2 कुरिन्थियों 11:14 - भटियाली नोआ नियम

¹⁴ कने ऐ कोई हेरानिया बाली गल्ल नी है, क्योंकि शैतान अपु भी परमेश्वरे दी महिमा दे स्वर्गदूत दा रूप धारण करिरी धोखा दिन्दा है।

2 कुरिन्थियों 11:14 ပူးပေါင်းရင်းမြစ်များ

2 कुरिन्थियों 11:3

पर मैं डरदा है की जियां शैताने सपे दे रुपे च अपणिया चलाकिया ला पैली जनानी हव्वा जो बेहकाई दिता, तियां ही शैतान तुहाड़े मना जो उस सीधेपन कने पबित्रता ला मसीह दी सेबा ला दूर ना करी दे।

2 कुरिन्थियों 2:11

ताकि शैतान साड़े हालातां दा फायदा ना लेई सके, क्योंकि असां उदे बुरे इरादे जो जाणदे न।

गलातियों 1:8

पर अगर असां चे कोई या स्वर्गदूतां चे कोई भी इस शुभसमाचार जो छडी करी जड़ा असां तुहांजो सुणाया है, कोई होर शिक्षा दा प्रचार करे तां, परमेश्वरे उसयो सजा देणी।

कुलुस्सियों 1:12

कने पिता परमेश्वर दा धन्यवाद करदे रिया, जिनी सांझो अपणी विरासत च हिस्सेदार होणे दे काबिल बणाया, जिसयो उनी अपणे पबित्र लोकां तांई स्वर्ग च तैयार कितया है।

कुलुस्सियों 1:13

क्योंकि ओई सांझो शैताने दिया शक्तिया ला छुड़ाई करी अपणे प्यारे पुत्रे दे राज्य च लेईकरी आया है।

प्रकाशितवाक्य 12:9

इस तांई उसयो कने उदे दूतां जो धरतिया पर फेंकी दिता। ऐ बड्डा अजगर सेई है जड़ा बड़े पेहले सप्पे दे रुपे च मिल्ला था, जिसयो शैतान या दोष लांणे बाला बोलदे न। ऐ सेई है जड़ा इस संसारे दे लोकां जो धोखा दिन्दा आया है।