ئاشكراكرن 8:3 - ئنجیلا پیرۆز

³ فریشتەیەكێ دی هات و ل نك قوربانگەهێ راوەستیا، بخویردانكەكا زێڕین ڤێ بوو. گەلەك بخویر بۆ وی هاتە دان، دا ل گەل نڤێژێن هەمی پیرۆزكریان، ل سەر قوربانگەها زێڕین، ئەوا ل پێشیا تەختی، پێشكێش بكەت.

ئاشكراكرن 8:3 ပူးပေါင်းရင်းမြစ်များ

مزگینیا لوقای 1:10

ل دەمێ بخویر سۆتنێ، هەمی كۆمەڵا خەلكی ژ دەرڤە نڤێژ دكر.

رۆما 8:34

كی دشێت وان گونەهبار بكەت؟ مەسیح عیسایە یێ كو مری، لێ ئەوە یێ ژ ناڤ مریان رابووی ژی و هەر ئەوە یێ ل دەستێ راستێ یێ خودێ بۆ مە مەهدەریێ دكەت.

عیبرانی 7:25

ژ بەر هندێ ئەو دشێت وان ب تەمامی قورتال بكەت، یێن كو ب رێكا وی خۆ نێزیكی خودێ دكەن، چنكو ئەو هەردەم یێ زیندیە، دا مەهدەریێ بۆ وان بكەت.

عیبرانی 9:4

قوربانگەها زێڕین یا بخویرێ و سندوقا پەیمانێ، كو ژ هەمی لایان ڤە ب زێڕی یا داپووشی بوو هەبوون، د وێ سندوقێ دا ئامانێ زێڕی، ئەوێ مەننا تێدا هەبوو، ل گەل گۆپالێ هارونی كو بشكۆژ دابوون، هەروەسا تەختەبەرێن پەیمانێ.

ئاشكراكرن 10:1

هنگی من فریشتەیەكێ دی یێ بهێز دیت، ژ ئەسمانی دهاتە خوارێ، عەورەك د وی یێ پێچای بوو و كەسكوسۆرەك ل هنداڤی سەرێ وی بوو و دێمێ وی وەكو رۆژێ بوو و پێیێن وی وەكو ستوینێن ئاگری بوون.

ئاشكراكرن 14:18

پشتی هنگی فریشتەیەكێ دی، ئەوێ دەستهەلات ل سەر ئاگری هەی، ژ قوربانگەهێ دەركەفت و ب دەنگەكێ بلند گازی كرە فریشتەیێ شالۆكا تیژ ڤێ و گۆتێ: «شالۆكا خۆ هەلگرە و ئیشیێن مێوێن ئەردی كۆم بكە، چنكو تریێ وێ یێ گەهشتی.»

ئاشكراكرن 5:8

دەمێ پەرتووك وەرگرتی، هەر چوار ئافراندیێن زیندی و هەر بیست و چوار ریهسپیان ل بەرامبەر بەرخی دەڤ و دەڤ خۆ هاڤێتە ئەردی. هەر ئێك ژ وان قیسارەیەك و ترارێن زێڕی یێن تژی بخویر ڤێ بوون. ئەو بخویر نڤێژێن پیرۆزكریانە.

ئاشكراكرن 6:9

دەمێ بەرخی موهرا پێنجێ ڤەكری، من د بن قوربانگەهێ ڤە گیانێن وان دیتن یێن ژ پێخەمەت پەیڤا خودێ و ژ پێخەمەت شاهدەییا وان دای، هاتبوونە ڤەكوشتن.

ئاشكراكرن 7:2

من فریشتەیەكێ دی ژی دیت، ژ رۆژهەلاتێ دەردكەفت، موهرا خودایێ زیندی ڤێ بوو. ب دەنگەكێ بلند گازی وان هەر چوار فریشتەیان كر، ئەوێن دەستهەلاتی بۆ هاتیە دان كو زیانێ ل ئەردی و دەریایێ بكەن.

ئاشكراكرن 8:4

ئەڤجا دویكێلا بخویرێ ل گەل نڤێژێن پیرۆزكریان ژ دەستێ فریشتەی بلند بوو پێشیا خودێ.

ئاشكراكرن 8:5

پشتی هنگی فریشتەی بخویردانك بر و ژ ئاگرێ قوربانگەهێ پڕ كر و هاڤێتە سەر ئەردی، ئینا گڕگڕا عەوران، دەنگەدەنگ، برویسی و بیڤەلەرز چێبوون.

ئاشكراكرن 9:13

فریشتەیێ شەشێ ل بۆڕیزانێ دا و من دەنگەك ژ چوار شاخێن قوربانگەها زێڕین یا ل پێشیا خودێ بهیست،