رۆما 5:3 - ئنجیلا پیرۆز

³ نە ب تنێ ب ڤێ، لێ ئەم شانازیێ ب تەنگاڤیێن خۆ ژی دبەین، چنكو ئەم دزانین تەنگاڤی خۆڕاگرتنێ پەیدا دكەت،

رۆما 5:3 ပူးပေါင်းရင်းမြစ်များ

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

1 پەترۆس 3:14

لێ ئەگەر هوین ژ پێخەمەت راستداریێ هاتنە ئازاردان ژی، ئەو خوزیكێن هەوە. ژ وان كەسان نەترسن و تێكنەچن،

2 كورنتۆس 4:17

چنكو تەنگاڤیێن مە یێن سڤك و دەمكی، مەزناهیەكا گران یا هەتا هەتایی بۆ مە ئامادە دكەن، كو ل گەل چ تشتان ناهێتە هەڤبەركرن.

مزگینیا لوقای 21:19

ب خۆڕاگرتنا خۆ هوین دێ ژیانا خۆ ب دەست ڤە ئینن.

ئەفەسۆس 3:13

لەوما ئەز هیڤی ژ هەوە دكەم كو هوین بێ ئومێد نەبن ژ بەر ئازارێن ئەز بۆ هەوە دكێشم، ئەو بۆ هەوە مەزناهینە.

كارێن هنارتیان 5:41

ئەڤجا هنارتی ب دلخۆشی ژ جڤاتێ دەركەفتن، چنكو ئەو ل وێ باوەریێ بوون، كو بۆ وان شانازیە ژ بەر ناڤێ عیسای بهێنە بێڕێزكرن.

فیلیپی 1:29

چنكو وی كەرەم ل گەل هەوە كریە كو هوین نە ب تنێ باوەریێ ب مەسیحی بینن، لێ دا ئازارێ ژی ژ پێخەمەت وی بكێشن.

رۆما 5:11

و نە ب تنێ ئەڤە، لێ ئەم ب رێیا خودانێ خۆ عیسایێ مەسیح شانازیێ ژی ب خودێ دبەین، كو ب رێیا وی ئاشتبوون نوكە ب دەست مە ڤە هات.

رۆما 8:23

نە ب تنێ ئافرندە، لێ ئەم ب خۆ ژی، یێن كو مە گیانێ پیرۆز وەكو خێڤە وەرگرتی، د ناخێ خۆ دا دنالین و د چاڤەڕێی وێ رۆژێینە كو مافێن خۆ یێن كوڕێن خودێ وەرگرین و لەشێ مە رزگار ببیت.

رۆما 9:10

نە ب تنێ ئەڤە، لێ رەبەكا ژی ژ مێرەكی ب دوو گیان كەفت، ژ بابێ مە ئیسحاقی.

2 كورنتۆس 8:19

نە ب تنێ ئەڤ چەندە، لێ ئەو ژ لایێ جڤاكێن باوەرداران ڤە هاتیە هەلبژارتن ژی، دا هەڤالێ مە یێ رێڤنگیێ بیت، ل دەمێ ئەم ڤێ كەرەمێ هەلدگرین و دابەش دكەین ژ بۆ مەزناهیا خودانی و دا دیار ببیت كو نیازا مە هاریكاریە.