1 कुरिन्थियों 15:5 - भटियाली नोआ नियम

⁵ कने फिरी सै पतरस जो मिल्ला कने उदे बाद सै बारां चेलयां जो मिल्ला।

1 कुरिन्थियों 15:5 ပူးပေါင်းရင်းမြစ်များ

मरकुस 16:14

इदे बाद यीशु उना गयारां चेलयां जो भी मिल्ला, जालू सै रोटी खाणां बैठयो थे, तां यीशुऐ उना जो झिड़कया, क्योंकि यीशुऐ जो जिन्दा होणे बाद दिखया, फिरी भी उना भरोसा नी कितया था।

यूहन्ना 1:42

अन्द्रियास शमौने जो यीशुऐ बाल लेई आया: यीशुऐ उस पासे नजर करिके बोलया, तू यूहन्ना दा पुत्र शमौन है, तिजो पतरस बोलणा है।

प्रेरितां दे कम्म 10:41

सारयां लोकां उसयो नी दिखया, पर उना गबाहां जो जिना जो परमेश्वरे पेहले ही प्रेरित चुणी लिया था, मतलब की सांझो जिना मरयां चे जिन्दा होणे बाद उदे सोगी खादा पीता।

1 कुरिन्थियों 1:12

मेरे बोलणे दा मतलब ऐ है, की तुसां चे कोई अपणे आपे जो बोलदा है की मैं “पौलुस दा चेला है,” कोई बोलदा, “अपुल्लोस दा चेला है,” कोई बोलदा, “कैफा दा,” कोई बोलदा, “मसीह दा चेला है।”

1 कुरिन्थियों 9:5

जियां पतरस कने होर चेले कने प्रभु दे भाई जालू सेबा करणे तांई अपणी घरे बालियां सोगी जांदे न, तियां ही मेरे बाल भी हक है की मैं ऐसा करें।