تیتۆس 3:7 - ئنجیلا پیرۆز

⁷ دا ب كەرەما وی، راستدار بهێینە هژمارتن و ببینە میراتگر ل هیڤیا ژیانا هەروهەر.

تیتۆس 3:7 ပူးပေါင်းရင်းမြစ်များ

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا مەرقۆسی 10:17

پشتی ب رێ كەفتی، زەڵامەك ب لەز گەهشتێ و كەفتە سەر چۆكان و پرسیار ژێ كر: «مامۆستایێ چاك، ئەز چ بكەم دا ببمە میراتگرێ ژیانا هەروهەر؟»

رۆما 11:6

ئەڤجا ئەگەر ب كەرەمێ بیت، ئێدی ب كریاران نینە. ئەگەر ب كریاران با، ئێدی كەرەم نەدبوو كەرەم.

رۆما 3:24

لێ ئەوێن باوەریێ دئینن، ب كەرەما خودێ بێ بەرامبەر بێگونە‍‌ھ دهێنە هژمارتن، ب رێیا رزگاركرنا ب مەسیح عیسای هاتی.

رۆما 3:28

چنكو ئەم یێن گەهشتینە وێ پشتڕاستیێ كو مرۆڤ ب باوەریێ راستدار دەردكەڤیت، جودا ژ كریارێن دەستووری.

رۆما 4:16

ژ بەر ڤێ چەندێ سۆز گرێدای باوەریێیە، دا ل دویڤ كەرەمێ بیت و ژ بۆ هەمی دویندەها ئیبراهیمی یا مسۆگەر بیت. نە ب تنێ ژ بۆ وان یێن ل دویڤ دەستووری دچن، لێ ژ بۆ وان ژی یێن باوەریا وان وەكو باوەریا ئیبراهیمی، ئەوێ كو بابێ مە هەمیانە.

رۆما 4:4

ئەوێ كار دكەت، كرێیا وی نە وەكو دیاری، لێ وەكو ماف دهێتە هژمارتن.

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

1 كورنتۆس 6:11

هندەك ژ هەوە ژی د وەسا بوون. لێ هوین ب ناڤێ خودان عیسایێ مەسیح و ب گیانێ خودایێ مە هاتنە شویشتن، هوین هاتنە پیرۆزكرن، هوین هاتنە بێگونەهكرن.

گالاتیا 2:16

دزانین كو مرۆڤ ب كارێن دەستووری بێگونە‍‌ھ دەرناكەڤیت، لێ ب تنێ ب رێكا باوەریێ ب عیسایێ مەسیح، لەوما مە ژی باوەری ب عیسایێ مەسیح ئینا، داكو ب رێكا باوەریێ ب مەسیحی، نە ب كارێن دەستووری، بێگونە‍‌ھ دەركەڤین. چنكو كەس ب كارێن دەستووری بێگونە‍‌ھ دەرناكەڤیت.

گالاتیا 3:29

ئەڤجا ئەگەر هوین یێن مەسیحی بن، هۆسا هوین دویندەها ئیبراهیمینە و ل گۆر سۆزێ میراتگرن.

گالاتیا 4:7

ئەڤجا ئێدی تۆ نە بەنی، لێ تۆ كوڕی و مادەم تۆ كوڕی، خودێ تۆ كریە میراتگر ژی.

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

تیتۆس 2:11

چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 1:14

ما هەمی فریشتە گیانێن خزمەتكار نینن، ژ پێخەمەت خزمەتكرنا وان دهێنە هنارتن، یێن كو دێ قورتالبوونێ وەكو میرات وەرگرن؟

عیبرانی 11:7

ب باوەریێ نوحی ژ ترسا خودێ گەمیەك ژ بۆ قورتالكرنا مالا خۆ چێكر، دەمێ دەربارەی رویدانێن هێشتا نەهاتینە دیتن هاتیە ئاگەهداركرن. ب وێ باوەریێ جیهان گونەهبار كر و بوو میراتگرێ راستداریا كو ب باوەریێ دهێت.

عیبرانی 11:9

ب باوەریێ ئەو مشەختبوو ئەردێ سۆزپێدای، ئەو هەروەكو ل ئەردەكێ بیانی بیت د بن خیڤەتان ڤە ئاكنجی بوو، ل گەل ئیسحاقی و یەعقوبی، هەڤمیراتێن وی د هەمان سۆزێ دا.

عیبرانی 6:17

هەروەسا، دەمێ خودێ ڤیای نەگوهۆڕیا حەزا خۆ بۆ میراتگرێن سۆزێ زێدەتر دیار بكەت، وی سۆزا خۆ ب سویندێ مسۆگەر كر.

یەعقوب 2:5

خویشك و برایێن من یێن خۆشتڤی، گوهێ خۆ بدەنێ: ما خودێ هەژارێن ڤێ جیهانێ هەلنەبژارتینە كو ب باوەریێ د دەولەمەند بن و میراتگرێن وێ پاشایەتیێ بن، ئەوا وی سۆزا وێ دایە وان یێن حەز ژ وی دكەن؟

1 پەترۆس 3:7

ب هەمان شێوەی گەلی مێران، ل گەل ژنێن خۆ ب تێگەهشتن بژین، چنكو ئەو رەگەزێ نازكترن و رێزێ لێ بگرن وەكو هەڤمیراتێن كەرەما ژیانێ، دا ئاستەنگ بۆ نڤێژێن هەوە چێنەبن.