ئاشكراكرن 3:4 - ئنجیلا پیرۆز

⁴ لێ تە چەند كەسەك ل ساردیسێ یێن هەین، جلكێن خۆ پیس نەكرینە، ئەو دێ ب جلكێن سپی ل گەل من گەڕیێن، چنكو د هەژینە.

ئاشكراكرن 3:4 ပူးပေါင်းရင်းမြစ်များ

مزگینیا مەتتای 10:11

هەر گوند و باژێڕەكێ هوین چوونێ، لێ بگەڕیێن كا كی ل وێرێ یێ هەژییە ل نك وی بمینن، هەتا هوین ژ وێرێ دچن.

مزگینیا مەرقۆسی 16:5

دەمێ چووینە د ناڤ گۆڕی دا، ل رەخێ راستێ گەنجەكێ روینشتی دیت، كراسەكێ سپی ل بەر بوو، ئینا مەندەهۆش بوون.

مزگینیا لوقای 20:35

لێ ئەوێن دهێنە هژمارتن كو د هەژینە بگەهنە وێ جیهانێ و رابوونا مریان، نە ژنێ دئینن و نە شوی دكەن،

مزگینیا لوقای 21:36

ئەڤجا هشیار بمینن و ل هەمی دەمان نڤێژان بكەن، داكو هوین بشێن خۆ ژ ڤان هەمی تشتێن كو نێزیكە دێ روی دەن قورتال بكەن و رویسپی ل بەرامبەر كوڕێ مرۆڤ راوەستن.»

كارێن هنارتیان 1:15

د وان رۆژان دا، پەترۆس د ناڤ باوەرداران دا، كو ژمارەیا وان نێزیكی سەد و بیست كەسان بوو، رابوو و گۆت:

2 سالونیكی 1:5

ئەڤ چەندە بەلگەیە ل سەر دادكرنا خودێ یا دادپەروەرانە، داكو هوین هەژی پاشایەتیا خودێ بن، ئەوا هوین ژ بەر وێ ئازارێ ژی دكێشن.

یەهودا 1:23

هندەكێن دی ژ ئاگری بڕەڤینن و قورتال بكەن، دلۆڤانیێ ب یێن ماین ببەن، لێ ب هشیاری و بلا كەربێن هەوە خۆ ژ وان جلكان ژی ڤەببن یێن ب لەشێ ڤان هەڕمین.

ئاشكراكرن 1:11

وی دگۆت: «تشتێ تۆ دبینی د پەرتووكەكێ دا بنڤیسە و بۆ هەر حەفت جڤاكان بهنێرە: بۆ ئەفەسۆسێ و بۆ سمیرنایێ و بۆ پەرگامایێ و بۆ تیاتیرایێ و بۆ ساردیسێ و بۆ فیلادەلفیایێ و بۆ لاودیكیایێ.»

ئاشكراكرن 11:13

د وێ دەمژمێرێ دا، بیڤەلەرزەكا مەزن چێبوو، ئینا دەهێكا باژێڕی هەڕفت و حەفت هزار مرۆڤ ب وێ بیڤەلەرزێ مرن، یێن ماین ترسیان و مەزناهی دا خودایێ ئەسمانی.

ئاشكراكرن 14:4

ئەڤە ئەون یێن ل گەل ژنكان نەهەڕمین، وان كوڕینیا خۆ پاك پاراستیە. ئەڤە ئەون یێن بەرخ كیڤە بچیت ئەو ب دویڤ دكەڤن. ئەو ژ ناڤ مرۆڤان هاتینە كڕین، وەكو خێڤە بۆ خودێ و بەرخی.

ئاشكراكرن 19:14

لەشكەرێن ل ئەسمانی یێن راپێچای ب كتانێ نازك یێ سپی و پاقژ ل سەر هەسپێن سپی ب دویڤ وی دكەفتن.

ئاشكراكرن 19:8

دەستهەلات بۆ وێ هاتە دان كو كتانەكێ نازك یێ شەوقدار و پاقژ بكەتە بەر خۆ.» ئەو كتانێ نازك كارێن راستدار یێن پیرۆزكریانە.

ئاشكراكرن 3:18

ئەز شیرەتێ ل تە دكەم كو تۆ زێڕێ ب ئاگری هاتیە پارزناندن ژ من بكڕی، دا دەولەمەند ببی، جلكێن سپی ژی، دا بكەیە بەر خۆ و شەرما رویسبوونا تە دیار نەبیت، هەروەسا ملحەمەكا چاڤان بۆ چاڤێن خۆ، دا بیناهیێ بكەی.

ئاشكراكرن 3:5

هەر ئێكێ سەركەفتنێ بینیت، وەسا دێ جلكێن سپی ل بەر بن و ئەز قەت ناڤێ وی ژ پەرتووكا ژیانێ نابەم و دێ ل پێشیا بابێ خۆ و ل پێشیا فریشتەیێن وی دانپێدانێ ب ناڤێ وی كەم.

ئاشكراكرن 4:4

ل دۆرێن تەختی بیست و چوار تەخت هەبوون، ل سەر وان تەختان بیست و چوار ریهسپی د روینشتی بوون، جلكێن سپی ل بەر بوون و تانجێن زێڕی ل سەر سەرێ وان بوون.

ئاشكراكرن 6:11

هنگی بۆ هەر ئێك ژ وان كراسەكێ سپی هاتە دان و بۆ وان هاتە گۆتن كو دەمەكێ كورت بێهنا خۆ ڤەدەن تاكو ژمارەیا هەڤبەنیێن وان و خویشك و برایێن وان، ئەوێن دێ وەكو وان هێنە كوشتن، تەمام ببیت.

ئاشكراكرن 7:9

پشتی ڤان تشتان من بەرێ خۆ دایێ، ئەڤە جەماوەرەكێ مەزن، كەس نەدشیا بهژمێریت، ژ هەمی مللەت و هۆز و گەل و زمانان، ل بەرامبەر تەختی و ل بەرامبەر بەرخی د راوەستیای بوون، جلكێن سپی ل بەر وان بوون و تایێن دارقەسپێ د دەستی وان دا بوون.