ئاشكراكرن 9:1 - ئنجیلا پیرۆز

¹ فریشتەیێ پێنجێ ل بۆڕیزانێ دا و من ستێرەك دیت ژ ئەسمانی كەفتبوو سەر ئەردی و كلیلا دەرگەهێ چاڵا بێ بن بۆ ستێرێ هاتە دان.

ئاشكراكرن 9:1 ပူးပေါင်းရင်းမြစ်များ

مزگینیا لوقای 10:18

عیسای گۆتە وان: «من ئبلیس دیت وەكو برویسیێ ژ ئەسمانی كەفت.

مزگینیا لوقای 8:31

ئەجنەیان هیڤی ژ عیسای كرن، كو بەرێ وان نەدەتە چاڵا بێ بن.

رۆما 10:7

یان ژی: «كی دێ داكەڤیتە ناڤ چاڵا بێ بن؟» (دا مەسیحی ژ ناڤ مریان سەربئێخیت.)

ئاشكراكرن 1:18

و یێ زیندی. ئەز یێ مری بووم و ئەڤە ئەز بۆ هەتا هەتایێ یێ زیندیمە. كلیلێن مرنێ و یێن وارێ مریان ل دەڤ منن.

ئاشكراكرن 1:20

نهێنیا حەفت ستێرێن تە د دەستێ من یێ راستێ دا دیتین و حەفت چرادانكێن زێڕین ئەڤەیە: حەفت ستێر، فریشتەیێن هەر حەفت جڤاكانە و حەفت چرادانك، هەر حەفت جڤاكن.»

ئاشكراكرن 11:7

دەمێ ئەو شاهدەییا خۆ تەمام بكەن، دڕندەیێ ژ چاڵا بێ بن دەردكەڤیت دێ جەنگێ ل سەر وان كەت و ب سەر وان كەڤیت و وان كوژیت.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 20:1

پشتی هنگی من فریشتەیەك دیت، ژ ئەسمانی دهاتە خوارێ و كلیلا چاڵا بێ بن و زنجیرەكا مەزن د دەستێ وی دا بوون.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 6:13

ستێرێن ئەسمانی كەفتنە ئەردی، كا چەوا دارهژیر، دەمێ بایەكێ بهێز دهێت، بەرهەمێ خۆ یێ نەگەهشتی دوەرینیت.

ئاشكراكرن 8:10

فریشتەیێ سێیێ لێ دا، ئینا ستێرەكا مەزن یا وەكو خەتیرەیا هەل ژ ئەسمانی كەفتە سەر سێئێكا رویباران و سەر كانیێن ئاڤێ.

ئاشكراكرن 8:12

فریشتەیێ چوارێ لێ دا، ئینا ل سێئێكا رۆژێ، سێئێكا هەیڤێ و سێئێكا ستێران هاتە دان، ئەڤجا سێئێكا وان تاری بوو و سێئێكا رۆژێ رۆناهی نەدا، هەروەسا شەڤێ ژی.

ئاشكراكرن 8:2

من هەر حەفت فریشتەیێن راوەستیای ل پێشیا خودێ دیتن و حەفت بۆڕیزان بۆ وان هاتنە دان.

ئاشكراكرن 9:2

دەمێ وێ دەرگەهێ چاڵا بێ بن ڤەكری، دویكێلەكا وەكو دویكێلا ئێتوینەكا مەزن ژێ دەركەفت، ئینا رۆژ و با ژ بەر دویكێلا چاڵێ تاری بوون.