ئاشكراكرن 9:20 - ئنجیلا پیرۆز

²⁰ ئەو مرۆڤێن دی یێن ب ڤان دربان نەهاتینە كوشتن، ژ كریارێن دەستێ خۆ ل خۆ نەزڤڕین، دەست ژ پەرستنا ئەجنە و پووتێن زێڕی و زیڤی و برۆنزی و بەری و داری بەرنەدا، ئەو پووتێن نەشێن ببینن، نە ژی ببهیسن و نە ژی بڕێڤە بچن.

ئاشكراكرن 9:20 ပူးပေါင်းရင်းမြစ်များ

مزگینیا مەتتای 21:32

یوحەننا هات و رێیا راستداریێ نیشا هەوە دا، هەوە باوەر ژێ نەكر، لێ باجگر و لەشفرۆشان باوەر ژێ كر. خۆ پشتی هەوە ئەڤ تشتە دیتی ژی، هوین پەشیمان نەبوون كو باوەر ژێ بكەن.»

كارێن هنارتیان 17:29

ئەڤجا، ژ بەر كو ئەم دویندەها خودێینە، پێدڤیە ئەم هزر نەكەین كو خودینی وەكو زێڕی، یان زیڤی، یان بەرییە، كو ب شارەزایی و هونەرێ مرۆڤەكی هاتبیتە نەخشكرن!

كارێن هنارتیان 19:26

هەوە دیت ژی و گو‍‌ھ لێ بوو، كو ڤی پاولۆسی، نە ب تنێ ل ئەفەسۆسێ، لێ ل هەمی هەرێما ئاسیا، ژمارەیەكا مەزن ژ خەلكی قاییل كرینە و ژ رێ دەرئێخستینە. ئەو دبێژیت كو ئەو تشتێن ب دەستی هاتینە چێكرن نە خودێنە.

كارێن هنارتیان 7:41

ل وان رۆژان ئەوان پووتەكێ ل سەر شێوەیێ گۆلكی چێكر و قوربانەك بۆ پێشكێش كر و ئاهەنگەكا بێتۆرەیێ بۆ كارێ دەستێن خۆ گێڕا.

2 كورنتۆس 12:21

ئەز دترسم دەمێ جارەكا دی بهێمە نك هەوە، خودایێ من ل نك هەوە من شەرمزار بكەت و بۆ گەلەكان شینیێ بكەم، ئەوێن پێشتر گونە‍‌ھ كرین و ژ پویچاتی، دەهمەنپیسی و بێدەلنگیا وان كری ل خۆ نەزڤڕین.

1 تیمۆتاوس 4:1

گیان ب ئاشكرایی دبێژیت، كو د دەمێن دویماهیێ دا، هندەك دێ ژ باوەریێ پاشگەز بن، دێ ب دویڤ گیانێن خاپینۆك و فێركرنێن ئەجنەیان كەڤن،

ئاشكراكرن 15:1

پشتی هنگی من نیشانەكا دی یا مەزن و سەیر ل ئەسمانی دیت: حەفت فریشتەیان حەفت درب ڤێ بوون، ئەو درب یێن دویماهیێنە، چنكو ب وان تۆڕەبوونا خودێ تەمام دبیت.

ئاشكراكرن 16:8

پاشی فریشتەیێ چوارێ ترارێ خۆ ب سەر رۆژێ دا رشت و دەستهەلات بۆ وێ هاتە دان كو مرۆڤان ب ئاگری بسوژیت.

ئاشكراكرن 9:19

چنكو شیانا هەسپان د دەڤ و كوریا وان دایە، كوریێن وان وەك مارانە، ب سەرن و زیانێ پێ دكەن.

ئاشكراكرن 9:21

هەروەسا ژ كوشتن و جادووگەری و دەهمەنپیسی و دزیكرنا خۆ ژی ل خۆ نەزڤڕین.