ئاشكراكرن 7:15 - ئنجیلا پیرۆز

¹⁵ لەوما ئەو ل بەرامبەر تەختێ خودێنە، د پەرستگەها وی ڤە، ب شەڤ و رۆژ وی دپەرێسن. ئەوێ ل سەر تەختی روینشتی ب خیڤەتا خۆ دێ وان پارێزیت.

ئاشكراكرن 7:15 ပူးပေါင်းရင်းမြစ်များ

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

1 كورنتۆس 3:16

ما هوین نزانن، كو هوین پەرستگەها خودێنە و گیانێ خودێ د هەوە دا یێ ئاكنجیە؟

2 كورنتۆس 6:16

ما چ رێككەفتن د ناڤبەرا پەرستگەها خودێ و پووتان دا هەیە؟ چنكو ئەم پەرستگەها خودایێ زیندینە، هەروەكو خودێ گۆتی: «ئەز دێ د ناڤ وان دا ئاكنجی بم و د ناڤبەرا وان دا گەڕیێم. ئەز دێ خودایێ وان بم و ئەو دێ گەلێ من بن.»

عیبرانی 12:2

بەرێ مە ل عیسای بیت، داهێنەر و تەمامكەرێ باوەریا مە، ئەوێ ژ پێخەمەت دلشادیا ل بەر وی هاتیە دانان، خۆ ل بەر خاچێ گرتی و شەرمزاریا وێ ب پشت گو‍‌ھ ڤە هاڤێتی، ئەڤجا ل رەخێ راستێ یێ تەختێ خودێ روینشتی.

عیبرانی 8:1

خالا سەرەكی ژ وان تشتێن مە گۆتین ئەڤەیە: مە سەرۆككاهنەكێ هۆسا یێ هەی، ئەوێ ل ئەسمانان ل رەخێ راستێ یێ تەختێ مەزناهیێ روینشتی،

ئاشكراكرن 11:19

هنگی پەرستگەها خودێ یا ل ئەسمانی ڤەبوو و سندوقا پەیمانا وی د پەرستگەهێڤە دیار بوو. ئینا بوونە برویسی و دەنگەدەنگ و گڕگڕا عەوران و بیڤەلەرز و تەرگا مەزن.

ئاشكراكرن 13:6

ئەوی دەڤێ خۆ ڤەكر و كوفری ل دژی خودێ كرن، كوفری ل دژی ناڤێ وی و ل دژی خیڤەتا وی و ل دژی ئاكنجیێن ل ئەسمانی كرن.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 21:22

من چ پەرستگە‍‌ھ د باژێڕی دا نەدیتن، چنكو خودان خودێ، هێزدارێ هەر تشتی، ئەو و بەرخ پەرستگەها وینە.

ئاشكراكرن 22:3

ئێدی تشتێ نفرین لێ كری ل وێرێ نابیت. تەختێ خودێ و بەرخی دێ د ناڤ باژێڕی دا بیت و بەنیێن وی دێ وی پەرێسن

ئاشكراكرن 22:5

ئێدی نابیتە شەڤ. ئەوان پێدڤی ب رۆناهیا چرای و رۆناهیا رۆژێ نابیت، چنكو خودان خودێ دێ رۆناهیێ ل وان كەت و ئەو دێ هەتا هەتایێ پاشایەتیێ كەن.

ئاشكراكرن 4:4

ل دۆرێن تەختی بیست و چوار تەخت هەبوون، ل سەر وان تەختان بیست و چوار ریهسپی د روینشتی بوون، جلكێن سپی ل بەر بوون و تانجێن زێڕی ل سەر سەرێ وان بوون.

ئاشكراكرن 4:8

هەر چوار ئافراندیێن زیندی، هەر ئێكی شەش چەنگ هەبوون، سەرڤەیا وان و بن چەنگێن وان ب چاڤان د پڕ بوون، ب شەڤ و رۆژ، بێی راوەستیان دگۆتن: «یێ پیرۆزە، یێ پیرۆزە، یێ پیرۆزە، خودان خودێ، هێزدارێ هەر تشتی، ئەوێ هەبوو و ئەوێ هەی و ئەوێ دێ هێت.»

ئاشكراكرن 4:9

هەر دەمێ ئافراندیێن زیندی مەزناهی و رێز و سوپاسیا وی دكر، یێ روینشتی ل سەر تەختی، ئەوێ هەروهەر دژیت،

ئاشكراكرن 7:9

پشتی ڤان تشتان من بەرێ خۆ دایێ، ئەڤە جەماوەرەكێ مەزن، كەس نەدشیا بهژمێریت، ژ هەمی مللەت و هۆز و گەل و زمانان، ل بەرامبەر تەختی و ل بەرامبەر بەرخی د راوەستیای بوون، جلكێن سپی ل بەر وان بوون و تایێن دارقەسپێ د دەستی وان دا بوون.