ئاشكراكرن 6:4 - ئنجیلا پیرۆز

⁴ ئینا هەسپەكێ دی دەركەفت، یێ سۆر بوو. دەستهەلات بۆ سیارێ وی هاتە دان دا كو ئاشتیێ ژ جیهانێ راكەت، دا مرۆڤ ئێكودوو بكوژن. شیرەكێ مەزن ژی بۆ وی هاتە دان.

ئاشكراكرن 6:4 ပူးပေါင်းရင်းမြစ်များ

مزگینیا مەتتای 10:34

هزر نەكەن ئەز یێ هاتیم دا ئاشتیێ بینمە سەر رویێ ئەردی. ئەز نەهاتیمە ئاشتیێ بینم، لێ شیری بینم.

مزگینیا مەتتای 24:6

دێ هەوە گو‍‌ھ ل جەنگ و دەنگوباسێن جەنگان بیت. هشیار بن نەڤەجنقن، چنكو دڤێت ئەڤ تشتە روی بدەن. لێ ئەڤە هێشتا نە دویماهیە.

مزگینیا یوحەننای 19:11

عیسای بەرسڤا وی دا: «تە چ دەستهەلات ل سەر من نەدبوو، ئەگەر ژ ژۆری بۆ تە نەهاتبا دان. لەوما ئەوێ ئەز رادەستی تە كریم، گونەها وی هێشتا مەزنترە.»

ئاشكراكرن 12:3

نیشانەكا دی ژی ل ئەسمانی دیار بوو: ئەڤە ئەژدەهایەكێ سۆر یێ مەزن، یێ ب حەفت سەر و دە‍‌ھ شاخان و حەفت تانج ل سەر سەرێن وی.

ئاشكراكرن 13:10

ئەگەر بۆ ئێكی هاتیە نڤیسین ببیتە دیل، دێ بەرەڤ دیلاتیێ ڤە چیت. ئەگەر بۆ ئێكی هاتیە نڤیسین ب شیری بهێتە كوشتن، دێ ب شیری هێتە كوشتن. ل ڤێرێ خۆڕاگرتن و دلسۆزیا پیرۆزكریان یا فەرە.

ئاشكراكرن 17:3

ئینا فریشتەی ب رێكا گیانێ پیرۆز ئەز برمە چۆلی و من ژنكەك دیت ل سەر دڕندەیەكێ سۆر یا روینشتی بوو، ژ هەمی لایان ڤە ناڤێن كوفریان ل سەر وی دڕندەی بوون و وی حەفت سەر و دە‍‌ھ شاخ هەبوون.

ئاشكراكرن 17:6

من دیت ئەو ژنك ب خوینا پیرۆزكریان و خوینا شاهدێن عیسای یا سەرخۆش بوو. دەمێ من ئەو دیتی، ئەز گەلەك مەندەهۆش بووم.