ئاشكراكرن 3:3 - ئنجیلا پیرۆز

³ دێ بینە بیرا خۆ كا تە چ وەرگرتیە و بهیستیە، وی تشتی ب ج‍‌ھ بینە و ل خۆ بزڤڕە. ئەگەر تۆ هشیار نەبی، دێ وەكو دزەكی هێم و تۆ قەت نزانی كیژان دەمژمێرێ دێ هێمە تە.

ئاشكراكرن 3:3 ပူးပေါင်းရင်းမြစ်များ

مزگینیا مەتتای 25:13

ئەڤجا هشیار بمینن، چنكو هوین وێ رۆژێ و وێ دەمژمێرێ ژی نزانن.

مزگینیا مەرقۆسی 13:33

بنێڕن هەوە های ژ خۆ هەبیت، چنكو هوین نزانن ئەو دەم كەنگی دێ هێت.

مزگینیا مەرقۆسی 13:36

نەوەكو ژ نشكەكێ ڤە بهێت و هەوە نڤستی ببینیت.

1 سالونیكی 5:2

چنكو هوین ب خۆ باش دزانن، كو رۆژا خودانی وەكو دزێ شەڤێ دهێت.

1 تیمۆتاوس 6:20

هەی تیمۆتاوس! ئەو تشتێ ب تە هاتیە راسپاردن بپارێزە، خۆ ژ پڕبێژیێن نەپیرۆز و هەڤدژیێن ناڤێ ‹زانین› ب درەو ل سەر هاتینە دانان، دویر بئێخە،

2 تیمۆتاوس 1:13

وان پەیڤێن ساخلەم یێن تە ژ من بهیستین بۆ خۆ بكە نموونە، وێ چەندێ ب رێكا باوەریێ و وێ حەزژێكرنێ یا مە د ئێكبوونا ل گەل مەسیح عیسای دا هەی، بكە.

عیبرانی 2:1

لەوما پێدڤیە ئەم پتر پێگیریێ ب وان تشتان بكەین یێن مە بهیستین، نەكو ژێ ڤاڕێ ببین.

2 پەترۆس 1:13

هندی ئەز د ڤێ خیڤەتێ دا بم، ئەز ڤێ چەندێ راست دبینم كو ئەز هەوە ب ڤێ بیرئینانێ بشارینم.

2 پەترۆس 3:1

گەلی خۆشتڤیان، ئەڤە دووەمین نامەیە ئەز بۆ هەوە دنڤیسم، د وان دا ئەز ب رێكا بیرئینانێ، هزرێن هەوە یێن پاقژ هشیار دكەم،

2 پەترۆس 3:10

لێ رۆژا خودانی دێ وەكو دزەكی هێت، كو تێدا ئەسمان دێ ب گورمێنەكا مەزن ژ ناڤ چیت و توخم ب سۆتنێ دێ حەلیێن و ئەرد و هەمی كارێن تێدا هاتینە كرن، نامینن.

ئاشكراكرن 16:15

«ئەڤە ئەز وەكو دزەكی دهێم! خوزیكێن وی یێ هشیار دمینیت و جلكێن خۆ دپارێزیت، دا رویس نەگەڕیێت و شەرمەجهێن وی نەهێنە دیتن.»

ئاشكراكرن 2:25

هەما ئەو تشتێ هەوە هەی قاییم بگرن، هەتا ئەز بهێم.

ئاشكراكرن 2:5

ئەڤجا بینە بیرا خۆ كا تۆ ژ كیرێ كەفتی! ل خۆ بزڤڕە و كریارێن دەستپێكێ بكە. ئەگەر نە، ئەز دێ هێمە تە و چرادانكا تە ژ جهێ وێ راكەم، ژبلی ئەگەر تۆ ل خۆ بزڤڕی.

ئاشكراكرن 22:7

«ئەڤە ئەز دێ زوی هێم! خوزیكێن وی یێ پەیڤێن پەیاما ڤێ پەرتووكێ ب ج‍‌ھ دئینیت.»

ئاشكراكرن 3:11

ئەز دێ زوی هێم. ئەڤجا ئەو تشتێ تە هەی قاییم بگرە، دا كەس تانجا تە نەبەت.

ئاشكراكرن 3:19

هەر ئێكێ ئەز حەز ژێ دكەم ئەز وی پاشڤە دبەم و تەمبی دكەم، لەوما یێ دلگەرم بە و ل خۆ بزڤڕە.

ئاشكراكرن 3:2

هشیار بە و تشتێن ماین كو ل بەر مرنێنە قاییم بكە، چنكو من كریارێن تە ل بەرامبەر خودایێ خۆ كاملبووی نەدیتن.