ئاشكراكرن 7:14 - ئنجیلا پیرۆز

¹⁴ من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.

ئاشكراكرن 7:14 ပူးပေါင်းရင်းမြစ်များ

مزگینیا مەتتای 24:21

چنكو هنگی دێ تەنگاڤیەكا مەزن روی دەت، كو وەكو وێ هەر ژ دەستپێكا جیهانێ هەتا نوكە روی نەدایە و چ جاران روی نادەت ژی.

مزگینیا مەرقۆسی 13:19

چنكو ل وان رۆژان دێ تەنگاڤیەكا وەسا روی دەت، كو وەكو وێ هەر ژ دەستپێكا جیهانا خودێ ئافراندی و هەتا نوكە روی نەدایە و چ جاران روی نادەت ژی.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

رۆما 5:3

نە ب تنێ ب ڤێ، لێ ئەم شانازیێ ب تەنگاڤیێن خۆ ژی دبەین، چنكو ئەم دزانین تەنگاڤی خۆڕاگرتنێ پەیدا دكەت،

1 كورنتۆس 6:11

هندەك ژ هەوە ژی د وەسا بوون. لێ هوین ب ناڤێ خودان عیسایێ مەسیح و ب گیانێ خودایێ مە هاتنە شویشتن، هوین هاتنە پیرۆزكرن، هوین هاتنە بێگونەهكرن.

2 سالونیكی 1:4

لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.

عیبرانی 13:12

لەوما عیسای ژی ژ دەرڤەی دەرگەهێ باژێڕی ئازار كێشا، داكو گەلێ خۆ ب خوینا خۆ پیرۆز بكەت.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

1 پەترۆس 1:19

لێ ب خوینەكا بهاگران، هەروەكو یا بەرخەكێ بێكێماسی و بێپنی بیت، هاتینە ئازاد كرن، ئەو ژی خوینا مەسیحیە.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین

ئاشكراكرن 12:11

ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.

ئاشكراكرن 15:2

پاشی من تشتەكێ وەكو دەریایا شویشەی یا تێكهەل ل گەل ئاگری دیت و ئەوێن سەركەفتن ل سەر دڕندەی و وێنەیێ وی و ژمارەیا ناڤێ وی ئینای، ل سەر دەریایا شویشەی د راوەستیای بوون و قیسارەیێن خودێ ڤێ بوون

ئاشكراكرن 17:6

من دیت ئەو ژنك ب خوینا پیرۆزكریان و خوینا شاهدێن عیسای یا سەرخۆش بوو. دەمێ من ئەو دیتی، ئەز گەلەك مەندەهۆش بووم.

ئاشكراكرن 2:9

من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا ئبلیسینە.

ئاشكراكرن 22:14

خوزیكێن وان یێن جلكێن خۆ دشوون، دا وان ماف هەبیت ژ دارا ژیانێ بخۆن و د دەرگەهان را بچنە د باژێڕی ڤە.

ئاشكراكرن 5:9

ئەوان سروودەكا نوی دستراند و دگۆت: «تۆ یێ هەژی كو پەرتووكێ وەرگری و موهرێن وێ ڤەكەی، چنكو تۆ هاتیە ڤەكوشتن و تە ب خوینا خۆ مرۆڤ بۆ خودێ كڕین، ژ هەمی هۆز و زمان و گەل و مللەتان.

ئاشكراكرن 7:9

پشتی ڤان تشتان من بەرێ خۆ دایێ، ئەڤە جەماوەرەكێ مەزن، كەس نەدشیا بهژمێریت، ژ هەمی مللەت و هۆز و گەل و زمانان، ل بەرامبەر تەختی و ل بەرامبەر بەرخی د راوەستیای بوون، جلكێن سپی ل بەر وان بوون و تایێن دارقەسپێ د دەستی وان دا بوون.