस दे हथे ला भेजियां थियां उना जो पाई करी मैं रजी गिया है, ऐ इक तोफे सांई है, जिदे च मिठी खुशबु ओआ दी है, जिसयो सै ग्रहण करदा है कने ऐ परमेश्वर जो खुश करदा है।

1 पतरस 4:10

हर इक माणुऐ जो परमेश्वरे दिया तरफा ला बरदान मिलया है, उसयो उस बरदाने दा इस्तेमाल दुज्जयां दी सहायता करणे तांई करणा चाईदा। उना जो परमेश्वरे दे अच्छे सेबकां दे रुपे च अपणे बरदाना दा इस्तेमाल करणा चाईदा जड़े परमेश्वरे उना जो अनुग्रह ला दितयो न।