1 कुरिन्थियों 5:13 - भटियाली नोआ नियम

¹³ पर कलीसिया ला बाहर बालयां दा फेसला परमेश्वर करदा है: पर जियां पबित्र शास्त्र च लिखया है, की कुसी भी बुरे कम्म करणे बाले माणुऐ सोगी रिश्ता मत रखा।

1 कुरिन्थियों 5:13 ပူးပေါင်းရင်းမြစ်များ

मत्ती 18:17

अगर सै उना दी भी नी मन्ने, तां तू कलीसिया ने बोली दे, पर अगर सै कलीसिया ने भी नी मन्ने, तां तू उसयो जियां तुसां होर जातियां सोगी व्यवहार करदे न, तियां ही उसयो कलीसिया ला कडी दिया।

प्रेरितां दे कम्म 17:31

क्योंकि उनी इक दिन तय कितया है, जिदे च उनी उस माणुऐ जरिये धार्मिकता ला संसारे दा न्याय करणा है, जिसयो उनी नियुक्त कितया है, कने उसयो मरयां चे जिन्दा करी के, इसा गल्ला दा सबूत सारयां लोकां जो देई दितया है।

रोमियो 2:16

ऐ सच्च उस रोज सामणे आई जाणा, जालू परमेश्वरे यीशु मसीह दे जरिये जिसदा मैं शुभसमाचार सुणादा है सारे माणुआं दी गुप्त गल्लां दा न्याय करणा है।

1 कुरिन्थियों 5:1

मैं लोकां जो तुहाड़े बारे च बोलदे सुणया है, की तुसां चे कुछ लोक व्यभिचार करदे न, कने ऐसा व्यभिचार तां होर जाति दे लोकां च भी नी होंदा। सै ऐ है की इकी माणुऐ अपणी सौतेली माऊ सोगी नाजायज रिश्ता रखया है।

1 कुरिन्थियों 5:2

कने तुसां जो तां इसा गल्ला दा दुख होणा चाईदा था, पर इदे बजाये तुसां इसा गल्ला च घमंड करदे न। तुहांजो इयुदे माणुआं जो कलीसिया ला कडी देणा चाईदा।

1 कुरिन्थियों 5:5

उस पाप करणे बाले माणुऐ जो अपणी कलीसिया ला कडी दिया, कने बापस उस जो शैतान दे बशे च देई दिया। क्या पता सै पाप करणा छडी दे। क्योंकि अगर सै पाप करणा छडी दिंगा, तां जिस दिन प्रभुऐ न्याय करणा पक्का उस दिन उनी बची जाणा।

1 कुरिन्थियों 5:7

जियां यहूदी लोक अपणे घरां ला फसह दा त्योहार मनाणे ला पेहले सारा खमीर कडी दिन्दे न, तियां ही तुसां भी इस पापी माणुऐ जो कलीसिया ला कडी दिया, तां तुसां इक ताजी रोटिया सांई होणा, जड़ी बिना खमिरे ला बणियो है, कने असल च तुसां सेई न। क्योंकि साड़े फसह दा त्योहार असल च मसीह दे बलिदाने दे जरिये पूरा होया है।

इब्रानिया 13:4

बियाये दा रिश्ता सारयां तांई आदरनीय हो, कने लाड़ा-लाड़ी इक दुज्जे सोगी बफादार रिया। क्योंकि परमेश्वरे व्यभिचारियां कने नाजायज रिश्ते रखणे बालयां दा न्याय करणा है।

2 पतरस 2:9

ऐ सारे कम्म जड़े परमेश्वरे अतीत च किते, सै सांझो ऐ दसणे तांई न की जड़े लोक परमेश्वरे जो खुश करणे बाली जिन्दगी जिन्दे न, जालू सै मुसीबता च होंदे न तां परमेश्वर उना दी पक्का रक्षा करदा। कने असां ऐ भी यकीन करी सकदे न की परमेश्वरे उस दिने दीकर लगातार अधर्मियां जो सजा दिन्दे रेंणा जालू दीकर सै सारे लोकां दा न्याय नी करदा।