ئاشكراكرن 6:9 - ئنجیلا پیرۆز

⁹ دەمێ بەرخی موهرا پێنجێ ڤەكری، من د بن قوربانگەهێ ڤە گیانێن وان دیتن یێن ژ پێخەمەت پەیڤا خودێ و ژ پێخەمەت شاهدەییا وان دای، هاتبوونە ڤەكوشتن.

ئاشكراكرن 6:9 ပူးပေါင်းရင်းမြစ်များ

مزگینیا یوحەننای 16:2

دێ هەوە ژ كنیشتەیان دەرئێخن. دەمەك ژی دێ هێت، تێدا هەر كەسێ هەوە بكوژیت، دێ هزر كەت ئەو یێ خزمەتەكێ پێشكێشی خودێ دكەت.

2 كورنتۆس 5:8

بەلێ، ئەم د پشتڕاستین و ب باشتر دزانین كو ژ لەشی د دویر بین و ل نك خودانی د ئاكنجی بین.

فیلیپی 1:23

د ناڤبەرا هەردوویان دا ئەز ل بەر بڕیارەكا دژوارم: ئەز حەز دكەم بچم و ل گەل مەسیحی بم، ئەڤە گەلەك چێترە.

فیلیپی 2:17

لێ ئەگەر وەكو پێشكێشیێ رژاندنێ ل سەر قوربانی و خزمەتا باوەریا هەوە بهێمە رشتن ژی، ئەز دلخۆش دبم و ل گەل هەوە هەمیان كەیفخۆش دبم.

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

2 تیمۆتاوس 4:6

چنكو ئەڤە ئەز وەكو پێشكێشیەكێ رژاندنێ دهێمە رشتن، دەمێ وەغەركرنا من یێ هاتی.

عیبرانی 12:23

نك جڤاكا نەخریێن تۆماركری د ئەسمانان دا، نك خودێ، دادوەرێ هەمیان، نك گیانێ راستدارێن هاتینە كاملكرن،

ئاشكراكرن 1:2

یوحەننای ژی ل دۆر هەمی تشتێن وی دیتین شاهدەیی دا، ئانكو بۆ پەیڤا خودێ و شاهدەییا عیسایێ مەسیح.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 14:18

پشتی هنگی فریشتەیەكێ دی، ئەوێ دەستهەلات ل سەر ئاگری هەی، ژ قوربانگەهێ دەركەفت و ب دەنگەكێ بلند گازی كرە فریشتەیێ شالۆكا تیژ ڤێ و گۆتێ: «شالۆكا خۆ هەلگرە و ئیشیێن مێوێن ئەردی كۆم بكە، چنكو تریێ وێ یێ گەهشتی.»

ئاشكراكرن 16:7

ئینا من دەنگێ قوربانگەهێ بهیست دگۆت: «بەلێ، هەی خودان خودێ، هێزدارێ هەر تشتی، حوكمێن تە د راست و دادپەروەرن.»

ئاشكراكرن 19:10

ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 8:3

فریشتەیەكێ دی هات و ل نك قوربانگەهێ راوەستیا، بخویردانكەكا زێڕین ڤێ بوو. گەلەك بخویر بۆ وی هاتە دان، دا ل گەل نڤێژێن هەمی پیرۆزكریان، ل سەر قوربانگەها زێڕین، ئەوا ل پێشیا تەختی، پێشكێش بكەت.

ئاشكراكرن 9:13

فریشتەیێ شەشێ ل بۆڕیزانێ دا و من دەنگەك ژ چوار شاخێن قوربانگەها زێڕین یا ل پێشیا خودێ بهیست،