1 कुरिन्थियों 4:21 - भटियाली नोआ नियम

²¹ जालू मैं तुहाड़े बाल ओंगा तां तुसां क्या चांदे न की मैं करां? अगर तुसां अपणियां बुरियां गल्लां ला नी सुधरयो होंगे, तां मैं तुहांजो अपणे तरीके ला सुधारगा, पर अगर सुधरी गियो होंगे तां मैं तुसां पर दया दसणी, कने दसणा की मैं तुहांजो ने कितणा प्यार करदा है।

1 कुरिन्थियों 4:21 ပူးပေါင်းရင်းမြစ်များ

1 थिस्सलुनीकियों 2:7

पर जियां माता-पिता अपणे बचयां जो पालदे न, तियां ही असां भी तुहाड़े बिच रेई के इयुदी दीनता दसियो है।

2 कुरिन्थियों 13:10

इसा बजा ला मैं तुहाड़े बाल ओंणे ला पेहले तुहांजो ऐ गल्लां लिखा दा है, ताकि मिंजो तुहांजो सजा देंणे दे हके जो इस्तेमाल करणे दी जरूरत ना पोऐ, जड़ा मिंजो प्रभुऐ दितया है। पर मैं इना हका दा इस्तेमाल तुहाड़े भरोसे जो मजबूत करणे तांई करणा चांदा है ना की नाश करणे तांई।

2 कुरिन्थियों 2:3

कने मैं ऐई गल्ल तुहांजो इस तांई लिखी, की कुथी इयां ना हो, की मेरे ओंणे पर जिना ला मिंजो खुशी मिलणा चाईदी, सेई मेरे दुखी होणे दी बजा न बणी जान। क्योंकि मिंजो तुसां पर इसा गल्ला दा भरोसा है की, जड़ी मेरी खुशी है, सेई तुसां सारयां दी भी खुशी है।

2 कुरिन्थियों 1:23

परमेश्वर मेरिया इसा सच्चाईया दा गबाह है की मैं हले दीकर कुरिन्थुस शेहर च इस तांई नी आया की, मैं तुहांजो दुख देणा नी चांदा था।

याकूब 3:17

पर जड़ा ज्ञान स्वर्गे ला मिलदा है, सै पेहले तां पबित्र होंदा है, फिरी मिलनसार, कोमल, कने प्यारभाव, दया ला भरुया, खरे कम्मा ला लदुया कने बिना कुसी भेदभाव कने बिना कुसी कपट दे होंदा है।

2 कुरिन्थियों 10:6

कने जालू तुसां मसीह दा हुकम मनणे बाले बणी जांदे न, तां असां सारे हुकम नी मनणे बालयां जो सजा देंणे तांई तैयार रेंदे न।

2 कुरिन्थियों 2:1

मैं अपणे मने च ऐई ठाणी लिया था की मैं इक बरी दुबारा ओथु आई करी तुहांजो दुख ना दे।

2 कुरिन्थियों 10:8

क्योंकि अगर मैं उस हके दे बारे च होर भी घमंड दस्सें, जड़ा तुहाड़े भरोसे जो खत्म करणे तांई नी, पर तुहांजो भरोसे च बदणे तांई दितया, तां इदे च मिंजो कोई शर्म नी होणी।

2 कुरिन्थियों 3:10

कने मूसा दी व्यवस्था जड़ी बड़ी तेजोमय थी, पर हुण उस नोई बाचा दे तेज सामणे मूसा दी व्यवस्था दा कोई तेज नी रिया क्योंकि ऐ नोई बाचा दे मुकाबले जादा तेजोमय नी है।

1 कुरिन्थियों 5:5

उस पाप करणे बाले माणुऐ जो अपणी कलीसिया ला कडी दिया, कने बापस उस जो शैतान दे बशे च देई दिया। क्या पता सै पाप करणा छडी दे। क्योंकि अगर सै पाप करणा छडी दिंगा, तां जिस दिन प्रभुऐ न्याय करणा पक्का उस दिन उनी बची जाणा।

1 कुरिन्थियों 4:18

तुहाड़े बिच कुछ लोक सोचदे न की तुहांजो मिलणा नी ओंणा, इस तांई सै घमंडी होई गियो न।

2 कुरिन्थियों 12:18

मैं तीतुस जो कने उदे सोगी अपणे मसीह भाईऐ जो भेजया था, तां क्या तितुसे धोखा देईकरी तुहांजो ला कुछ लिया? नी! क्योंकि साड़ा इक ही मकसद है कने साड़ा इक ही कम्म है।

गलातियों 6:1

हे मसीह भाईयो, अगर कुनी माणुऐ कोई पाप किता है, तां तुसां जड़े पबित्र आत्मा दी अगुवाई ने चलदे न, उसयो प्यारे ने सही रस्ते पर बापस लोणे तांई उदी सहायता करा, ध्यान रखा की कुथी तुसां अपु ही उस पाप च ना पेई जान।