تیتۆس 2:12 - ئنجیلا پیرۆز

¹² ئەو كەرەم مە پەروەردە دكەت كو خودێنەنیاسیێ و حەزێن ڤێ جیهانێ رەت بكەین و ب ئاقلداری و راستداری و خودێترسیێ د ڤی سەردەمی دا بژین

تیتۆس 2:12 ပူးပေါင်းရင်းမြစ်များ

مزگینیا مەتتای 12:32

هەر كەسێ گۆتنەكا خراب د دەرهەقا كوڕێ مرۆڤ دا بێژیت، دێ ل وی هێتە بورین، لێ هەر كەسێ كوفریەكێ د دەرهەقا گیانێ پیرۆز دا ببێژیت، ل وی ناهێتە بورین، نە د ڤی جیهانێ دا و نە ژی د جیهانا دی دا.

مزگینیا مەتتای 16:24

هنگی عیسای گۆتە شاگردێن خۆ: «ئەگەر ئێكی بڤێت ل دویڤ من بهێت، بلا خۆ ماندەل بكەت و خاچا خۆ هەلگریت و ب دویڤ من بكەڤیت.

مزگینیا مەتتای 28:20

و وان فێر بكەن كو پێگیریێ ب هەمی فەرمانێن من داینە هەوە بكەن. ئەڤە ئەز هەمی رۆژان هەتا دویماهیا سەردەمی، ل گەل هەوەمە.»

مزگینیا لوقای 1:6

هەردوو بەرامبەری خودێ د راست بوون و بێ گازندە فەرمان و شیرەتێن خودانی ب ج‍‌ھ دئینان.

مزگینیا لوقای 1:75

بێ ترس، هەمی رۆژێن ژیانا خۆ ب پیرۆزی و راستداری ل بەرامبەر وی، پەرستنا وی بكەین. تۆ ژی زاڕۆكۆ، دێ بێژنە تە پێغەمبەرێ خودایێ هەری بلند، چنكو تۆ دێ كەڤیە پێشیا خودانی، داكو رێیێن وی بۆ ئامادە بكەی،

مزگینیا یوحەننای 14:30

ئێدی ئەز ل گەل هەوە گەلەك نائاخڤم، چنكو سەرۆكێ ڤێ جیهانێ یێ دهێت. ئەوی چ ل سەر من نینە.

مزگینیا یوحەننای 6:25

دەمێ ئەو ل رەخێ دی یێ دەریاكێ دیتی، گۆتنێ: «رابی، تۆ كەنگی گەهشتیە ڤێرێ؟»

كارێن هنارتیان 24:16

ژ بەر ڤێ چەندێ ژی ئەز بزاڤێ دكەم، دا هەردەم من وژدانەكا پاقژ بەرامبەری خودێ و مرۆڤان هەبیت.

كارێن هنارتیان 24:25

دەمێ پاولۆس ل سەر راستداری و لخۆزاڵبوونێ و رۆژا دادكرنا كو دێ هێت دئاخفت، فیلیكس ترسیا و گۆت: «نوكە تۆ هەڕە و دەمێ من دەلیڤە هەبوو، دێ گازی تە كەمەڤە.»

رۆما 12:2

هوین وەكو خەلكێ ڤێ جیهانێ نەبن، لێ ب نویكرنا زێهنێ خۆ وەرنە گوهۆڕین، دا هوین بزانن كا حەزا خودێ یا باش و جهێ رازیبوونێ و بێكێماسی چیە.

رۆما 6:12

ئەڤجا نەهێلن گونە‍‌ھ د لەشێ هەوە یێ مربار دا دەستهەلاتێ بكەت، دا هوین ملكەچی حەزێن وی نەبن.

رۆما 6:19

من نموونەیا بەنیاتیێ وەكو هێما ب كار ئینا، دا هاری هەوە بكەم هوین د ڤان تشتان بگەهن، چنكو شیانێن هەوە وەكو مرۆڤ د سنووردارن. كا چەوا هەوە ئەندامێن لەشێ خۆ وەك بەنی پێشكێشی پویچاتیێ و خرابیێ دكرن كو ئەنجامێ وێ خرابی بوو، هۆسا ژی نوكە ئەندامێن لەشێ خۆ وەك بەنی پێشكێشی راستداریێ بكەن كو ئەنجامێ وێ پیرۆزیە.

رۆما 8:13

چنكو ئەگەر هوین ل دویڤ لەشی بژین، دێ مرن، لێ ئەگەر هوین ب گیانێ پیرۆز كریارێن لەشی بمرینن، هوین دێ ژین.

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

گالاتیا 5:24

ئەو كەس ژی كو یێن مەسیح عیساینە، ئەوان لەش ل گەل حەز و ڤیانێن د لەشی دا یێن ل خاچێ داین.

