1तीमुथियुस 2:1 - भटियाली नोआ नियम

¹ सारयां ला जरूरी बिनती ऐ है की, प्राथना, निवेदन कने धन्यावाद सारे माणुऐ तांई करा।

1तीमुथियुस 2:1 ပူးပေါင်းရင်းမြစ်များ

प्रेरितां दे कम्म 17:30

इस तांई परमेश्वरे लोका दिया अज्ञानता दे युगां उपर ध्यान नी दिता, पर हुण हर जगा सारे माणुआं जो, अपणे पापां जो मन्नी करी कने गलत कम्मा जो छडी देंणे दा हुकम दिन्दा है।

रोमियो 1:8

पेहले मैं तुसां सारयां तांई यीशु मसीह दे जरिये अपणे परमेश्वरे दा धन्यबाद करदा है, क्योंकि मती सारियां जगां दे लोक तुसां दे यीशु मसीह पर भरोसे दे बारे च गल्लां करा दे न।

रोमियो 6:17

तुसां जड़े पाप दे गुलाम थे, पर हुण तुसां उस शिक्षा जो मंदे न जड़ी तुसां जो मिल्ली है, इदे तांई मैं परमेश्वर दा धन्याबाद करदा है,

1 कुरिन्थियों 15:3

इसा बजा ला मैं तुहांजो सारयां ला जरूरी संदेश दसया, जड़ा मिंजो प्रभु यीशु मसीह ला मिलया। कने सै संदेश ऐ है पबित्र शास्त्रे दे बचने अनुसार यीशु मसीह साड़े पापां तांई मरी गिया।

2 कुरिन्थियों 8:6

इस तांई असां तीतुस ला बिनती किती की, जियां उनी पेहले दान गिठा करणे दा कम्म शुरू कितया था, तियां ही तुहाड़े बिच इस दान दे कम्मा जो पूरा करी ले।

इफिसियों 3:13

इस तांई मैं बिनती करदा है की जड़े दुख मिंजो तुहाड़े तांई होआ दे न, उना दिया बजा ला सांझो होसला नी छडणा चाईदा क्योंकि ऐ सब कुछ तुहाड़े फायदे तांई है।

इफिसियों 5:20

कने जड़ा कुछ साड़े प्रभु यीशु मसीहे किता उदी बजा ने हमेशा सारियां गल्लां तांई साड़े पिता परमेश्वर दा धन्याबाद करदे रिया।

इफिसियों 6:18

कने हर बकते जियां पबित्र आत्मा अगुवाई करदा है तियां प्राथना करा कने बिनती करदे रिया, कने जागदे रिया कने हमेशा पबित्र लोकां तांई प्राथना करदे रिया,

फिलिप्पियों 1:3

पेहले दिने ला तुसां यीशु मसीह दे शुभसमाचार पर भरोसा किता, कने शुभसमाचार जो फेलाणे च साड़े हिस्सेदार रे। इसा बजा ला मैं जालू भी तुहाड़े बारे च सोचदा है, तां परमेश्वरे दा धन्यबाद करदा है, कने मैं खुशिया सोगी तुहाड़े सारयां तांई उदी सहायता तांई प्राथना करदा है।

फिलिप्पियों 4:6

कुसी भी गल्ला दी चिंता मत करा; पर हर इक हालात च तुहाड़े निवेदन, प्राथना कने विनतिया दे जरिये धन्याबाद सोगी परमेश्वरे सामणे रखे जान।

1 थिस्सलुनीकियों 3:12

असां ऐ भी प्राथना करदे न की प्रभु यीशु मसीह ऐसा करे कि, जियां असां तुहांजो ने प्यार करदे न, तियां ही तुसां भी इक दुज्जे ने प्यार करा, कने सारयां लोकां सोगी तुहाड़ा प्यार होर भी बदे कने बददा ही जा,

2 थिस्सलुनीकियों 1:3

हे मसीह भाईयो, तुहाड़े बारे च सांझो लगातार परमेश्वरे दा धन्यवाद करणा चाईदा। कने ऐ साड़े तांई ठीक भी है, की तुहाड़ा भरोसा यीशु मसीह पर बददा जा दा है, कने तुहाड़ा प्यार भी इक दुज्जे तांई बददा जा दा है।

1तीमुथियुस 2:4

क्योंकि परमेश्वर चांदा है, की सारयां लोकां दा उद्धार हो कने सै यीशु मसीह दी सच्ची शिक्षा दा ज्ञान पाई सकन।

1तीमुथियुस 5:5

जिसा विधवा दा कोई देखभाल करणे बाला नी है, सै परमेश्वरे पर ही आस रखदी है, कने दिन रात बिनती कने प्राथना करिरी परमेश्वरे ला सहायता मंगदी है।

2 तीमुथियुस 2:24

कने प्रभु दे दासे जो लड़ाका नी होणा चाईदा, पर उसयो सबना ने प्यारभाव ने गल्ल बात करणे बाले, कने परमेश्वरे दी शिक्षा जो अच्छे ने सिखाणे बाला, कने सेहनशील होणा चाईदा।

तीतुस 2:11

क्योंकि परमेश्वरे अपणा अनुग्रह किता, कने साड़े तांई इक रस्ता कडया, ताकि सारे लोक उद्धार पाई सकन।

तीतुस 3:2

सै कुसी जो भी बदनाम ना करन, लड़ाई झगड़े करणे बाले ना होन, पर दयालु सभावे दे होन, कने सारे लोकां सोगी बड़े प्यारे ने रेन।

इब्रानिया 6:11

तुसां सुस्त मत बणा। पर कड़ी मेहनत करणे बालयां सांई आखरी दीकर सबर कने भरोसे सोगी पक्की आस रखीकरी इना प्यार भरे कम्मा जो करदे रेणा चाईदा, ताकि सांझो परमेश्वरे दे वायदे मिली सकन।

याकूब 5:16

इस तांई तुसां अपु चे इक दुज्जे दे सामणे अपणे-अपणे पापां जो मनी लिया; कने इक दुज्जे तांई प्राथना करा, जिसला तुसां ठीक होई जान; इक धर्मी जणे दी प्राथना बड़ी सामर्थी है कने अदभुत नतीजे निकलदे न।