ئاشكراكرن 5:8 - ئنجیلا پیرۆز

⁸ دەمێ پەرتووك وەرگرتی، هەر چوار ئافراندیێن زیندی و هەر بیست و چوار ریهسپیان ل بەرامبەر بەرخی دەڤ و دەڤ خۆ هاڤێتە ئەردی. هەر ئێك ژ وان قیسارەیەك و ترارێن زێڕی یێن تژی بخویر ڤێ بوون. ئەو بخویر نڤێژێن پیرۆزكریانە.

ئاشكراكرن 5:8 ပူးပေါင်းရင်းမြစ်များ

مزگینیا یوحەننای 1:29

ل رۆژا د دویڤ دا، یوحەننای دیت عیسا یێ بەرەڤ وی ڤە دهێت، ئینا گۆت: «ئەڤەیە بەرخێ خودێ ئەوێ گونەها جیهانێ رادكەت.

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

عیبرانی 1:6

هەروەسا دەمێ كوڕێ خۆ یێ نەخری دئینیتە جیهانێ، دبێژیت: «بلا هەمی فریشتەیێن خودێ سوجدێ بۆ ببەن!»

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 15:2

پاشی من تشتەكێ وەكو دەریایا شویشەی یا تێكهەل ل گەل ئاگری دیت و ئەوێن سەركەفتن ل سەر دڕندەی و وێنەیێ وی و ژمارەیا ناڤێ وی ئینای، ل سەر دەریایا شویشەی د راوەستیای بوون و قیسارەیێن خودێ ڤێ بوون

ئاشكراكرن 15:7

ئێك ژ چوار ئافراندیێن زیندی حەفت ترارێن زێڕین، یێن تژی ژ تۆڕەبوونا خودایێ هەروهەر زیندی، دانە هەر حەفت فریشتەیان.

ئاشكراكرن 19:4

هەر بیست و چوار ریهسپی و هەر چوار ئافراندیێن زیندی خۆ هاڤێتە ئەردی و بۆ خودایێ روینشتی ل سەر تەختی سوجدە بر و گۆت: «ئامین! هەلێلوویا!»

ئاشكراكرن 4:10

وی دەمی هەر بیست و چوار ریهسپی ل پێشیا ئەوێ روینشتی ل سەر تەختی خۆ دهاڤێتە ئەردی و سوجدە بۆ وی دبر، یێ هەروهەر دژیت. تانجێن خۆ ژی دهاڤێتنە پێشیا تەختی و دگۆت:

ئاشكراكرن 4:4

ل دۆرێن تەختی بیست و چوار تەخت هەبوون، ل سەر وان تەختان بیست و چوار ریهسپی د روینشتی بوون، جلكێن سپی ل بەر بوون و تانجێن زێڕی ل سەر سەرێ وان بوون.

ئاشكراكرن 4:6

هەروەسا ل پێشیا تەختی تشتەكێ وەكو دەریایەكا شویشەی هەبوو، وەكو كریستالی. ل دۆرێن تەختی و ژ هەمی لایان ڤە، چوار ئافراندیێن زیندی هەبوون، ل پێش و ل پاش د پڕی چاڤ بوون.

ئاشكراكرن 4:8

هەر چوار ئافراندیێن زیندی، هەر ئێكی شەش چەنگ هەبوون، سەرڤەیا وان و بن چەنگێن وان ب چاڤان د پڕ بوون، ب شەڤ و رۆژ، بێی راوەستیان دگۆتن: «یێ پیرۆزە، یێ پیرۆزە، یێ پیرۆزە، خودان خودێ، هێزدارێ هەر تشتی، ئەوێ هەبوو و ئەوێ هەی و ئەوێ دێ هێت.»

ئاشكراكرن 5:11

پشتی هنگی من بەرێ خۆ دایێ و من دەنگێ گەلەك فریشتەیان بهیست. ئەو ل دۆرێن تەختی و دۆرێن هەر چوار ئافراندیێن زیندی و ریهسپیان بوون، ژمارەیا وان ب دەهان هزار دە‍‌ھ هزار و هزارەهان هزار بوون.

ئاشكراكرن 5:12

ب دەنگەكێ بلند دگۆت: «یێ هەژییە ئەو بەرخێ هاتبوو ڤەكوشتن، كو هێزێ و دەولەمەندیێ و ئاقلمەندیێ و شیانێ و رێزێ و مەزناهیێ و پەسنێ وەرگریت.»

ئاشكراكرن 5:14

هەر چوار ئافراندیێن زیندی ژی دگۆت: «ئامین» و ریهسپیان خۆ هاڤێتە ئەردی و سوجدە بر.

ئاشكراكرن 5:6

پشتی هنگی د ناڤبەرا تەختی و هەر چوار ئافراندیێن زیندی دا، د ناڤەڕاستا ریهسپیان دا، من بەرخەكێ راوەستیای دیت هەروەكو یێ ڤەكوشتی بیت. وی حەفت شاخ هەبوون و حەفت چاڤ ژی كو حەفت گیانێن خودێنە یێن بۆ هەمی ئەردی هاتینە هنارتن.

ئاشكراكرن 6:1

پشتی هنگی من دیت بەرخی ئێك ژ هەر حەفت موهران ڤەكر و من بهیست ئێك ژ هەر چوار ئافراندیێن زیندی ب دەنگەكێ وەكو گڕگڕا عەوران دگۆت: «وەرە!»