ئاشكراكرن 4:4 - ئنجیلا پیرۆز

⁴ ل دۆرێن تەختی بیست و چوار تەخت هەبوون، ل سەر وان تەختان بیست و چوار ریهسپی د روینشتی بوون، جلكێن سپی ل بەر بوون و تانجێن زێڕی ل سەر سەرێ وان بوون.

ئاشكراكرن 4:4 ပူးပေါင်းရင်းမြစ်များ

مزگینیا مەتتای 19:28

عیسای بەرسڤا وان دا: «ب راستی دبێژمە هەوە: د نویكرنێ دا، دەمێ كوڕێ مرۆڤ ل سەر تەختێ مەزناهیا خۆ دروینیت، هوین ئەوێن ب دویڤ من كەفتین، دێ ل سەر دوازدە تەختان روینن و دادوەریێ ل سەر هەر دوازدە هۆزێن ئیسرائیل كەن.

مزگینیا لوقای 22:30

داكو هوین د پاشایەتیا من دا ل سەر سفرا من بخۆن و ڤەخۆن و ل سەر تەختان روینن و دادوەریێ ل سەر هەر دوازدە هۆزێن ئیسرائیل بكەن.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

ئاشكراكرن 11:16

ئینا هەر بیست و چوار ریهسپیێن ل سەر تەختێن خۆ ل بەرامبەر خودێ دروینشتی، دەڤ و دەڤ خۆ هاڤێتە ئەردی و سوجدە بۆ خودێ بر

ئاشكراكرن 14:3

ئەوان ل پێشیا تەختی و ل پێشیا هەر چوار ئافراندیێن زیندی و ریهسپیان سروودەكا نوی دستراند. كەس نەدشیا فێری وێ سروودێ ببیت ژبلی وان سەد و چل و چوار هزار مرۆڤێن ژ ئەردی هاتینە كڕین.

ئاشكراكرن 19:14

لەشكەرێن ل ئەسمانی یێن راپێچای ب كتانێ نازك یێ سپی و پاقژ ل سەر هەسپێن سپی ب دویڤ وی دكەفتن.

ئاشكراكرن 19:4

هەر بیست و چوار ریهسپی و هەر چوار ئافراندیێن زیندی خۆ هاڤێتە ئەردی و بۆ خودایێ روینشتی ل سەر تەختی سوجدە بر و گۆت: «ئامین! هەلێلوویا!»

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 3:18

ئەز شیرەتێ ل تە دكەم كو تۆ زێڕێ ب ئاگری هاتیە پارزناندن ژ من بكڕی، دا دەولەمەند ببی، جلكێن سپی ژی، دا بكەیە بەر خۆ و شەرما رویسبوونا تە دیار نەبیت، هەروەسا ملحەمەكا چاڤان بۆ چاڤێن خۆ، دا بیناهیێ بكەی.

ئاشكراكرن 4:10

وی دەمی هەر بیست و چوار ریهسپی ل پێشیا ئەوێ روینشتی ل سەر تەختی خۆ دهاڤێتە ئەردی و سوجدە بۆ وی دبر، یێ هەروهەر دژیت. تانجێن خۆ ژی دهاڤێتنە پێشیا تەختی و دگۆت:

ئاشكراكرن 4:6

هەروەسا ل پێشیا تەختی تشتەكێ وەكو دەریایەكا شویشەی هەبوو، وەكو كریستالی. ل دۆرێن تەختی و ژ هەمی لایان ڤە، چوار ئافراندیێن زیندی هەبوون، ل پێش و ل پاش د پڕی چاڤ بوون.

ئاشكراكرن 5:11

پشتی هنگی من بەرێ خۆ دایێ و من دەنگێ گەلەك فریشتەیان بهیست. ئەو ل دۆرێن تەختی و دۆرێن هەر چوار ئافراندیێن زیندی و ریهسپیان بوون، ژمارەیا وان ب دەهان هزار دە‍‌ھ هزار و هزارەهان هزار بوون.

ئاشكراكرن 5:14

هەر چوار ئافراندیێن زیندی ژی دگۆت: «ئامین» و ریهسپیان خۆ هاڤێتە ئەردی و سوجدە بر.

ئاشكراكرن 5:6

پشتی هنگی د ناڤبەرا تەختی و هەر چوار ئافراندیێن زیندی دا، د ناڤەڕاستا ریهسپیان دا، من بەرخەكێ راوەستیای دیت هەروەكو یێ ڤەكوشتی بیت. وی حەفت شاخ هەبوون و حەفت چاڤ ژی كو حەفت گیانێن خودێنە یێن بۆ هەمی ئەردی هاتینە هنارتن.

ئاشكراكرن 5:8

دەمێ پەرتووك وەرگرتی، هەر چوار ئافراندیێن زیندی و هەر بیست و چوار ریهسپیان ل بەرامبەر بەرخی دەڤ و دەڤ خۆ هاڤێتە ئەردی. هەر ئێك ژ وان قیسارەیەك و ترارێن زێڕی یێن تژی بخویر ڤێ بوون. ئەو بخویر نڤێژێن پیرۆزكریانە.

ئاشكراكرن 6:11

هنگی بۆ هەر ئێك ژ وان كراسەكێ سپی هاتە دان و بۆ وان هاتە گۆتن كو دەمەكێ كورت بێهنا خۆ ڤەدەن تاكو ژمارەیا هەڤبەنیێن وان و خویشك و برایێن وان، ئەوێن دێ وەكو وان هێنە كوشتن، تەمام ببیت.

ئاشكراكرن 7:11

هەمی فریشتە ل دۆرێن تەختی و ریهسپی و هەر چوار ئافراندیێن زیندی د راوەستیای بوون، ئەوان ل بەرامبەر تەختی دەڤ و دەڤ خۆ هاڤێتە ئەردی و سوجدە بۆ خودێ بر

ئاشكراكرن 7:9

پشتی ڤان تشتان من بەرێ خۆ دایێ، ئەڤە جەماوەرەكێ مەزن، كەس نەدشیا بهژمێریت، ژ هەمی مللەت و هۆز و گەل و زمانان، ل بەرامبەر تەختی و ل بەرامبەر بەرخی د راوەستیای بوون، جلكێن سپی ل بەر وان بوون و تایێن دارقەسپێ د دەستی وان دا بوون.

ئاشكراكرن 9:7

شێوەیێ كولیان وەكو یێ وان هەسپان بوو یێن ئامادەكری بۆ جەنگێ. ل سەر سەرێ وان تشتەكێ وەكو تانجێن زێڕی بوو و دێمێ وان وەكو دێمێ مرۆڤان بوو،