ئاشكراكرن 7:9 - ئنجیلا پیرۆز

⁹ پشتی ڤان تشتان من بەرێ خۆ دایێ، ئەڤە جەماوەرەكێ مەزن، كەس نەدشیا بهژمێریت، ژ هەمی مللەت و هۆز و گەل و زمانان، ل بەرامبەر تەختی و ل بەرامبەر بەرخی د راوەستیای بوون، جلكێن سپی ل بەر وان بوون و تایێن دارقەسپێ د دەستی وان دا بوون.

ئاشكراكرن 7:9 ပူးပေါင်းရင်းမြစ်များ

مزگینیا لوقای 12:1

د وی دەمی دا ب هزاران مرۆڤ كۆمبوون، تا گەلەك ژ وان پێ ل ئێكودوو ددانا، وی دەست پێ كر و ل بەراهیێ ل گەل شاگردێن خۆ ئاخفت و گۆت: «هشیار بن ژ هەڤیرترشێ فەریسیان، كو دووڕویاتیە.

مزگینیا لوقای 21:36

ئەڤجا هشیار بمینن و ل هەمی دەمان نڤێژان بكەن، داكو هوین بشێن خۆ ژ ڤان هەمی تشتێن كو نێزیكە دێ روی دەن قورتال بكەن و رویسپی ل بەرامبەر كوڕێ مرۆڤ راوەستن.»

مزگینیا یوحەننای 12:13

ئینا ئەوان چەقێن دارقەسپێ هەلگرتن و دەركەفتنە پێشوازیا وی و كرنە هەوار: «هۆساننا! ‹یێ بەرەكەتدارە ئەوێ ب ناڤێ خودانی دهێت!› پاشایێ ئیسرائیلێ یێ بەرەكەتدارە!»

رۆما 11:25

ئەز حەز ناكەم، گەلی خویشك و برایان، هوین ئاگەهداری ڤێ نهێنیێ نەبن، داكو هوین خۆ ئاقلدار نەهژمێرن. نهێنی ئەوە كو سەرڕەقیێ پشكەكا گەلێ ئیسرائیل یا گرتی، تاكو ژمارەیا نەجوهیێن دێ قورتال بن، تەمام ببیت.

ئەفەسۆس 6:13

ژ بەر ڤێ چەندێ هەمی چەكێن خودێ هەلگرن، دا بشێن ل رۆژا خراب بەرهنگاریێ بكەن و پشتی هوین هەمی تشتان تەمام دكەن، خۆ راگرن.

عیبرانی 11:12

لەوما ژ كەسەكێ وەكو ئێكێ مری دویندەهەك پەیدا بوو، ژمارەیا وان تەمەت ستێرێن ئەسمانی و تەمەت خیزێ ل سەر كنارێ دەریایێ ناهێتە هژمارتن.

عیبرانی 12:22

لێ هوین هاتنە نك چیایێ سییۆنێ، باژێڕێ خودایێ زیندی، ئورشەلیما ئەسمانی، نك ئاهەنگەكێ كو فریشتەیێن بێ هژمار خڕڤەكرین،

ئاشكراكرن 11:15

فریشتەیێ حەفتێ ل بۆڕیزانێ دا و دەنگێن مەزن ژ ئەسمانی هاتن، دگۆتن: «پاشایەتیا جیهانێ یا بوویە یا خودانێ مە و مەسیحێ وی، ئەو دێ هەتا هەتایێ پاشایەتیێ كەت.»

ئاشكراكرن 22:3

ئێدی تشتێ نفرین لێ كری ل وێرێ نابیت. تەختێ خودێ و بەرخی دێ د ناڤ باژێڕی دا بیت و بەنیێن وی دێ وی پەرێسن

ئاشكراكرن 3:18

ئەز شیرەتێ ل تە دكەم كو تۆ زێڕێ ب ئاگری هاتیە پارزناندن ژ من بكڕی، دا دەولەمەند ببی، جلكێن سپی ژی، دا بكەیە بەر خۆ و شەرما رویسبوونا تە دیار نەبیت، هەروەسا ملحەمەكا چاڤان بۆ چاڤێن خۆ، دا بیناهیێ بكەی.

ئاشكراكرن 4:4

ل دۆرێن تەختی بیست و چوار تەخت هەبوون، ل سەر وان تەختان بیست و چوار ریهسپی د روینشتی بوون، جلكێن سپی ل بەر بوون و تانجێن زێڕی ل سەر سەرێ وان بوون.

ئاشكراكرن 5:11

پشتی هنگی من بەرێ خۆ دایێ و من دەنگێ گەلەك فریشتەیان بهیست. ئەو ل دۆرێن تەختی و دۆرێن هەر چوار ئافراندیێن زیندی و ریهسپیان بوون، ژمارەیا وان ب دەهان هزار دە‍‌ھ هزار و هزارەهان هزار بوون.

ئاشكراكرن 5:9

ئەوان سروودەكا نوی دستراند و دگۆت: «تۆ یێ هەژی كو پەرتووكێ وەرگری و موهرێن وێ ڤەكەی، چنكو تۆ هاتیە ڤەكوشتن و تە ب خوینا خۆ مرۆڤ بۆ خودێ كڕین، ژ هەمی هۆز و زمان و گەل و مللەتان.

ئاشكراكرن 6:11

هنگی بۆ هەر ئێك ژ وان كراسەكێ سپی هاتە دان و بۆ وان هاتە گۆتن كو دەمەكێ كورت بێهنا خۆ ڤەدەن تاكو ژمارەیا هەڤبەنیێن وان و خویشك و برایێن وان، ئەوێن دێ وەكو وان هێنە كوشتن، تەمام ببیت.

ئاشكراكرن 7:8

ژ هۆزا زەبولونی دوازدە هزار، ژ هۆزا یوسڤی دوازدە هزار، ژ هۆزا بنیامینی دوازدە هزار هاتبوونە موهركرن.