1 لێ تۆ، وان تشتان بێژە یێن گونجای ل گەل فێركرنا ساخلەم.
بۆ دەهمەنپیسان، نێربازان، مرۆڤ دزان، درەوینان، یێن ژ درەو سویند دخۆن و بۆ هەر تشتەكێ دژی فێركرنا ساخلەم بیت، هاتیە دانان.
ئەگەر ئێك فێركرنەكا دی فێری خەلكی دكەت و ل گەل پەیڤێن ساخلەم یێن خودانێ مە عیسایێ مەسیح و فێركرنا ل دویڤ خودێترسیێ رێك ناكەڤیت،
وان پەیڤێن ساخلەم یێن تە ژ من بهیستین بۆ خۆ بكە نموونە، وێ چەندێ ب رێكا باوەریێ و وێ حەزژێكرنێ یا مە د ئێكبوونا ل گەل مەسیح عیسای دا هەی، بكە.
دڤێت خۆ ب پەیاما جهێ باوەریێ ڤە بگریت، هەروەكو ئەو هاتیە فێركرن، دا بشێت هاندانێ ب فێركرنا ساخلەم بكەت و شاشیێن بەرهنگارێن وێ فێركرنێ دیار بكەت.
ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.
ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.