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

كۆلۆسی 1:22

لێ نوكە خودێ ب لەشێ مەسیحی یێ مرۆڤكانی، ب رێكا مرنا وی هوین ل گەل خۆ ئاشت كرن، دا هەوە پیرۆز و بێكێماسی و بێگازندە ل نك خۆ ئامادە بكەت،

1 سالونیكی 4:7

چنكو خودێ ئەم بۆ پویچاتیێ گازی نەكرینە، لێ بۆ پیرۆزیێ.

1 سالونیكی 4:9

دەربارەی حەزژێكرنا برایانە ژی، هوین نە د پێدڤینە ئەم بۆ هەوە بنڤیسین، چنكو هوین ب خۆ ژ لایێ خودێ ڤە هاتینە فێركرن، كو حەز ژ ئێكودوو بكەن.

1 تیمۆتاوس 4:12

بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

1 تیمۆتاوس 6:17

دەولەمەندێن ڤێ جیهانێ راسپێرە، كو د دفنبلند نەبن و هیڤیا خۆ ب دەولەمەندیا نە مسۆگەر ڤە گرێ نەدەن، لێ هیڤیا خۆ ب خودێ ڤە گرێ بدەن، یێ هەمی تشتان ب زێدەیی ددەتە مە، دا خۆشیێ ژێ وەرگرین.

1 تیمۆتاوس 6:9

لێ ئەوێن دڤێن دەولەمەند ببن، ئەو دكەڤنە تاقیكرنێ و خەفكێ و گەلەك ئارەزوویێن بێئاقلانە و زیانبەخش، یێن مرۆڤی د وێرانكرنێ و ژناڤچوونێ دا نقووم دكەن،

2 تیمۆتاوس 3:12

بەلێ، هەمی ئەوێن دڤێن د ئێكبوونا ل گەل مەسیح عیسای دا ب خودێترسی بژین، دێ هێنە تەپەسەركرن.

2 تیمۆتاوس 4:10

چنكو دیماسی ژ بەر حەزژێكرنا خۆ بۆ ڤێ جیهانێ ئەز هێلام و چوو سالونیكیێ. كرەسكیس ژی چوو گالاتیایێ و تیتۆس چوو دالمەتیایێ.

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

عیبرانی 8:11

ئێدی كەس هەڤوەڵاتیێ خۆ فێر ناكەت و كەس برایێ خۆ فێر ناكەت و بێژیتێ: ‹خودانی بنیاسە.› چنكو هەمی دێ من نیاسن، ژ بچویكێ وان تاكو مەزنێ وان.

یەعقوب 1:27

ئایینداریا پاقژ و بژوین ل نك خودایێ باب ئەوە كو مرۆڤ چاڤێ خۆ بدەتە ئێتیم و بیژنان د تەنگاڤیێن وان دا و خۆ ژ هەڕماتیا جیهانێ بپارێزیت.

2 پەترۆس 2:9

ئەڤجا خودان دزانیت كا چەوا خودێترسان ژ تاقیكرنێ قورتال بكەت و خرابكاران بگریت و بهێلیتە ل بن دەستێ خۆ تاكو دەمێ سزادانا وان دهێت ل رۆژا دادكرنێ،

2 پەترۆس 3:11

ئەڤجا، مادەم ئەڤ تشتە هەمی دێ ب ڤی شێوەی حەلیێن، ئێدی پێدڤیە هوین چ جۆرە مرۆڤ بن؟ ل ڤی دەمێ كو هوین ل چاڤەڕێیا رۆژا خودێنە و لەزێ ل هاتنا وێ دكەن، پێدڤیە هوین ب پیرۆزی و خودێترسی بژین. د وێ رۆژێ دا ئەسمان دێ ب ئاگری ژ ناڤ چن و توخم دێ ب سۆتنێ حەلیێن.

1 یوحەننا 2:27

لێ هندی هوینن، ئەو زەیتكرنا هەوە ژ وی وەرگرتی د دلێ هەوە دا یا بنەجهە و هوین د پێدڤی نینن كو كەسەك هەوە فێر بكەت. ئەڤجا د ناڤ مەسیحی دا بنەج‍‌ھ ببن، مادەم زەیتكرنا وی هەوە فێر دكەتە هەمی تشتان و ئەو راستە و نە درەوە، وەكو وێ زەیتكرنێ هوین فێر كرین ژی.

1 یوحەننا 2:6

ئەوێ دبێژیت: «ئەز د ناڤ وی دا یێ بنەجهم،» پێدڤیە وەسا بژیت، هەروەكو عیسا ژیای.

1 یوحەننا 5:19

ئەم دزانین كو ئەم ژ خودێینە و هەمی جیهان ل بن دەستهەلاتا خرابكاریە.

یەهودا 1:18

ئەوان دگۆتە هەوە: «د دەمێ دویماهیێ دا، دێ هندەك تڕانەكەر پەیدا بن، ل دویڤ ئارەزوویێن خۆ یێن بەدكاریێ بڕێڤە دچن.»

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.