ئاشكراكرن 3:21 - ئنجیلا پیرۆز

²¹ هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.

ئاشكراكرن 3:21 ပူးပေါင်းရင်းမြစ်များ

مزگینیا مەتتای 19:28

عیسای بەرسڤا وان دا: «ب راستی دبێژمە هەوە: د نویكرنێ دا، دەمێ كوڕێ مرۆڤ ل سەر تەختێ مەزناهیا خۆ دروینیت، هوین ئەوێن ب دویڤ من كەفتین، دێ ل سەر دوازدە تەختان روینن و دادوەریێ ل سەر هەر دوازدە هۆزێن ئیسرائیل كەن.

مزگینیا مەتتای 25:21

ئینا خودانێ وی گۆتێ: ‹دەستخۆش، بەنیێ قەنج و دلسۆز! تۆ ل سەر پیچەكێ یێ دلسۆز بووی، ئەڤجا ئەز دێ تە دانمە سەر گەلەكێ. وەرە پشكداری بەختەوەریا خودانێ خۆ ببە!›

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا لوقای 22:30

داكو هوین د پاشایەتیا من دا ل سەر سفرا من بخۆن و ڤەخۆن و ل سەر تەختان روینن و دادوەریێ ل سەر هەر دوازدە هۆزێن ئیسرائیل بكەن.

مزگینیا یوحەننای 13:32

ئەڤجا ئەگەر خودێ ل گەل وی هاتە مەزن كرن، خودێ ژی دێ وی ل گەل خۆ مەزن كەت و ئێكسەر دێ وی مەزن كەت.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

ئاشكراكرن 1:6

و ئەم كرینە پاشایەتی و كاهنێن بابێ خۆ خودێ: مەزناهی و سەروەری هەروهەر بۆ وی بن. ئامین.

ئاشكراكرن 12:11

ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.

ئاشكراكرن 17:14

ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 20:6

چەند یێ بەختەوەر و پیرۆزە ئەوێ بەهر د رابوونا مریان یا ئێكێ دا هەی. مرنا دوویێ دەستهەلات ل سەر وان نینە، لێ ئەو دێ بنە كاهنێن خودێ و مەسیحی و دێ ل گەل وی بۆ هزار ساڵان پاشایەتیێ كەن.

ئاشكراكرن 5:10

تە ئەو بۆ خودایێ مە كرنە پاشایەتی و كاهن، ئەو دێ پاشایەتیێ ل سەر ئەردی كەن.»

ئاشكراكرن 6:2

من بەرێ خۆ دایێ، ئەڤە هەسپەكێ سپی یێ ل وێرێ! سیارێ وی كڤانەك ڤێ بوو، تانجەك بۆ وی هاتە دان، ئەو وەكو قەهرەمانەكی دەركەفت، دا سەركەفتنێ بینیت.

ئاشكراكرن 7:17

چنكو ئەو بەرخێ ل ناڤەڕاستا تەختی، دێ شڤانیێ ل وان كەت و دێ وان بەتە سەر كانیێن ئاڤا ژیانێ و خودێ دێ هەمی رۆندكان ژ چاڤێن وان ڤەمالیت.»