تیتۆس 2:10 - ئنجیلا پیرۆز

¹⁰ دەستدرێژیێ نەكەنە سەر مالێ وان، لێ دەستپاكیەكا تەمام بۆ وان دیار بكەن، دا فێركرنا قورتالكەرێ مە خودێ ژ هەمی لایان ڤە بخەملینن.

تیتۆس 2:10 ပူးပေါင်းရင်းမြစ်များ

مزگینیا مەتتای 24:45

ئەڤجا ئەو بەنیێ دلسۆز و ئاقلمەند كیە، ئەوێ خودان وی بكەتە بەرپرسێ خزمەتكارێن خۆ، دا خوارنێ د دەمێ وێ دا بدەتێ؟

مزگینیا مەتتای 5:16

بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

مزگینیا لوقای 1:47

و گیانێ من ب خودێ، قورتالكەرێ من، گەلەك كەیفخۆش دبیت،

مزگینیا لوقای 1:80

ئەو زاڕۆك مەزن دبوو و ب گیانی ب هێز دكەفت و تا رۆژا بۆ ئیسرائیلێ دیار بووی، ل چۆلی دژیا.

مزگینیا لوقای 16:10

یێ ل سەر پیچەكێ دەستپاك بیت، دێ ل سەر گەلەكێ ژی یێ دەستپاك بیت و یێ ل سەر پیچەكێ دەستپاك نەبیت، ل سەر گەلەكێ ژی یێ دەستپاك نابیت.

مزگینیا یوحەننای 12:6

وی ئەڤ چەندە گۆت، نە چنكو دلێ وی ب هەژاران ڤە بوو، لێ چنكو ئەو دز بوو، ئەو بەرپرسێ سندوقكا پارەیان بوو و وی ژ پارەیێ دهاتە تێدا، ددزی.

1 كورنتۆس 4:2

یا ژ بریكاران دهێتە خواستن ژی ئەوە كو مرۆڤێن دلسۆز بن.

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

فیلیپی 1:27

لێ یا گرنگ ئەوە كو هوین ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن

فیلیپی 4:8

ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ بیت، هزرێ تێدا بكەن.

1 تیمۆتاوس 1:1

ژ من، پاولۆس، هنارتیێ مەسیح عیسای، ل دویڤ فەرمانا قورتالكەرێ مە خودێ و هیڤیا مە مەسیح عیسای.

1 تیمۆتاوس 5:17

ئەو ریهسپیێن ب باشی رێڤەبەریێ دكەن، بلا بهێنە دیتن كو ژ هەژی رێزگرتنەكا دووجاركینە، ب تایبەت ئەوێن د پەیڤێ و فێركرنێ دا وەستیانێ دكێشن.

1 تیمۆتاوس 6:1

هەمی یێن كو د بن نیركێ بەنیاتیێ دا، بلا خودانێن خۆ هەژی هەمی رێزگرتنێ ببینن، دا ب خرابی بەحسێ ناڤێ خودێ و فێركرنا مە نەهێتە كرن.

1 تیمۆتاوس 6:3

ئەگەر ئێك فێركرنەكا دی فێری خەلكی دكەت و ل گەل پەیڤێن ساخلەم یێن خودانێ مە عیسایێ مەسیح و فێركرنا ل دویڤ خودێترسیێ رێك ناكەڤیت،

تیتۆس 1:3

و نوكە د دەمێ نەخشەكری دا ئەوی ئەو پەیام ئاشكرا كر، ب رێكا وێ راگەهاندنێ، یا ئەركێ وێ ل دویڤ فەرمانا قورتالكەرێ مە خودێ، بۆ من هاتیە سپاردن.

تیتۆس 3:4

لێ دەمێ دلنازكی و چاكیا قورتالكەرێ مە خودێ دیار بووین،

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 3:16

لێ وێ چەندێ ب نەرمی و رێزگرتن بكەن. وژدانا خۆ پاقژ بپارێزن، داكو ئەوێن ب خرابی بەحسێ رەوشتێ هەوە یێ باش د ئێكبوونا ل گەل مەسیحی دا دكەن، د بوهتانێن خۆ دا شەرمزار ببن.

2 یوحەننا 1:9

هەر كەسێ پێنگاڤێن زێدە بهاڤێژیت و د فێركرنا مەسیحی دا بنەج‍‌ھ نەبیت، وی بەهر د خودێ دا نینە. ئەوێ د وێ فێركرنێ دا بنەج‍‌ھ ببیت، وی بەهر یا د بابی دا و د كوڕی ژی دا هەی.