تیتۆس 1:16 - ئنجیلا پیرۆز

¹⁶ ئەو دبێژن كو ئەو خودێ دنیاسن، لێ ب كریارێن خۆ وی ماندەل دكەن. ئەو جهێ دلڕەشیێنە، نەگوهدارن، ب كێر هیچ كارەكێ باش ناهێن.

تیتۆس 1:16 ပူးပေါင်းရင်းမြစ်များ

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

ئەفەسۆس 5:6

نەهێلن چ كەس هەوە ب ئاخفتنێن ڤاڵا بخاپینیت، چنكو ژ بەر ڤان تشتان تۆڕەبوونا خودێ ب سەر مرۆڤێن نەگوهدار دا دهێت.

1 تیمۆتاوس 1:9

هەروەسا ئەم دزانین دەستوور بۆ یێن راستدار نەهاتیە دانان، لێ بۆ سەرپێچكار و یاخیبوویان، بۆ بەدكار و گونەهكاران، بۆ یێن نەپیرۆز و هەڕمیان، بۆ بابكوژ و دایكوژان، بۆ مێركوژان،

1 تیمۆتاوس 5:8

لێ ئەگەر ئێك چاڤێ خۆ نادەتە مرۆڤێن خۆ، ب تایبەتی خەلكێ مالا خۆ، ئەڤە وی باوەری ماندەل كریە و ئەو ژ بێباوەران خرابترە.

2 تیمۆتاوس 3:17

دا مرۆڤێ خودێ یێ بێكێماسی بیت و بۆ هەر كارەكێ باش یێ ئامادە بیت.

تیتۆس 3:1

بیرا وان بینە كو ملكەچی سەروەر و دەستهەلاتداران بن، گوهداریا وان بكەن و بۆ هەر كارەكێ باش د ئامادە بن.

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

1 یوحەننا 2:4

ئەوێ دبێژیت: «ئەز وی دنیاسم» و فەرمانێن وی ب ج‍‌ھ نەئینیت، ئەو درەوینە و راستی د دلێ وی دا نینە.

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.

ئاشكراكرن 21:27

قەت تشتەكێ هەڕمی ناچیتە ناڤ وی، نە ژی كەسەك ژ ئەوێن تشتێن جهێ دلڕەشیێ و درەوێ دكەن، لێ ب تنێ ئەو دێ چن یێن ناڤێن وان د پەرتووكا ژیانێ یا بەرخی دا هاتینە نڤیسین.

ئاشكراكرن 21:8

لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»