ئاشكراكرن 7:11 - ئنجیلا پیرۆز

¹¹ هەمی فریشتە ل دۆرێن تەختی و ریهسپی و هەر چوار ئافراندیێن زیندی د راوەستیای بوون، ئەوان ل بەرامبەر تەختی دەڤ و دەڤ خۆ هاڤێتە ئەردی و سوجدە بۆ خودێ بر

ئاشكراكرن 7:11 ပူးပေါင်းရင်းမြစ်များ

مزگینیا مەتتای 4:10

ئینا عیسای گۆتێ: «هەڕە هەی ئبلیس! چنكو یا هاتیە نڤیسین: ‹بۆ خودان خودایێ خۆ سوجدێ ببە و وی ب تنێ بپەرێسە›.»

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

عیبرانی 1:6

هەروەسا دەمێ كوڕێ خۆ یێ نەخری دئینیتە جیهانێ، دبێژیت: «بلا هەمی فریشتەیێن خودێ سوجدێ بۆ ببەن!»

ئاشكراكرن 11:16

ئینا هەر بیست و چوار ریهسپیێن ل سەر تەختێن خۆ ل بەرامبەر خودێ دروینشتی، دەڤ و دەڤ خۆ هاڤێتە ئەردی و سوجدە بۆ خودێ بر

ئاشكراكرن 15:4

كی ژ تە ناترسیت و ناڤێ تە مەزن ناكەت، هەی خودان؟ چنكو تۆ ب تنێ یێ پیرۆزی. هەمی مللەت دێ هێن و ل بەرامبەری تە سوجدێ بەن، چنكو كارێن تە یێن دادپەروەرانە ئاشكرا بوون.»

ئاشكراكرن 22:9

لێ وی گۆتە من: «وە نەكە! ئەز بەنیمە ل گەل تە و برایێن تە یێن پێغەمبەر و ئەوێن پەیڤێن ڤێ پەرتووكێ ب ج‍‌ھ دئینن. سوجدێ بۆ خودێ ببە.»

ئاشكراكرن 4:10

وی دەمی هەر بیست و چوار ریهسپی ل پێشیا ئەوێ روینشتی ل سەر تەختی خۆ دهاڤێتە ئەردی و سوجدە بۆ وی دبر، یێ هەروهەر دژیت. تانجێن خۆ ژی دهاڤێتنە پێشیا تەختی و دگۆت:

ئاشكراكرن 4:4

ل دۆرێن تەختی بیست و چوار تەخت هەبوون، ل سەر وان تەختان بیست و چوار ریهسپی د روینشتی بوون، جلكێن سپی ل بەر بوون و تانجێن زێڕی ل سەر سەرێ وان بوون.

ئاشكراكرن 4:6

هەروەسا ل پێشیا تەختی تشتەكێ وەكو دەریایەكا شویشەی هەبوو، وەكو كریستالی. ل دۆرێن تەختی و ژ هەمی لایان ڤە، چوار ئافراندیێن زیندی هەبوون، ل پێش و ل پاش د پڕی چاڤ بوون.

ئاشكراكرن 4:8

هەر چوار ئافراندیێن زیندی، هەر ئێكی شەش چەنگ هەبوون، سەرڤەیا وان و بن چەنگێن وان ب چاڤان د پڕ بوون، ب شەڤ و رۆژ، بێی راوەستیان دگۆتن: «یێ پیرۆزە، یێ پیرۆزە، یێ پیرۆزە، خودان خودێ، هێزدارێ هەر تشتی، ئەوێ هەبوو و ئەوێ هەی و ئەوێ دێ هێت.»