تیتۆس 3:2 - ئنجیلا پیرۆز

² ب خرابی بەحسێ كەسێ نەكەن، د شەڕفرۆش نەبن، لێ د دلنەرم بن، ب رێزگرتن سەرەدەریێ ل گەل هەمی خەلكی بكەن،

تیتۆس 3:2 ပူးပေါင်းရင်းမြစ်များ

مزگینیا مەتتای 11:29

نیركێ من داننە سەر ستۆیێ خۆ و ژ من فێر ببن، چنكو ئەز یێ دلنەرم و دەروونبچویكم و دێ بۆ دەروونێن خۆ بێهنڤەدانێ بینن.

كارێن هنارتیان 23:5

پاولۆسی بەرسڤ دا: «گەلی برایان، من نە دزانی ئەڤە سەرۆككاهنە، چنكو یا هاتیە نڤیسین: ‹ب خرابی بەحسێ رێبەرێ مللەتێ خۆ نەكە.›»

1 كورنتۆس 6:10

دز، چاڤبرسی، سەرخۆش، ئەزمانڕەش یان ژی تالانكەر، نابنە میراتگرێن پاشایەتیا خودێ.

1 كورنتۆس 9:19

ئەز ژ لایێ هەمی كەسان ڤە یێ ئازادم، لێ من خۆ كرە بەنیێ هەمی كەسان، دا ئەز هێشتا پتر مرۆڤان قازانج بكەم.

2 كورنتۆس 10:1

ئەز، پاولۆس، ئەوێ دهێتە گۆتن كو یێ دەروونبچویكم د روی ب روی بوونا هەوە دا و یێ وێرەكم دەمێ ژ هەوە دویر، ئەز ب نەرمی و نازكیا مەسیحی داخوازێ ژ هەوە دكەم.

2 كورنتۆس 12:20

ئەز دترسم دەمێ بهێم، ئەز هەوە وەسا نەبینم هەروەكو من دڤێت و هوین من وەسا نەبینن هەروەكو هەوە دڤێت. دترسم هەڤڕكی، چاڤپێنەڕابوون، تۆڕەیی، جوداخوازی، بوهتان، نەكامی، خۆمەزنكرن و تێكڤەدان د ناڤ هەوە دا هەبن.

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

گالاتیا 6:1

گەلی خویشك و برایان، ئەگەر ئێك ل سەر گونەهەكێ بهێتە گرتن، هوین یێن كو ل بن رێبەریا گیانێ پیرۆز دچن، ب دەروونبچویكیێ وی كەسی راستڤە بكەن، لێ تۆ ژی هشیاری خۆ بە، داكو نەهێیە تاقی كرن.

گالاتیا 6:10

ئەڤجا هندی مە دەلیڤە هەبیت، بلا ئەم چاكیێ ل گەل هەمیان بكەین، ب تایبەتی ل گەل خویشك و برایێن مە د باوەرداریێ دا.

ئەفەسۆس 4:2

ب هەمی دەروونبچویكی و نەرمی و بێهنفرەهی ئێكودوو د حەزژێكرنێ دا رابگرن.

ئەفەسۆس 4:31

هەمی تەحلاتی، كەرب، تۆڕەبوون، قێڕ قێڕ، بوهتان و هەمی كینێ ژ ناڤ خۆ راكەن.

فیلیپی 4:5

بلا سەرنەرمیا هەوە ل نك هەمی مرۆڤان یا بەرنیاس بیت. خودان یێ نێزیكە.

1 سالونیكی 2:7

هەر چەندە مە ماف هەبوو وەكو هنارتیێن مەسیحی بارگرانی بین ل سەر هەوە، لێ ئەم ل گەل هەوە د دلنازك بووین، وەكو دایكەك چاڤدانا ساڤایێن خۆ دكەت.

1 تیمۆتاوس 3:11

هەروەسا ژن ژی پێدڤیە بڕێز بن، بوهتانكار نەبن، ل سەر خۆ د زاڵ بن و د هەمی تشتان دا د دلسۆز بن.

1 تیمۆتاوس 3:3

مەی ڤەخۆر نەبیت و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.

یەعقوب 3:17

لێ ئەو ئاقلمەندیا ژ سڵال، ئەو بەری هەر تشتی یا پاكە، پاشی یا ئاشتیخوازە، دلنەرمە، سەرنەرمە، پڕی دلۆڤانی و بەرهەمێ چاكە، لایەنگر نینە و بێ دووڕویاتیە.

یەعقوب 4:11

ب خرابی بەحسێ ئێكودوو نەكەن، خویشك و برایێن من. یێ ب خرابی بەحسێ برایێ خۆ بكەت و برایێ خۆ داد بكەت، ئەو ب خرابی بەحسێ دەستووری دكەت و دەستووری داد دكەت. ئەڤجا ئەگەر تۆ دەستووری داد بكەی، ئەو تۆ كارپێكەرێ دەستووری نینی، لێ تۆ دادوەری ل سەر دەستووری.

1 پەترۆس 2:1

ئەڤجا هەر كینێ، هەر فێلبازیێ، دووڕویاتیێ، زكڕەشیێ و هەر جۆرەكێ بوهتانێ ژ دلێ خۆ بهاڤێژن.

1 پەترۆس 3:10

چنكو: «ئەوێ بڤێت خۆشیێ ژ ژیانا خۆ وەرگریت و رۆژێن خۆش ببینیت، بلا ئەزمانێ خۆ ژ خرابیێ بپارێزیت و دەڤێ خۆ ژ گۆتنا فێلبازیێ.

1 پەترۆس 3:8

ب كورتی، هوین هەمی هەڤهزر بن، هەڤسۆز بن، وەكو برا حەز ژ ئێكودوو بكەن، دلۆڤان و دەروونبچویك بن.

1 پەترۆس 4:4

ئەو مەندەهۆش دمینن، كو ئێدی هوین ل گەل وان ل دویڤ هەمان بەرەڵایی و سەربەردانێ نابەزن، ئەڤجا ئەو هەوە رسوا دكەن.

2 پەترۆس 2:10

نەخاسمە ئەوێن ب دویڤ حەزێن هەڕمی یێن لەشی دكەڤن و سڤكاتیێ ب سەروەریێ دكەن. ئەو د رویقاییمن و خۆ دسەپینن، ناترسن كو ب خرابی بەحسێ خودانێن مەزناهیێ بكەن.

یەهودا 1:10

لێ ئەڤ كەسە، دەربارەی تشتێن ئەو تێنەگەهن كوفریان دكەن، ئەو تشتێن ئەو تێدگەهن ژی وان ژ ناڤ دبەن، چنكو ئەو وەكو گیانەوەرێن بێئاقل ب تنێ ل دویڤ سرۆشتێ خۆ دچن.

یەهودا 1:8

هەروەسا ئەڤە ژی، ئەوێن ب دویڤ خەونێن خۆ دكەڤن، لەشی دهەڕمینن و سڤكاتیێ ب سەروەریێ دكەن و ب خرابی بەحسێ خودانێن مەزناهیێ دكەن.