تیتۆس 2:7 - ئنجیلا پیرۆز

⁷ ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

تیتۆس 2:7 ပူးပေါင်းရင်းမြစ်များ

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

2 كورنتۆس 8:8

ئەز ڤێ چەندێ وەكو فەرمان نابێژم، لێ ئەز راستیا حەزژێكرنا هەوە ب هەڤبەركرنێ ل گەل دلگەرمیا كەسێن دی تاقی دكەم.

ئەفەسۆس 6:24

كەرەم بۆ وان هەمیان بیت، ئەوێن ب حەزژێكرنەكا نەمر حەز ژ خودانێ مە عیسایێ مەسیح دكەن.

فیلیپی 1:10

داكو هوین یا باشترین بهەلبژێرن، ئەڤجا د رۆژا مەسیحی دا د دلپاك و بێكێماسی بن

2 سالونیكی 3:9

نە چنكو مە ماف نەبوو، لێ دا ئەم خۆ بۆ هەوە بكەینە نموونە، دا هوین چاڤ ل مە بكەن.

1 تیمۆتاوس 4:12

بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

1 تیمۆتاوس 5:10

و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

1 پەترۆس 5:3

خۆ ل سەر وان یێن ل ژێر چاڤدێریا هەوە نەسەپینن، لێ بۆ پەزی ببنە نموونە.