تیتۆس 2:11 - ئنجیلا پیرۆز

¹¹ چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.

تیتۆس 2:11 ပူးပေါင်းရင်းမြစ်များ

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا مەرقۆسی 16:15

وی گۆتە وان: «هەڕنە هەمی جیهانێ و مزگینیێ بدەنە هەمی ئافراندیان.

مزگینیا لوقای 24:47

و ب ناڤێ وی مزگینیا لخۆزڤڕینێ بۆ لێبورینا گونەهان بهێتە دان، هەر ژ ئورشەلیمێ بگرە تا هەمی مللەتان.

مزگینیا لوقای 3:6

و هەر كەسەك دێ قورتالبوونا خودێ بینیت.›»

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 1:9

رۆناهیا راستەقینە، ئەوا هەمی مرۆڤان روهن دكەت، دهاتە جیهانێ.

كارێن هنارتیان 11:23

دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.

كارێن هنارتیان 13:43

پشتی كۆمبوون ب دویماهی هاتی، گەلەك ژ جوهی و ئەوێن هاتبوونە سەر باوەریا جوهیان ل دویڤ پاولۆسی و بارناباسی چوون. ئەو ژی بۆ وان ئاخفتن و هاندان كو د كەرەما خودێ دا بمینن.

كارێن هنارتیان 13:47

چنكو خودانی هۆسا فەرمان یا ل مە كری: ‹من تۆ كریە رۆناهی بۆ مللەتێن دی، دا تۆ قورتالبوونێ بگەهینییە هەر چوار كوژیێن جیهانێ.›»

كارێن هنارتیان 17:30

خودێ بەرێ خۆ ل سەردەمێن نەزانینێ گرت، لێ نوكە ئەو فەرمانێ ل هەمی مرۆڤان ل هەر جهەكی دكەت، ل خۆ بزڤڕن.

كارێن هنارتیان 20:24

لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.

رۆما 10:18

لێ ئەز دبێژم: ما وان نەبهیست؟ بەلێ، وان بهیست، چنكو: «دەنگێ وان ل هەمی ئەردی چوو و ئاخفتنێن وان گەهشتنە هەر چوار كوژیێن جیهانێ.»

رۆما 5:15

لێ جوداهیەكا مەزن د ناڤبەرا دانا خودێ و گونەها ئادەمی دا هەیە، چنكو ئەگەر گەلەك ژ بەر گونەها ئێكی مربن، كەرەما خودێ و دیاریا ب كەرەما مرۆڤەكی، ئانكو عیسایێ مەسیح، ژ بۆ گەلەكان هێشتا پتر زێدە بوو.

رۆما 5:2

ب رێكا وی دەستویری بۆ مە هاتە دان، ب باوەریێ ئەم بچینە د ڤێ كەرەمێ ڤە، یا ئەم تێدا ئاكنجی، و شانازیێ ب وێ هیڤیێ دبەین، كو دێ مە پشكداری د مەزناهیا خودێ دا هەبیت.

2 كورنتۆس 6:1

ئەم وەك یێن كو ل گەل خودێ كار دكەین، هیڤی ژ هەوە دكەین كو وەرگرتنا كەرەما وی ژ لایێ هەوە ڤە یا ژ قەستا نەبیت.

گالاتیا 2:21

ئەز پشتا خۆ نادەمە كەرەما خودێ، چنكو ئەگەر راستداری ب رێكا دەستووری با، دا مرنا مەسیحی یا ژ قەستا بیت.

ئەفەسۆس 2:5

دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.

ئەفەسۆس 2:8

چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

1 تیمۆتاوس 1:14

كەرەما خودانێ مە ژی بۆ من گەلەك ب سەر دا چوو، ل گەل باوەری و حەزژێكرنا د ئێكبوونا ل گەل مەسیح عیسای دا.

1 تیمۆتاوس 2:4

ئەوی دڤێت هەمی مرۆڤ قورتال ببن و بگەهنە زانینا راستیێ.

2 تیمۆتاوس 1:10

و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

2 تیمۆتاوس 4:17

لێ خودان ل گەل من راوەستیا و ئەز بهێز ئێخستم، دا ب رێكا من مزگینی ب تەمامی بهێتە راگەهاندن و هەمی مللەت ببهیسن، وەسا ئەز ژ دەڤێ شێری هاتمە رزگاركرن.

عیبرانی 12:15

هەوە های ژێ هەبیت نەكو كەسەك ب كەرەما خودێ را نەگەهیت و رەهەكا تەحل د ناخێ هەوە دا وەرارێ نەكەت، كو ببیتە ئەگەرێ ئارێشەیێ و ب رێكا وێ رەهێ گەلەك كەس بهەڕمن،

عیبرانی 2:9

لێ ئەم عیسای دبینین كو بۆ دەمەكێ كورت ژ فریشتەیان نزمتر هاتبوو دانان، نوكە تانجا مەزناهی و سەربلندیێ یا د سەرێ وی، ژ بەر كو وی ئازارا مرنێ كێشا، دا ژ كەرەما خودێ ژ پێخەمەت هەر مرۆڤەكی تام كەتە مرنێ.