ئاشكراكرن 5:9 - ئنجیلا پیرۆز

⁹ ئەوان سروودەكا نوی دستراند و دگۆت: «تۆ یێ هەژی كو پەرتووكێ وەرگری و موهرێن وێ ڤەكەی، چنكو تۆ هاتیە ڤەكوشتن و تە ب خوینا خۆ مرۆڤ بۆ خودێ كڕین، ژ هەمی هۆز و زمان و گەل و مللەتان.

ئاشكراكرن 5:9 ပူးပေါင်းရင်းမြစ်များ

مزگینیا مەتتای 20:28

هەروەسا كوڕێ مرۆڤ ژی نەهاتیە داكو خزمەتا وی بهێتە كرن، لێ دا ئەو خزمەتێ بكەت و خۆ ژ پێش گەلەكان ڤە بكەتە گۆری.»

مزگینیا مەتتای 26:28

چنكو ئەڤە خوینا منە، خوینا پەیمانێ، ئەوا ژ پێخەمەتی گەلەكان بۆ لێبورینا گونەهان دێ هێتە رشتن.

كارێن هنارتیان 20:28

ئەڤجا هشیاری خۆ و هەمی كەرێ پەزی بن، ئەوێ گیانێ پیرۆز هوین وەكو چاڤدێر د ناڤ دا داناین، دا شڤانیێ ل جڤاكا گازیكریێن خودێ بكەن، ئەوا وی ب خوینا خۆ كڕی.

1 كورنتۆس 6:20

چنكو هوین ب بهایەكێ گران یێن هاتینە كڕین. ژ بەر ڤێ چەندێ وە بكەن كو ب لەشێ هەوە مەزناهیا خودێ دیار ببیت.

1 كورنتۆس 7:23

هوین ب بهایەكێ گران هاتنە كڕین، ئەڤجا نەبنە بەنیێن مرۆڤان.

ئەفەسۆس 1:7

ژ دەولەتسەرێ وی، مە ب خوینا وی رزگاری وەرگرت، ئانكو مە لێبورینا گونەهان هەیە. ئەڤ چەندە ل دویڤ كەرەما خودێ یا دەولەمەندە ،

ئەفەسۆس 5:19

بۆ ئێكودوو زەبوور، سروود و سترانێن روحانی بێژن، ژ دلێ خۆ بۆ خودانی بسترن و موزیكێ بژەنن.

كۆلۆسی 1:14

ئەوێ ب وی مە رزگاركرن، ئانكو لێبورینا گونەهان، هەی.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 11:14

ئەوێن تشتێن هۆسا دبێژن، ئاشكرا دكەن كو بۆ خۆ ل وەڵاتەكی دگەڕیێن.

2 پەترۆس 2:1

لێ كا چەوا پێغەمبەرێن درەوین د ناڤ گەلی دا پەیدا بوون، هەروەسا د ناڤ هەوە ژی دا دێ مامۆستایێن درەوین پەیدا بن. ئەو دێ ب نهێنی فێركرنێن وێرانكەر ئیننە د ناڤ هەوە دا، خۆ ئەو دێ وی خودانی ماندەل كەن یێ ئەو كڕین، هۆسا ئەو دێ ژناڤچوونەكا ب لەز ئیننە سەرێ خۆ.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

1 یوحەننا 2:2

ئەوە كەفارەت بۆ گونەهێن مە، نە ب تنێ بۆ گونەهێن مە، لێ بۆ گونەهێن هەمی جیهانێ ژی.

ئاشكراكرن 10:11

ئینا بۆ من هاتە گۆتن: «دڤێت تۆ دیسان دەربارەی گەلەك گەل و مللەت و زمان و پاشایان پەیامێ رابگەهینی.»

ئاشكراكرن 11:9

مرۆڤ ژ هەمی گەل و هۆز و زمان و مللەتان بۆ سێ رۆژ و نیڤان دێ ل تەرمێن وان نێڕن و ناهێلن د گۆڕان دا بهێنە ڤەشارتن.

ئاشكراكرن 13:7

دەستویری بۆ وی هاتە دان، كو ل دژی پیرۆزكریان بجەنگیت و ل سەر وان سەر بكەڤیت. هەروەسا دەستهەلات ل سەر هەمی هۆز و گەل و زمان و مللەتان بۆ وی هاتە دان.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 14:6

پشتی هنگی من فریشتەیەكێ دی دیت، ل ناڤەندا ئەسمانی دفڕی، مزگینیا هەروهەری هەبوو، دا وێ بۆ ئاكنجیێن ئەردی ژ هەمی مللەت و هۆز و زمان و گەلان رابگەهینیت،

ئاشكراكرن 15:3

و سروودا مووسای بەنیێ خودێ و سروودا بەرخی دستراند: «كارێن تە د مەزن و سەیرن، هەی خودان خودێ، هێزدارێ هەر تشتی. رێكێن تە د دادپەروەر و راستن، هەی پاشایێ مللەتان.

ئاشكراكرن 17:15

پاشی فریشتەی گۆتە من: «ئەو ئاڤێن تە دیتین، كو لەشفرۆش ل سەر یا روینشتیە، گەل و جەماوەر و مللەت و زمانن.

ئاشكراكرن 4:11

«تۆ یێ هەژی، هەی خودان و خودایێ مە، كو مەزناهی و رێز و هێزێ وەرگری، چنكو تە هەمی تشت ئافراندن و ئەو ب حەزا تە هاتنە ئافراندن و هەنە.»

ئاشكراكرن 5:12

ب دەنگەكێ بلند دگۆت: «یێ هەژییە ئەو بەرخێ هاتبوو ڤەكوشتن، كو هێزێ و دەولەمەندیێ و ئاقلمەندیێ و شیانێ و رێزێ و مەزناهیێ و پەسنێ وەرگریت.»

ئاشكراكرن 5:6

پشتی هنگی د ناڤبەرا تەختی و هەر چوار ئافراندیێن زیندی دا، د ناڤەڕاستا ریهسپیان دا، من بەرخەكێ راوەستیای دیت هەروەكو یێ ڤەكوشتی بیت. وی حەفت شاخ هەبوون و حەفت چاڤ ژی كو حەفت گیانێن خودێنە یێن بۆ هەمی ئەردی هاتینە هنارتن.