1 कुरिन्थियों 11:3 - भटियाली नोआ नियम

³ पर इक गल्ल है जड़ी मैं चांदा है की तुसां ऐ जाणी लिया की, हर इक मर्दे दा मुंड मसीह है, कने इक घरे बालिये दा मुंड उदा घरेबाला है, कने मसीह दा मुंड परमेश्वर है।

1 कुरिन्थियों 11:3 ပူးပေါင်းရင်းမြစ်များ

मत्ती 28:18

यीशुऐ उना बाल आई करी बोलया, स्वर्ग कने धरतिया दा सारा हक मिंजो दितया है।

यूहन्ना 14:28

तुसां सुणाया, की मैं तुहांजो ने बोलया, “मैं जाणा है। कने तुहाड़े बाल फिरी बापस आई जाणा है अगर तुसां मेरे ने प्यार करदे न, तां इसा गल्लां ने खुश होंदे न, की मैं पिता परमेश्वर बाल जाणा है क्योंकि पिता परमेश्वर मिंजो ला बड़ा महान है।”

1 कुरिन्थियों 3:23

कने तुसां मसीह दे अधिकारे दे अधीन न, कने मसीह परमेश्वरे दे अधिकारे अधीन न।

इफिसियों 4:15

पर प्यारे ने सच्च बोली करी कने सांझो हर तरहा ने काबिल होणा चाईदा ताकि असां मसीह सांई होई जान, जड़ा अपणा शरीर दा, मतलब की कलीसिया दा सर है।

कुलुस्सियों 1:18

मसीह कलीसिया दी अगुवाई करदा है, जियां सर माणुऐ दे शरीरे जो काबू च रखदा है; सैई आदि है कने मरी के जी उठणे बालयां लोकां च पेहला है, कने सारियां गल्लां च सैई प्रधान बणे।

कुलुस्सियों 2:10

यीशु मसीह ही सारी शक्तियां कने अधिकारां दा प्रधान है, इस तांई अगर तुसां मसीह सोगी जुड़यो न तां तुसां उदे च सिद्ध बणा।

कुलुस्सियों 3:18

हे पत्नियों, अपणे-अपणे घरे बालयां दे अधीन रिया क्योंकि मसीह दे पिच्छे चलणे बालयां तांई ऐ ही ठीक है।

1 पतरस 3:1

हे घरे बालियों, तुसां भी अपणे घरे बालयां दे अधीन रिया। ताकि अगर उना चे कोई भी परमेश्वरे दे बचना पर भरोसा करणे ला मना करदा है, तां तुहांजो ऐ दसणे दी जरूरत नी होणी की उना जो भरोसा करणा चाईदा। जालू उना दिखणा की कियां तुसां पबित्र जिन्दगी जिया दे कने परमेश्वरे दी इज्जत करदे न, तां उना मसीह पर भरोसा करी लेंणा।